Blloku Bota

Më 1 janar të vitit 2025 njoftohet se ndalon kalimi i gazit rus përmes Ukrainës. Kjo për shkak se Kievi zyrtar ka deklaruar se nuk ka ndërmend të zgjasë më kontratën pesë vjeçare të tranzitimit të gazit rus drejt Europës, një vendim që paralajmëron krizë.

Aleksandër Vuçiç nuk duket se i ka punët edhe aq mirë për momentin në Serbi. Protestat dhe tensionet që zgjasin me javë për një sërë çështjesh janë pasaur dje nga një incident i rëndë gjatë të cilit është rrahur liderin opozitar serb, Dragan Djilas.

Situata shpjegohet në mënyrën më të pabesueshme: Djilas ka dashur të ndalojë vendosjen e disa posterave kundër tij nga aktivistë të partisë së Aleksander Vuçiç dhe përplasja ka përfunduar në rrahjen e tij.

Presidenti turk, Recep Tayyip Erdogan, ka bërë thirrje që Perëndimi të frenojë Izraelin në veprimet e veta në Siri, përpara se të jetë shumë vonë, siç tha ai.

Censi i Kosovës ka evidentuar se në shtetin fqinj banojnë 1 602 515 qytetarë. Agjencia e Statistikave ka publikuar rezultatet dhe në shifrën e sipërcituar përfshihen edhe komunat serbe, ndonëse ato bojkotuan pjesëmarrjen në regjistrim. Shifra e banorëve të regjistruar faktikisht është 1 586 659, ndërkohë që në vitin 2011 ka qenë 1 739 825.

Mosha ka pësuar këto ndryshime:

A do të ikë nga vendi Aleksander Vuçiç? Është një pyetje që po shtrohet së fundmi nga opozita serbe e cila e krahason presidentin e vendit me Bashar al-Assad. I pyetur për këtë çështje në Bruksel, Vuçiç është shprehur i nervozuar se:

Ish-presidenti i Francës, Nicolas Sarkozy, do të vendoset së shpejti nën arrest shtëpie pasi Gjykata e Lartë e vendit konfirmoi vendimet e mëparshme që e kanë dënuar për korrupsion.

Gjykata e Lartë Franceze ka lënë në fuqi vendimin e Gjykatës së Apelit që e ka vlerësuar një politikan, avokatin e tij dhe një gjykatës si fajtor për korrupsion, ndikim me synim fitimin dhe shkelje të sekretit profesional

Presidentja e Kosovës, Vjosa Osmani, ka shprehur pakënaqësinë me sjelljen e disa vendeve europiane. Duke folur para mediave ajo ka vënë në dukje se masat kufizuese ndaj vendit të saj mbeten në fuqi dhe se në këtë qasje nuk ka asgjë europiane dhe as drejtësi. Ndonëse siç tha ajo, Kosova e ka linjëzuar 100% politikën e saj të jashtme me BE-në.

Gazeta greke “Kathimerini” evidenton sot në një shkrim të vetin një politikë mediatike në Turqi përmes së cilës duket se po promovohet ideja e një izolimi faktik të Greqisë në çështje detare në Egje. Duke cituar një admiral turk në pension, Cihat Yayci, gazeta vë në dukje se në Ankara po qarkullon ideja e një marrëveshjeje të delimitmit të Zonave Ekskluzive Ekonomike me Sirinë ngjashmë me atë që u nënshkrua me Libinë.

Lufta e Tretë Botërore paska nisur. Në Ukrainë. Dhe ne nuk e kuptojmë. Mediat në Perëndim kanë dëshirë të madhe të luajnë me skenarin e fundit, apo me psikologjinë e Nostradamusit. Në një shkrim të posaçëm, “Politico” lufton qetësinë relative europiane me një titull të tillë. Dhe referon për komentet e një historiani të Luftës së Ftohtë, Sergey Radchenko.

Hera e fundit që kemi dëshmuar një gjë të tillë është në Afganistan, me invazionin sovjetik

Papa Francesco thotë se ai ka shpëtuar nga një atentat në vitin 2021 gjatë një vizte në Irak. “Corriere della Sera” citon kujtimet e Papës, botuar së fundmi, në të cilat Bergolio tregon për një ngjarje gjatë vizitës së tij në Iraq, “për të cilën të gjithë më këshilluan ta shmangia”. Sipas librit në fjalë, Papa do vizitonte Mosulin ku ka kisha katolike. Gjatë qëndrimit në Bagdad shërbimet britanike kishin komunikuar informacione sipas të cilave një grua kamikaze, që mbante eksplozivë në trup synonte të vetëvritej gjatë vizitës.