Lajme

Që në mëngjesin e së premtes nisi aksioni i pastrimit të Tiranës. Ndërkohë kryebashkiaku Veliaj bërithirrje për pjesëmarrje. Ashtu siç ishte paralajmëruar, Bashkia e Tiranës ka nisur në orët e paradites së të premtes aksionin për pastrimin e qytetit. Kryebashkiaku Veliaj zgjodhi njësinë administrative të Farkës për të nisur këtë aksion. Ai u bëri thirrje qytetarëve që të dalin të “japin një dorë” në pastrimin e kryeqytetit.  “U bëj thirrje të gjithë qytetarëve që të dalin. Na duhet vetëm një orë kohë e gjithësecilit prej jush për të patur një qytet më të pastër.

Nuk është mirëpritur nga stafi mjekësor nisma e Kryeministrit për të kaluar sërish Spitalin e Traumës dhe Shërbimin e Emergjencave Civile, në varësi të Ministrisë së Mbrojtjes. “Panorama” shkruan se pas urdhrit të lëshuar, ku propozohet rikthimi i Qendrës së Traumës në Spital Ushtarak, gazeta kontaktoi një pjesë të mjekëve për të mësuar se çfarë mendojnë mbi këtë iniciativë. Ndonëse kanë preferuar të mbeten anonimë, ata kanë argumentuar se kjo nuk sjell asgjë tjetër veçse pasoja negative, që më së shumti reflektohen në cilësinë e shërbimeve.

Kryeministri i Hungarisë, Viktor Orban, e gjykon fluksin e refugjatëve në Evropë, që janë në shumicë myslimanë, si një kërcënim për identitetin kristian të Evropës, në një artikull të publikuar sot, një vizion i hedhur poshtë nga kancelarja gjermane Angela Merkel.  “Nuk duhet haruar se ata që po vijnë… janë përfaqësues të një kulture krejtësisht ndryshe”, thekson Orban në këtë artikull të publikuar në të përditshmen gjermane “Frankfurter Allgemeine Zeitung” . “Në shumicë, ata nuk janë kristian por myslimanë.

Ngjan eunuk reagimi i qeverisë pas akuzave se Ilir Meta ka marrë rryshfet nga kompania që kishte marrë përsipër mbledhjen e borxheve të CEZ. Disa orës pas deklaratës së Bashës që kërkoi dorëheqjen e kryetarit të kuvendit, zyra për shtyp e kryeministrit pretendon se Ilir Meta është i pastër në këtë histori, pasi nuk është përmendur me emër, por citimi i avokatëve të OSHEE i referohet një ish-kryeministri të hetuar për korrupsion.

Për të kuptuar se si po e lufton qeveria informalitetin dhe ku po shkojmë me financat mjafton ky raport i Kontrollit të Lartë të Shtetit për skemën e kontributeve të sigurimeve shoqërore gjatë vitit 2014. Gropa e lënë nga qeveria e mëparshme në fondin e sigurimeve po kthehet në humnerë dhe kjo e konfirmuar nga të dhënat zyrtare të Kontrollit të Lartë të Shtetit.

Ja se çfarë thotë raporti:

Shkolla “Emin Duraku” në Tiranë do të rikonstruktohet. Duket se nuk ka asgjë të pazakontë në këtë lajm, por ja që e pazakonta është te fakti se kjo ndërhyrje është menduar të bëhet me fillimin e vitit të ri shkollor. Nga drejtues të shkollës 9-vjeçare thonë se ajo është rikonstruktuar para 9 vjetësh, si dhe së fundmi është lyer. Ndaj rikonstruksioni ngjan disi i pajustifikuar. Sa për nxënësit ata do të sistemohen në shkolla të tjera, si “Petro Nini”, ku do të shfrytëzojnë mjediset pasdite.

Trupi i pajetë i vogëlushit sirian, Aylan Kurdi, i gjetur në brigjet e Bodrumit të Turqisë, është që tani simboli i një tragjedie që nuk po di të ndalet. Mediat e shumta vendosën publikimin e tri fotove shokuese me qëllim ndërgjegjësimin e politikës dhe për të nxitur një vendimmarrje që t’i thotë ndal kësaj fatkeqësie që po e gjen thuajse të vetmuar popullin sirian. Në shumë rrjete sociale, pamja e vogëlushit Kurdi ka nxitur një seri punimesh që janë shpërndarë si shenjë keqardhjeje, por edhe si një formë reagimi. Disa prej tyre marrë nga “Daily Mail”:

Një nismë e fundit e ministrit të Jashtëm, Ditmir Bushati, ka gjetur kundërshtimin e thuajse të gjithë ministrave të qeverisë Rama. Bushati ka propozuar një projektvendim: “Për Rregullimin e Veprimtarisë më Jashtë të Administratës Shtetërore” dhe nëse e lexon projektin, e kupton edhe pse ministrat kundërshtojnë. Në një përkthim të drejtpërdrejtë, Bushati synon të marrë rolin e një zv. Kryeministri, teksa pretendon të drejta thuajse të plota informative dhe deri diku ekzekutive, për çdo veprimtari me jashtë.

Sikur të mos ishte po i njëjti Lulzim Basha  që heshti kur Ilir Meta fitoi pafajësinë për videon 700 mijë euroshe Meta-Prifti ,  tani  që është në opozitë thotë se ish-aleati i tij në qeveri i ka shpëtuar drejtësisë. Për Partinë Demokratike dhe kryetarin e saj Lulzim Basha, kur Ilir Meta është me Edi Ramën është e papranueshme që ai t'a kthejë në normë mashtrimin dhe korrupsionin, ndaj dhe sipas tij opozita është e vendosur që ta çojë atë para drejtësisë.

Një proces jo i zakonshëm për Shqipërinë është ai që ka vënë në lëvizje vajza e skulptorit, Odhise Paskali, Floriana Paskali. Ajo kërkon dëmshpërblim nga shteti shqiptar për përdorimin që i është bërë imazheve të monumentit të Skënderbeut, që ndodhet në qendër të Tiranës, në pasaportat biometrike të qytetarëve shqiptarë. “Kjo vepër artistike është riprodhuar në pasaportat biometrike. Nuk është marrë leja e trashëgimtarëve dhe kanë të drejtë tashmë të përfitojnë dëmshpërblimin përkatës, pasi e drejta e autorit mbrohet deri në 70 vjet pas vdekjes. E drejta e autorit mbrohet me ligj.