Lajme

Ka nisur beteja kundër informalitetit dhe qeveria vetë ka krijuar pritmëri thuajse absolute për këtë operacion. Çdo gjë mbetet për t’u parë, pasi jemi ende në fazën e spektaklit të kuponave në shitësit ambulantë. Ministri i Financave theksoi sot edhe shlyerjen e borxheve ndaj biznesit, si për të vënë në një bazë morale të drejtën e qeverisë që kërkon tani detyrimet që i takojnë. Mirëpo kjo është njëra anë, pasi në krahun tjetër, është vetë kryeministri që e lidh rënien e të ardhurave dhe krizën e tanishme, me një moment kalimtar që vjen nga ndryshimi i modelit ekonomik?

Tonin Tërshana, këngëtari i njohur, ka përfituar një nga 30 banesat sociale familjet, të shpërndara nga kryebashkiaku Erion Veliaj. Tërshana është shprehur i lumtur dhe shtoi një copëz nga historia e jetës së tij. "Ju falenderoj për fjalët e mira. Unë kam rreth 20 vjet që jam pa shtëpi. Kam qenë edhe në emigracion edhe ju falenderoj pa masë, sepse më krijuat mundësinë të jetoj si të tjerët me familjen time", tha Tërshana.

Jason Bourne, agjenti i “pakontrollueshëm” rikthehet. Pas 8 vjetësh, Bourne do të jetë në Greqi, në një botë “post – Snowden”, siç shprehet aktori Matt Damon. Sipas tij shumë gjëra kanë ndodhur këto vite dhe ka shumë tema për t’u trajtuar, që nga të drejtat e njeriut, demokracia etj.. “Fillon në Greqi, ku lindi demokracia dhe mbyllet në Las Vegas...”, shton Damon. Premiera do të nisë më 29 korrik 2016 dhe kjo seri e re, përfshin edhe Tommy Lee Jones, Alica Vikander dhe Julia Stiles.

Një qetësim të çuditshëm i ka bërë qeveria kosovare opinionit publik, pas marrjes së masave duke  shtuar rrethimin metalik në ndërtesën e saj. Pas qarkullimit të lajmit se këto masa ekstra janë marrë nga frika e ndonjë aksioni të dhunshëm të lëvizjes Vetëvendosje, në një sqarim të Qeverisë së Kosovës thuhet se masat e ndërmarra kanë të bëjnë me rekomandimet që kanë të bëjnë me gjendjen e sigurisë në rajon e jo me zhvillimet e fundit Brenda forcave politike. Pra, Qeveria lë të kuptohet se gjithçka ka të bëjë me kërcënimet e ndonjë sulmi terrorist nga ISIS e jo me përplasjet me VV-në.

Flitet për cilësi shërbimi dhe performancë të institucioneve, por rastet e anashkalimit të këtij kriteri nuk mungojnë. Partia Demokratike ka sjellë sot përmes deputetes Albana Vokshi raste emërimi në Ministrinë e Shëndetësisë, që nuk mund të konsiderohet i pranueshëm. “Edi Rama po ulëret për informalitetin, por shihni çfarë ndodh me ilaçet. Drejtoresha e Drejtorisë Farmaceutike në Ministrinë e Shëndetësisë, ajo që duhet të kontrollojë cilësinë e ilaçeve, ka ngelur në provimin e shtetit. Madje ka ngelur dy herë me radhë.

Situata mjedisore në Beirut të Libanit, ka çuar në protestën e mijëra qytetarëve që kërkojnë dorëheqjen e ministrit të Mjesisit. Arsye është përhapja e mbeturinave në qytet, aq sa është krijuar edhe lëvizja “Ti qelbesh erë”. Protestat kundër ministrit Mohammad Machnouk nisën më 22 gusht, por ato lidhen edhe me korrupsionin.

Shkencëtarët raportojnë së fundmi zbulimin e një “anomalie” befasuese në galaktikën Markarian 231, 600 milionë vjet dritë larg nga Toka. Në këtë galaktikë është zbuluar, nga vëzhgimet përmes teleskopit Hubble, një quasar që ushqehet nga dy vrima të zeza. Quasarët janë rajone kompakte që qarkojnë një vrimë të zezë supermasive në qendër të një galaktike. Janë objektet më të shndritshme që njihen dhe mendohet se janë krijuar 12 miliardë vjet më parë nga kolizioni i galaktikave dhe bashkimi i vrimave të zeza të tyre në një vrimë të zezë supermasive.

Si për ironi, edhe Shqipëria do të ketë 1 shtatorin e vet si datë lufte. Sot përfaqësues të qeverisë kanë dalë dhe kanë bërë të ditur se nis operacioni lundër informalitetit dhe evazionit. Më herët është bërë e njohur se kush nuk merr kuptoni do të gjobitet, duke e shtrirë veprimin ndëshkues edhe mbi ata qytetarë që nuk ndjekin rregullat që i njohin mir ënë vendet perëndimore. Ministri i Financave argumentoi për herë të parë se përse niveli i të ardhurave ka qenë kaq i ulët, duke bërë të vetat ato “argumente” që ka dhënë edhe kryeministri.

Komisioni Europian, liderët europianë po bëjnë thirrje së fundmi për solidaritet në zgjidhjen e krizës së imigracionit, ndër më të mëdhatë në kontinent. Në lindje pi ndërtohen ure dhe trajtimi i imigrantëve është shumë larg standardit, por duket se BE-ja dhe Gjermania sidomos e kanë kthyer atë në një provë ku vlerat e trumbetuara të Europës,mose do të rikonfirmohen, ose e ardhmja është e zymtë. “Angela Merkel madje heq dorë për ta shpërndarë problemin në Evropë. Sigurisht edhe ajo është për një zgjidhje evropiane.