Shpipëri Hesapi

Gledis Nano ka dhënë dorëheqjen e parevokueshme. Atë ia ka refuzuar ministri i Brendshëm Blendi Çuçi.

Gledis Nano nuk e ka dhënë dorëheqjen. Atë ia ka kërkuar ministri Çuçi në prani të një oficeri me mbiemrin Rrumbullaku, por që Nano e ka refuzuar. Çuçi citohet të jetë shprehur madje se dorëheqjen ia ka kërkuar për shkak të ngjarjeve të fundit për të mos i krijuar kosto qeverisë “Rama”.

Sot raportohet se Gledis Nano do të hiqet. Po, ai do të hiqet për shkak të atyre që kanë ndodhur.

Faqja Homeland Justice ka publikuar sot të dhënat e qytetarëve shqiptarë – siç i prezanton ajo – ku përfshihen emra, mbiemrat, numër telefoni dhe numëri i kartës së identitetit.

Një tjetër shembull i faktit se të dhënat tona janë rrjepur nga sistemi dhe se ato tashmë janë mall pazari pë rata që i kanë. Është koha që të regjistrojmë pseudonimet në Gjendjen Civile se kapistrën që na vunë e mori vesh mbarë dynjaja bashkë me të dhëna të tjera. Me këtë rast edhe patronazhistët nuk i akuzon dot më. 

Fabula e spiunëve rusë në Gramsh nuk eci ndaj edhe kryeministri Edi Rama ka vendosur të pozicionohet me ata që e tallin idenë e spiunazhit. Gjatë një konference për shtyp me kryeministrin e Luksemburgut, z. Rama ndër të tjera tha:

Është pritur në mënyrë ceremoniale Luiza Gega që u shpall kampione e Europës. Më saktë është pritur në Pazar ma tam tame në një dekor të improvizuar, vezullues  aty-aty, i gjithi në bulevardin më indiferent të Europës, edhe pse jo neutral, shoqëruar nga një bandë frymore veshur me teshat e çuditshme që janë i vetmi tregues serioz i më të vërtetës histori tonës.

Lexoni çfarë thotë ish-ministri i Mbrojtjes Fatmir Mediu, siç e citojnë atë media të ndryshme:

Është nevojë urgjente ndërtimi i një Agjensie të Sigurisë Kombëtare e cila t’i shqyrtojë dhe ndjekë të gjitha çështjet që kanë të bëjnë me Sigurinë Kombëtare.

Jemi i vetmi vend në botë që ka një Këshill të Sigurisë Kombëtare aspak funksional dhe fatkeqësisht çështjet e sigurisë i trajtojmë në mënyrë diletante

Një kronikë e djeshme në MCN Tv jep të kuptojë se cila është metoda e punëve nga Bashkia e Tiranës. Pak ditë më parë në rrugën “Tefta Tashko” që lidh Pazarin e Ri me rrugën “Bardhyl”, pra në qendër të kryeqytetit nisën punimet për kanalizimet e ujërave të zeza.

Pas punimeve, u hodhën ca lopata zhavorr dhe rruga mbeti mysybet me pluhur dhe gropa. Pse nuk përfundohen punimet është pyetja? E prishe rrugën, rregulloje!

Anisa Kostani është pezulluar nga puna dhe është nën hetim disiplinor. Zonja apo zonjusha është nënkomisare dhe sipas njoftimit të drejtuesve të Policisë së Shtetit arsyet janë fisnike: Kostani fyeu gazetarët.

Me keqardhje ndoqëm reagimin aspak etik dhe profesional të një oficereje të Policisë së Drejtorisë Vendore të Policisë Elbasan, e cila nëpërmjet një postimi në rrjetet sociale ka fyer gazetarët, me pretendimin se gazetarët po përbaltin punën e Drejtorisë Vendore të Policisë Elbasan.

Top-Channel ka zbardhur sot një të ashtuquajtur draft që parashikon të përjashtojë me ligj nga kandidimi apo mbajtja e funksioneve publike të personave që kanë qenë bashkëpunëtorë të Sigurimit të Shtetit. 

Është në rendin e gjërave që një njeri që drejton të prezantojë përherë më të mirën, të flasë me optimizëm për kohën dhe të ardhmen. Por duhet të ketë një kufi. P.sh kryeministri e nis e vazhdon ditën dixhitale me togfjalësha të tipit : Dhe me spitalin e ri…shkollën e re, apo zyrat e reja të DPSHTRR. Padyshim që puna duhet propaganduar, por ka një masë përgjegjësie edhe për të keqen. Që nuk është e vogël në këtë vend. Vrasjet nuk po i lënë frymë qetësisë publike, jo pse vrasje nuk ka gjetiu, por për lehtësinë me të cilën merret jeta këtu.

Shqipëria është një vend bregdetar. Por i kujt është bregu? Ja pyetja që ka rëndësi. I zaptuesve që mbështeten nga pushteti. Riviera jonë e dëshmon më së miri këtë zaptim nga ata që kanë imunitetin e politikanit.

Pavarësisht se kryeministri është bërë si puna e atij gjermanit që numëronte gratë në filmin “Dimri i fundit” teksa numëron gjermanët, francezët apo polakët, e vërteta është se prona mbi bregun është në një dorë. Të enturazhit të z. Rama, ministrave, shokëve, miqve, ku hyjnë edhe gazetarë.