Shpipëri Hesapi

Sot kreu i Kadastrës, Artan Lame, doli e u tha shqiptarëve të Shqipërisë, diçka shumë më të madhe sesa vetja e tij, apo detyra që mban. Nga Kavaja, ku Kadastra nuk ka problemin se i duhet të heqë drejtorin si në Vlorë p.sh, z. Lame ndër të tjera tha:

Bullgaria nuk e hiqte veton ndaj Maqedonisë së Veriut por më pas Parlamenti e hoqi atë. Ndodh në Ballkan që politika shtetërore ndërron brenda 24 orëve sepse në këto lloj vendesh nuk ka kauza ideologjike, por stomaku.

Pas heqjes së shpejtë të vetos, zhurmuesi i rajonit, kryeministri i Shqipërisë Edi Rama, ka përshëndetur vendimin dhe heqjen e pengmarrjes bullgare.

Në Sarandë po investojmë për të përmirësuar furnizimin me ujë të pijshëm në dy lagje të këtij qyteti, të cilat prej vitesh kanë vuajtur mungesën e këtij shërbimi. Janë më shumë se 2 mijë familje dhe 200 biznese që përfitojnë nga ky investim. Jo vetëm përmirësojmë cilësinë e jetesës së banorëve, por nxisim edhe zhvillimin e mëtejshëm të gjithë zonës, e cila po tërheq gjithmonë e më shumë turistë e vizitorë

Kryeministri tha që nuk do shkonte në Samitin e BE-së sepse ishte ngopur me Jo-të e BE-së. Sot njoftoi se do shkojë se do të promovojë Ballkanin e Hapur.

Në fakt ky nuk është kryeministër, ky është Edi. Që këto di të bëjë.

Pas kodit të etikës së ministrave të mandatit të tretë, që është mandati i dhjamit, qeveria ka menduar që të kthejë dinjitetin e institucionit të presidentit. Dinjitet të cilin e sheh te kufizimi i numrit të dekoratave që presidenti ka të drejtë të japë në një vit. Gjithësej 23 të tilla, edhe këto të përcaktuara. 

Pamje nga shëtitorja(kështu ka mbetur emri) e Pogradecit. Sajesat e një tranzicioni, manikota mbi një trup të vjetër ku lidhen shumë kujtime. Por edhe një identitet urban që sa vjen dhe asgjësohet. 

Është një copë udhe e këndshme që nuk dihet sesi i ka shpëtuar uniformës së Rilindjes Urbane. Lungomare në Vlorë, lungomare në Sarandë. Një stil, një material, ato ngjyra, i njëjti parim. Miniaturat e këtyre dy blanave urbane janë në Himarë, Belsh, po edhe Koplik.

Bajram Begaj do të jetë, apo do të votohet për president të Shqipërisë. Gjeneral, ish-Shefi i Shtabit të Ushtrisë, prof.as i Mjekësisë, Begaj vjen në vëmendje si zgjedhje nga një fushë që është tronditur nga skandalet. Me propozim të shumicës parlamentare. 

Ai është pjesë e padisë penale për pronat e ushtrisë, padi e bërë nga ish-numri dy i ushtrisë, Artur Meçollari, për bazat e Sarandës dhe Shëngjinit. 

I bëj thirrje të gjithë shqiptarëve që nuk kanë biletë e s’janë në Tiranë mos tentojnë të vijnë atë ditë në Tiranë se qyteti do jetë në dispozicion të tifozerive, miqve dhe atyre që kanë një biletë.

I bëj thirrje të gjithë binzeseve që nuk kanë lidhje me finalen, jo baret e restorantet, e gjithë bizneset e shërbimet, por të tjerat si bankat apo zyrat e ndryshme private që si kemi bërë me institucionet publike apo shkollat ta bëjnë e ata ta shpallin ditë pushimi të mërkurën se do jetë e paralizuar sa i takon qarkullimit të mjeteve gjithë Tirana.

Ronela Hajati përfaqësoi Shqipërinë keq në Eurovizion. Thuhen shumë gjëra për këtë, se ajo u zhvesh apo bëri gjeste, se kënga nuk ishte si duhet, se siç dëgjojmë rëndom RTSh dështoi në menaxhim e kështu me radhë. Ronela na vuri një njollë. Dhe na e vuri këtë njollë edhe pse p.sh shumëkush nuk e di që ka një këgëtare apo artiste, performuese apo çfarë të duash që quhet Ronela Hajati dhe se paska shkuar në Eurovizion.

Nëse do bënim një javë kulturore për thashethemet, do ishte një javë ku Shqipëria do mbante flamurin e kryesuesit të aftësisë prodhuese. Procesi i zgjedhjes së Presidentit, simulon maksimalisht thashethemet, përfshihen gjithfarë emrash dhe njerëzish, në shumicën e rasteve edhe pa dëshirën e tyre. Përgjigjia ime është negative se nuk ka asnjë të vërtetë