Lajme

Zgjedhjet e 21 qershorit e kanë shpërblyer Lëvizjen Socialiste për Integrim, jo vetëm me më shumë vota, por edhe me para. “Gazeta Shqiptare” raporton se përveç pjesës së fondit që partive iu ndanë para zgjedhjeve, LSI është partia që fiton më shumë nga fondi publik që KQZ­ja u cakton partive pas zgjedhjeve vendore, me rreth 6,810,293 lekë. Pas saj në listë vjen Fryma e Re Demokratike e Bamir Topit, e cila do të marrë 1,270,697 lekë të reja. Partia Socialiste e Moderuar, e drejtuar nga Gjergj Koja, do të marrë shumën më të madhe pas dy partive të para, rreth 610,074 lekë.

“Ministria e Financave është e detyruar të hedh poshtë të gjitha spekulimet e bëra në lidhje me draft ligjin për të ardhurat tatimore. Varianti i shpërndarë për mendim është jo zyrtar, por në shenjën e vullnetit të bashkëpunimit të mirë me palët e interesuara për të fituar kohë pasi javën e parë të shtatorit ne duhet të vazhdojmë dialogimin me ekspertin e FMN. Në të gjithë draftin dhe jo vetëm në nenin 25, shifrat dhe disa nga konceptet e reja janë vendosur gjithmonë në kllapa dhe në germa korsive për të dalluar faktin që ato janë thjesht ilustrime.

Më shumë se 2 vjet nga ndërrimi i pushtetit dhe një vit gjysmë nga aksioni i bujshëm në Lazarat, policia nuk po u gjen fundin parcelave me kanabis të mbjella anembanë vendit. Qeveria është angazhuar para faktorit ndërkombëtar për të hequr Shqipërinë nga harta e drogës, por nga ana tjetër gjatë këtij 2-vjeçari në vend ka lulëzuar kultivimi i kanabisit. Aksioni i policisë nuk e ka shmangur fushatën e mbjelljeve në zonat e Gjirokastrës, Tepelënës, Vlorës, Beratit, Krujës dhe Malësisë së Madhe.

Debati i gjerë i nisur vitin e shkuar për gabimet në tekstet e historisë nuk do të marrë fund as këtë vit, sepse nxënësit do të kenë në duar të njëjtat libra. Eksperti i fushës se arsimit, Ndriçim Mehmeti, thotë për “Ora News” se Ministria e Arsimit ka tërhequr udhëzimin për hartimin e teksteve të reja te historisë, i cili do të jetë sërish i diskutueshëm. Mehmeti, bën publik një udhëzim të Ministrisë së Arsimit të 15 prillit të këtij viti ku kërkohej hartimi i teksteve të klasës 4, 9 dhe 12 që kanë ngjallur diskutime për datën e çlirimit, apo rolin e liderve politikë pas viteve ‘90.

“Vizion Plus” raporton sot se kontrata me kompaninë britanike, “Crown Agents” nuk do të rinovohet. Televizioni në fjalë referon burime nga Ministria e Financave se ka qenë vetë titullari i saj, Shkëlqim Cani, që ka shprehur pakënaqësi për ecurinë e punës. “Për çdo vit Crown Agent i merr qeverisë shqiptare një vlerë të konsiderueshme parash, e cila shkon në 4 milion e 250 mijë euro. Vitin e parë ajo morri edhe 400 mijë euro për shërbimin e automjeteve.

“Monitor” raporton se qeveria ka shpërndarë një variant për tatimin mbi të ardhurat për paketën fiskale 2016. Sipas revistës në fjalë, projekti, ashtu siç paraqitet nga shifrat, përmbys përfundimisht qasjen “e majtë” që kjo qeveri pretendoi se ndoqi me ardhjen në pushtet. Ku konsiston ndryshimi? Ja propozimi:
“Baza tatimore vjetore Norma tatimore
Pagat 0 – 180,000 5%
Pagat mbi 180,000 dhe nën 1,560,000 13%

​Ish-kryetari i Kuvendit të Kosovës, Jakup Krasniqi i ka dal në mbrojtje Ismail Kadares, duke thënë se mos kërkoni nga ai që t’i shikon shqiptarët si numra e përqindje, pasi Kadare e sheh kombin si një, të tërë e të pa ndarë. Krasniqi ka shkruar se Kadare është nder intelektualet e lartë, jo vetëm në Shqipëri, që nuk pranoi të ishte lodër e asnjë klani politik. Madje ai ka postuar edhe një foto të bërë në marsin e vitit 1999, në Ambasadën e Shqipërisë në Paris, pas përfundimit te Konferencës së Rambujesë për Kosovën.

Kryetari i Komisionit të posaçëmparlamentar për Reformën në Drejtësi, Fatmir Xhafaj, zbuloi dje detaje të rëndësishme të diskutimeve që janë bërë në lidhje me këtë reformë, që konsiderohet kyçe edhe për vijimin e hapjes së negociatave me Bashkimin Evropian. Në një bashkëbisedim me gazetarët, Xhafaj bëri të ditur se ka dy opsione për mënyrën se si do të zgjidhet presidenti në të ardhmen dhe që është pjesë e diskutimeve të kësaj reforme.

Edhe pse i angazhuar në sipërmarrjen private që nga koha kur u largua si nënkryetar i Bashkisë në vitin 2002, Gonxhe duket se do të punojë në krah të kryebashkiakut të ri. Erion Veliaj, ka ftuar ish­nënkryetarin e kësaj bashkie, kur ajo drejtohej nga Edi Rama, Blendi Gonxhe. Ideja e krijimit të disa parqeve në Bashkinë e re të Tiranës, ka bërë që Veliaj të mendojë t’ia besojë këtë detyrë Gonxhes. “Panorama” raporton se i kontaktuar në telefon prej gazetës, Gonxhe tha se ishte një ftesë e bërë nga kryetari i Bashkisë. “Jam duke punuar për një ide mbi një Agjenci për Parqet rekreative.

Nuk janë vetëm shqiptarët ata që urinojnë në publik. Madje nuk janë as më problematikët. Ndaj çështja është te sugjerimet më praktike, më efektive dhe me më pak kosto për zgjidhjen e problemit. Lajme të mira vijnë kështu (për të pandehurit kuptohet) nga Hamburgu i Gjermanisë dhe San Francisco në ShBA. Edhe aty urinimi në publik ishte problem. Në San Francisco aplikohej gjoba prej 500$, por nuk kishte dhënë efekt. Ndaj ideja e gjermanëve të St. Pauli në Hamburg po fiton terren.