Shpipëri Hesapi

Në Tiranë po zhvillohet këto ditë një aktivitet me temë politikat progresive në Ballkanin Perëndimor, ku siç njofton Agjencia Telegrafike Shqiptare marrin pjesë “me dhjetëra të rinj aktivistë të Partisë Socialiste dhe partive simotra në rajon”. Aktivitetin e ka përshëndetur Damian Gjiknuri, i mirënjohuri i qeverisjes së skandaleve Rama 2, i cili në cilësinë e sekretarit të Përgjithshëm të partisë ndër të tjera tha:

Si hyhet në një restorant, bar, në Europë? A futet me Green Pass? Po, do e vendosim dhe ne, e vendosëm dhe në universitete.

Për qytetarët është e rëndësishme, që ne kemi pika vaksinimi në çdo qendër shëndetësore, dhe në universitete. Do të vendosim ‘Green Pass’ për të hyrë në lokale dhe në strukturat e shërbimit

Këto mesazhe janë përcjellë sot nga salla e Parlamentit nga ministrja e Shëndetësisë, Ogerta Manastirliu e cila nuk dihet pse u ka dhënë atyre tonet e një paralajmërimi.

Shqipëria e Bukur. Ngjyrat e vjeshtës në Gërmenj të Leskovikut

Kështu titullohet një video publicitare e postuar në faqen e kryeministrit Edi Rama në facebook.

Siç mund të merret me mend në video shfaqen plane të natyrës, vjeshta ka gatuar disa ngjyra tërheqëse për syrin dhe kamera ndalet te ferma “Sotira” dhe peizazhi.

Sot, Sali Berisha ka shpallur kandidaturën e tij për kryetar të Partisë Demokratike. Partisë së vet, të cilën e drejtoi për 3 dekada.

Mediat përcjellin sot një të ashtuquajtur debat në Komisionin Parlamentar të Ligjeve mes zv.ministrit të Energjetikës, Ilir Bejtja dhe deputetit të PD-së, Gazmend Bardhi. Teksa ishin duket diskutuar për situatën energjetike në vend, dyshja intelektuale ka kaluar në këtë lloj regjistri:

Bejtja: Ti ke vrarë një njeri në Elbasan dhe nuk ke kërkuar falje akoma

Bardhi: Ik more hajdut, dil përjashta

Ja një lajm në republikën e rrugaçëve: Ministria e Drejtësisë kërkon nga mjekësia ligjore informacion të përshpejtuar mbi shkaqet e vdekjes së 4 turistëve rusë në një hotel në Qerret të Kavajës.

Lajmi vazhdon: Ende nuk dihet nëse kjo bëhet për shkak të përgjigjeve negative të njëpasnjëshme nga ana e institucioneve, të cilat duhet të bënin ekzaminimet e provave apo nëse ka një kërkesë të tillë nga Moska zyrtare.

Ka tetë vjet në karrigen e kryeministrit. Ka 8 vjet që reformon administratën, bën reforma për energjinë, po bën shtet dhe hap vende pune, po ndryshon Shqipërinë në peiazhin urban.

E megjithatë korrupsioni në administratë është në nivele të tilla që kërkon riorganizim me koordinatorë kundër korrupsionit, energjia po na duket mall luksi si në Liban, për punësimin mbetemi eksportues krahu pune dhe për peizazhin urban ne sot marrim vesh se Shqipëria është një pocaqi me plehra.

Sot në mëngjes në media qarkulloi një deklaratë e ministres së Kulturës, Elva Margariti e cila në rolin e ngushëlluesit zyrtar shprehej se Cirkut të Tiranës i doli pronari. Në krah të artistëve, ministrja ka siguruar se qeveria do të bëjë gjithçka për të krijuar hapësirën e duhur për Cirkun. Mesazhi është i thjeshtë: cirku ikën nga ishte, e degdiset gjetkë.

Niveli i karragjozllëkut të kryeministrit të Shqipërisë dhe dashurisë së pakufishme për teatër dhe marketing ka mbërritur sot në një tjetër nivel, teksa Edi Rama shpërndan në Facebook një video ku nuk duket askush,. Veç një iPad që manipulon plane lëshimi raketash dhe dy zëra që komunikojnë për lëshimin e dy satelitëve: Albania 1 dhe Albania 2. Një prej zërave është Edi Rama që shet kështu pa dhënë asnjë hollësi fabulën e Shqipërisë në hapësirë, një tjetër ëndërr kazani dhe demagogji mejhaneje siç është Shqipëria.

Kryeministri Edi Rama ka dhënë një intervistë për revistën franceze “Beaux - Arts” përmes së cilës flet për karrierën e vet si artist dhe politikan. Agjencia Telegrafike Shqiptare ka përkthyer intervistën e cila vjen me një hyrje panegjirike për z. Rama që i duket gazetarit francez “një kolos i ëmbël, një krijesë poetike, një politikan artist!” për të vijuar me një rrëfim.