Lajme

Presidenti i Republikës, Ilir Meta ka njoftuar sot zyrtarisht zhvillimin e ceremonisë së betimit të anëtarëve të rinj të Gjykatës Kushtetuese. Presidenti i referohet nenit 129 të Kushtetutës duke thirrur për betim vetëm Elsa Toskën, Marsida Xhaferllarin dhe Fion Papajorgjin, dy kandidate të zgjedhura nga Kuvendi dhe një nga vetë kreu i shtetit. Meta ka lënë jashtë ceremonisë Art Vorpsin, e zgjedhur nga Këshilli i Emërimeve në Drejtësi, duke i dhënë goditje një procedure të ngatërruar nga vetë shumica në pushtet.

Përfaqësuesja e Lartë e BE-së për Politikën e Jashtme, Federica Mogherini ka deklaruar gjatë një seance debati të mërkurën se një Qipro e Bashkuar brenda BE-së do të ndryshonte lojën.

Veprimi i sotshëm i Arta Vorpsit për të kryer betimin si anëtare e Gjykatës Kushtetuese para noterit, është vetëm një epsiod i radhës në serinë e atyre akteve që karakterizojnë shumicën aktuale. 

Donald Trump ka nxjerrë sërish bllof mediat dhe bashkëpunëtorët e tij. Ndërkohë që prej javësh Shtëpia e Bardhë kërcënon me sanksione, sot njoftohet se presidenti amerikan ka bërë të kundërtën: përmes një letre ai i ka propozuar homologut turk, Recep Tayyip Erdogan një paketë 100 miliardë dollarë. 
Në këmbim Trump kërkon që Turqia të heqë dorë nga blerja e sistemit rus S-400, një hap që sipas gazetës “The Washington Post" mund të acarojë raportet mes presidentit dhe Kongresit që muajin e kaluar votoi me shumicë për vendosjen e sanksiomeve. 

Prezantimi i projektbuxhetit 2020 është shoqëruar me debate dhe kritika që kësaj radhe kanë ardhur nga brenda shumicës qeverisëse. Ish-ministri Arben Ahmetaj ka kritikuar thuajse çdo gjë, që nga parashikimi i rritjes ekonomike në 4.1% kur FMN-ja sugjeron 2.9%, tek investimet publike apo detyrimet e papaguara.

Ministri i Jashtëm rus, Sergei Lavrov ka gjetur kohën të tallet me ata që akuzojnë Rusinë se qëndron pas çdo zhvillimi negative në botë. 

Jemi akuzuar për çdo gjë që nga Brexit, Katalonja, Kili. Ndaj po pyesja veten se përse nuk përmendemi për zhvillimet në Irak, Liban dhe tani në Bolivi. Kjo është e çudtishme. Për ndonjë arsye nuk na kanë akuzuar për grushtin e shtetit në Bolivi. Pra diçka po ndodh në mendjen e atyre që normalisht krijojnë axhendë gjeopolitike.

Një kërkim i ri i drejtuar nga universiteti Adeliade në bashkëpunim me Institutin për Studime Evolucionare në universitetin Witwatersrand  sugjeron se ideja e përgjithshme e shkencës se homininët e parë të llojit Australopithecus ishin më të zgjuar se majmunët e sotshëm, është i gabuar. Supozimi i mësipërm ndërtohej nisur nga diferenca në vëllimin e trurit mes të dy specieve. Mirëpo një gjë e tillë nuk ngre shumë peshë pasi sipas kërkuesve është fluksi i gjakut në pjesën konjitive të trurit ai që përcakton shkallën e inteligjencës.

Kryetari i ri i Delegacionit të Parlamentit Europian në Komitetin e Stabilizim-Asociimit Shqipëri-BE, Manolis Kefalogiannis ka dhënë një intervistë për faqen online, European Western Balkans përmes së cilës ka përsëritur mesazhin se rruga europiane mbetet e hapur për Shqipërinë dhe Maqedoninë e Veriut. Ai është pyetur disa herë për Shqipërinë ndaj së cilës ka bërë thirrje që ta shohë integrimin si mundësi bashkëpunimi dhe jo si pedan për të zhvilluar luftë të brendshme.

Pamjet video që vijnë nga Izraeli dëshmojnë për natyrën e kërcënimit që sjell lufta e sotme dhe sidomos për kostot eventuale të saj. Një raketë e lëshuar nga militantët palestinezë nga Gaza ka goditur në kryqëzimin e rrugës 4 pranë qytetit Gan Yanve, në jug të kryeqytetit Telaviv.

Pamjet janë kapur edhe nga kamerat e makinave që kanë qenë shënjestra e mundshme e sulmit që u krye një ditë pasi forcat izraelite eliminuan një drejtues të lartë islamik. 

Kryeministri Edi Rama ka dalë sot në një intervistë për të dhënë një mesazh kundër Albin Kurtit dhe Lëvizjes Vetëvendosje. Në një analogji me qëndrimet ndaj Aleancës Kuqezi në vitin 2013, Rama ka sulmuar një grupim me qasje nacionaliste që ka ditur si asnjë forcë tjetër në arealin politik shqiptar të mobilizojë rininë.