Lajme

Në emër të këshilltarë bashkiakë të PD-së dhe aleatëve të opozitës, kreu i tyre, Leonard Olli i bëri thirrje kryetarit të bashkisë Erion Veliaj të lërë mënjanë shown mediatik dhe të thërrasë në mënyrë urgjente mbledhjen e këshillit bashkiak për shpërndarjen e banesave sociale. Përmes një deklarate për shtyp paraditen e 1 gushtit 2015, të mbajtur para bashkisë së Tiranës akuzoi kryeministrin Rama se prej një viti mbajti të bllokuar procesin e shpërndarjes së banesave sociale dhe tani vijon zvarritjen.

Vendimi që Rusia të lëshojë viza për shtetasit me pasaporta kosovare ka tronditur Serbinë, sipas agjencisë së lajmeve INA. Ambasada ruse në Beograd ka njoftuar se qytetarët nga Kosova mund të hyjnë në Federatën Ruse vetëm në raste të veçanta apo kur marrin pjesë në ngjarje sportive nën përfaqësimin e Komitetit Ndërkombëtar Olimpik dhe federatave ndërkombëtare sportive. E përditshmja më e madhe serbe “Blic” në numrin e ditës së sotme ia ka kushtuar tërë ballinën këtij lajmi, transmeton Indeksonline.

Qeveria ka vendosur të pezullojë përkohësisht financimin e 190 projekteve infrastrukturore që kanë si autoritet kontraktor komunat. Vendimi i Këshillit të Ministrave tashmë ka marrë fuqi ligjore dhe prek investime në shkolla, ujësjellësa e rrugë. Referuar vendimit, pezullimi i përkohshëm është bërë për projektet në vazhdim, me cikël financimizbatimi 2012-­2015, me autoritet kontraktues “Komunat”, të financuara me vendim të Komitetit për Zhvillimin e Rajoneve.

Para tri ditësh në disa media, kryesisht elektronike, qarkulloi një “lajm” që riprodhonte qëndrimet e shkrimtarit Ismail Kadare për pushtimin osman dhe trajtimin e tij historiografik. “Lajmi” ishte shkëputur nga një postim në një fan page në “Facebook”. Mirëpo dje, administratorët e faqes sqarojnë opinionin mbi këtë postim, duke akuzuar mediat për mungesë profesionalizmi. “Këto dy ditët e fundit, në mediat elektronike shqiptare, qarkullon një artikull mbi Kadarenë. Artikulli është shkëputur nga një prej posteve tona të fundit dhe është kaluar nga këto media si të ishte 'lajm i fundit'.

Kryetari i ri i Bashkisë së Tiranës, Erion Veliaj prezantoi sot 24 administratorët e tij të këtij institucioni. Gjatë fjalës së tij, Veliaj pohoi se këta administratorë do jenë më afër shqetësimeve të komunitetit, ndërsa theksoi se nuk do të ketë shërbime me dy standarde për komunat apo qytetin, bashkinë e madhe të Tiranës. Nga ana tjetër, kryebashkiaku i ri i Tiranës lëshoi një mesazh të qartë për të gjithë ata që do të caktohen në këtë detyrë të re në llojin e saj në Bashkinë e Tiranës, ndërsa theksoi se ata nuk janë përfaqësues më të partive politike.

Parashikime jo optimiste për rritjen ekonomike në Shqipëri në tre vitet e ardhshme. Në një raport të publikuar së fundmi Instituti i Vjenës për Studime Ekonomike Ndërkombëtare ngre shqetësimin lidhur me ngarkesën fiskale, nivelin e lartë të kredive me probleme dhe pabarazitë e jashtme, tre faktorë kërcënues për ekonominë shqiptare. Kjo ekonomi vijon të mbështet nga reforma në sektorin e energjisë dhe hyrjet e investimeve të huaja direkte.

Artan Fuga ka reaguar me një postim në Facebook ndaj opinionit të Pëllumb Xhufit, publikuar sot në "Panorama". Po e përcjellim të plotë:

Presidenti i Republikës priti paraditen e sotme në Presidencë ministren e Arsimit dhe Sportit, Lindita Nikolla, ku në fokus të takimit ishte reforma në institucionet e arsimit të lartë, e kontestuar fort nga opozita dhe qarqet universitare. Takimi që u zhvillua me dyer të mbyllura, i parapriu pak ditë më parë një tjetër takim mes presidentit Nishani dhe një përfaqësie nga qarqet akademike dhe profesorati, të cilët parashtruan qëndrimet e tyre rreth ligjit ‘për arsimin e lartë’, i miratuar më 20 korrik në parlament, në një seancë të posaçme.

Në kuadër të dekriminalizimit dhe ndryshime kushtetuese për pastrimin e parlamentit dhe administratës nga të inkriminuarit, Partia Demokratike propozoi sot platformën e saj. Deputeti Oerd Bylykbashi, tha në një deklaratë për media: “Do kërkojmë ndryshime kushtetuese për të pastruar parlamentin dhe administratën nga të inkriminuarit dhe ndalimin dhe emrimin e tyre në të ardhmen. Partia Demokratike do të kërkojë qe të mos mbajnë funksione publike të gjithë ata përsona qe janë në proçese hetimi apo gjykimi në vendet e Bashkimit Evropin, apo vende te tjera per kryerjen e krimeve të rënda”.

Nga shtatori 2015 do të ashpërsohet dënimi për këdo që do të presë në mënyrë të paligjshme apo do të transportojë lëndë drusore në mënyrë të paligjshme. Nuk do të ketë më gjoba por dënime me burg. Ministri i Brendshëm Saimir Tahiri e paralajmëroi në aktivitetin e sotëm ku u prezantua sistemi elektronik i monitorimit me kamera të pyjeve. Tahiri paralajmëroi dhe ndëshkim për policët që nuk do të kryejnë detyrën me ndalimin e kësaj vepre penale. Sistemi elektronik do të shërbejë dhe si provë në proceset gjyqësore për të ndëshkuar punonjësit e policisë që mbyllin sytë para kësaj vepre penale.