Blloku Bota

BBC-ja raporton sot të dhënat e përafërta të viktimave të luftës në Ukrainë.

Gjykata Kushtetuese e Rumanisë ka vendosur përsëritjen e zgjedhjeve presidenciale duke marrë për bazë gjykimi njoftimet e shërbimeve sekrete se në fushatën e fundit vota e deofrmua nën ndikimin rus. Călin Georgescu, fituesi i zgjedhjeve të fundit, cilësohet si ultranacionalist dhe sipas raportimeve të mediave perëndimore ai përfitoi nga fushata në TikTok që ngjan me fushatat e zbatuara në Ukrainë dhe Moldavi.

Deshifrimi i komunikimeve të Sky ECC dhe EncroChat ka sjellë arrestime edhe në Greqi. Mediat greke raportojnë se pjesa më e madhe e 20 të arresuarve janë tifozë të grupit të futbollit, AEK.

Protestat kundër Aleksander Vuçiç në Serbi nuk po ndalen. Dhe duket ee fati ushqen vazhdimisht me arsye për të protestuar.

Vrasjet në seri vitin e kaluar, manipulimi zgjedhjeve, Jadari dhe tani incidenti i Novi Sadit. Çfarë është e rëndësishme është pjesëmarrja në protësta apo si opozitarë e njerëzve të botës akademike në to, një shembull ky domethënës krahasuar me heshtjen servile të të ashtuquajturve intelektualë në Shqipëri.

Përveç Rusisë që flet për “Perëndimin Kolektiv” dhe rënien e tij, tashmë ka nisur të flasë edhe presidenti turk, Erdogan. Në një fjalim të mbajtur në Këshillin e Shtatë Fetar në Ankara, më 26 nëntor, Erdogan citohet të jetë shprehur se:

Progresi i Perëndimit, i ndërtuar mbi gjak, lotë, masakra, genocid dhe shfrytëzim – dhe e theksoj – ka arritur përkohësisht të dominojë qytetërimin hyjnor të Lindjes që ka në bazë njeriun  

Agjencia Kombëtare kundër Krimit në Mbretërinë e Bashkuar, ka publikuar goditjen e një rrejti ndërkombëtar të pastrimit të parave. Në qendër janë dy kompani me shtrirje globale, Smart dhe TGR, të dyja ruse përmes të cilave elita ruse ka evaduar ndaj sanksioneve perëndimore. Ekaterina Zhdanova dhe George Rossi janë dy personat kyçë të operacionit të koduar “Destabilise” në kuadër të të cilit është zgjeruar edhe lista e personave nën sanksione.

Përmes një raporti prej 296 faqesh, titulluar: A ndjehesh si nënnjeri: Genocidi i Izraelit kundër palestinezëve në Gaza, Amnesty International, i është bashkuar kështu zërave akuzues ndaj TelAvivit zyrtar që vijon luftën që nga 7 tetori 2023.

Kryeministri i Francës, Michel Barnier është rrëzuar pasi partitë e majta dhe të djathta ekstreme bashkuan votuat në mbështetje të një mocioni mosbesimi.

Kjo shënon herën e parë që qeveria franceze rrëzohet në një votë mosbesimi që nga viti 1962. Vota e mosbesimit kaloi me 331 vota dhe deputetët nuk mundën ta votonin kundër, por mund të votonin vetëm pro ose abstenim.

Vatikani ka marrë në dorëzim makinën e parë tërësusht elektrike që do të jetë në përdorim për Papën. Popemobili i është dorëzuar Papa Franccesco nga drejtori i Mercedes-Benz Sten Ola Kallenius që ka deklaruar se:

Çdo detaj është perfekt. Ka marrë qindra orë punë dore për të ndërtuar një pjesë unike si kjo

Vendet anëtare të Bashkimit Europian pritet të shpenzojnë 326 miliardë euro për mbrojtjen në vitin 2024 që përfaqëson 1.9% të Prodhimit të Brendshëm Bruto të unionit. Në viti 2023 BE-ja shpenzoi 279 miliardë euro, duke dëshmuar kështu ndikimin që ka lufta në Ukrainë në buxhetin e mbrojtjes së unionit.

Kreu i Agjencisë Europane të Mbrojtjes, Jiří Šedivý, ka deklaruar se megjithë rritjen rekord dhe përqindjen rekord që ajo përfaqëson në raport me PBB-në, buxheti europian mbetet sërish i dobët krahasuar me SHBA.