Lajme

Pas eksporteve edhe importet kanë pësuar rënie për këtë vit. Importet janë tkurrur me 1.2% për 6 mujorin e parë të këtij viti, duke përshpejtuar ritmet e rënies. “Monitor” shkruan se e kombinuar kjo me rënien e eksporteve, ky është një tregues i ngadalësimit të aktivitetit të tregtisë në vend. Sipas të dhënave të INSTAT, importet në total për 6 mujorin e parë ishin 255 miliardë lekë, me një rënie prej 1.2% në krahasim me të njëjtën periudhë të një viti më parë.

Kryeministri Rama kërkoi dje nga drejtuesit e lartë të shtetit që merren me sigurinë në vend që të marrin masat për sigurinë gjatë ndeshjes, Shqipëri­Serbi. Ndeshja e kthimit Shqipëri­Serbi pritet të zhvillohet më 8 tetor, por Rama mblodhi në zyrën e tij, kreun e SHISH, Visho Ajazi Lika, ministren e mbrojtjes, Mimi Kodheli, ministrin e Brendshëm, Saimir Tahiri si dhe kreun e Federatës Shqiptare të Futbollit, Armando Duka. Në takim, është diskutuar pikërisht për masat e sigurisë që do të ndërmerren gjatë ndeshjes Shqipëri­Serbi që luhet më 8 tetor.

Për herë të fundit ka ndodhur ne vitin 1997 me objektet shtetërore që ishin mall pa zot. Ka ndodhur sërish së fundmi me godinën e ish-Ministrisë së Kulturës në Tiranë, në rrugën e Kavajës pranë Lidhjes së Shkrimtarëve. Burime nga policia bëjnë me dije se persona të paidentifikuar kanë vjedhur dyert e brendshme dhe prizat elektrike të mjediseve të brendshme të ndërtesës. Nuk dihet nëse ndërtesa roje dhe çfarë statusi ka aktualisht, por vandalizmi i shpenguar është mjaft domethënës. Nuk dihet gjithashtu nëse për ngjarjen ka lajmëruar dikush apo është denoncuar në policinë dixhitale.

U desh një vit nga nisja e skandalit të vjedhjes së bankës dhe që solli largimin e tij nga kreu i BSH, që ish guvernatori i Bankës së Shqipërisë Adrian Fullani të vihej zyrtarisht nën akuzë për shpërdorim detyre. Fullani është njohur me akuzën ndaj tij rreth orë 16:00 në zyrën e prokurorit Ndini Tavani në praninë e avokatit të tij Maks Haxhia. Hetimet për Fullanin u mbyllën një vit pas skandalit të vjedhjes së 713 milionë lekëve në Thesarin e Bankës si dhe verifikimit të tenderit të blerjes së Hotel Dajtit dhe tenderave të qirasë për objekte të marra në shfrytëzim nga BSH.

Ngjan me një stil kinez komunikimi politik, kur për çështje djegëse qeveria flet përmes zv.ministrave. Kështu, raporti i Departamentit të Shtetit që flet për një deputet shqiptar me të kaluar të verifikuar kriminale, për të cilën edhe është dënuar, është “zbërthyer” nga mediat online me një emër faktikisht të përmendur: Deputetin e Lezhës për PS-në, Arben Ndoka, i cili në shtator 2005 është liruar nga burgu i Shënkollit pas dënimit për akuzat e trafikimit për prostitucion.

Pas problemeve të Tiranës, është shndërruar në çështje mungesa e ujit në Vlorë, sidomos në këto temperatura të larta dhe në sezon turistik. Drejtoresha e ujësjellësit, Varvara Gjika ka thënë se qytetarët janë edhe shpërdoruesit më të mëdhenj të ujit të pijshëm. Shqetësim tjetër që ngre drejtoresha e ujësjellësit është mosarkëtimi i të ardhurave sipas planit. “Sasia e ujit që vjen në qytet është e madhe dhe mund të shërbejë për furnizimin e dy qyteteve sa Vlora. Por ne kemi shumë shpërdorim të ujit të pijshëm.

Gazetari i gazetës “Tema” Bledi Mane denoncon raste të reja të ndërtimit pa leje, tashmë në Përmet. Ndërrimi i pushtetit duket si i ka lënë rrugë të lirë betonomanisë që selitet e rritet me heshtjen e plotë të INUK dhe Ministrisë së Brendshme. Më poshtë denoncimi i gazetarit:

Ka qenë pothuajse i drejtpëdrejtë dhe i hapur presioni i ambasadës amerikane ndaj partive politike shqiptare, e sidomos PS-së, që të “korrigjonte” emrat e kandidatëve të zgjedhjeve të fundit lokale, duke ndërruar të përfolurit për të shkuar kriminale. Nuk pati asnjë reagim nga partia në pushtet, dhe si rrjedhojë raporti i DASH foli hapur për problematikën shqiptare, ku deputetë të dënuar për trafiqe vazhdojnë të jetë pjesë e parlamentit.

Në numrin e sotëm të gazetës “Panorama” shkruhet se janë zbuluar dokumentat me të cilat iu refuzuan presidentit Bujar Nishani vilat qeveritare të Vlorës dhe të Dhërmiut. Që prej datës 27 prill e deri më 19 qershor 2015, mes Presidencës, Drejtorisë së Shërbimeve Qeveritare dhe Kryeministrisë është shkëmbyer një korrespondencë intensive në lidhje me përcaktimin e rezidencës qeveritare se ku mund t’i kalojë 21 ditët e pushimeve verore kreu i shtetit, Bujar Nishani dhe familja e tij.

Edhe pse tashmë është konfirmuar vullneti publik dhe konkret i policisë për të luftuar seriozisht kultivimin dhe trafikimin e hashashit, nuk kanë të sosur parcelat me bimën e ndaluar që kapen në zona të thella, në rajone të ndryshme të vendit. Si shpjegohet kjo këmbëngulje e njerëzve për të mbjellë kanabisin? Padyshim një element me joshje të padiskutueshme është çmimi i shumëfishuar i kiles së hashashit, që i ka kaluar 2000-2500 eurot në tregun e brendshëm, dhe kërkesa e sigurtë qoftë dhe për konsum vendor.