Lajme

Autoritetet shëndetësore në Izrael janë duke verifikuar disa raste të personave që kanë marrë vaksinën anti-CoVi-19, Pfizer, e të cilët kanë zhvilluar inflamacion kardiak. Sipas koordinatorit për përgjigjen kundër pandemisë, Nachman Ash, studimet paraprake tregojnë për “dhjetëra raste” të miokarditit që janë shfaqur në më shumë se 5 milionë njerëz të vaksinuar, kryesisht pas dozës së dytë.

Në Shqipëri ka përfunduar faza e parë e zgjedhjeve parlamentare: Votimi! Siç mund të kuptohet nga vetë heshtja e partive kryesore në garë, disa prej të cilave premtuan Qametin,  është e qartë se deri më tani ka fituar realizmi. Ai realizëm që e pamë të verifikohet te heshtja e Sali Berishës në vitin 2013, kur për 3 ditë doli nga ekranet për të dalë vetëm për pranimin e humbjes duke njohur një verdikt popullor.

Në sheshin "Skënderbej" ka ndodhur një incident i rëndë. Një makinë ka thyer barrierat dhe është drejtuar nga çadrat e vaksinimit. Makina është neutralizuar nga një qytetar 22 vjeçar.

Turqia ka reaguar zyrtarisht për aktin e njohjes së genocidit armen nga SHBA. Ministri i Jashtëm Mevlut Cavusoglu ka shkruar në tuiter se:

Fjalët nuk mund ta ndryshojnë historinë. Ne nuk do të marrim leksione për historinë nga askush

Po kështu, Ministria e Jashtme ka thirrur ambasadorin amerikan në Ankara, David Stterfiled për të shprehur pakënaqësinë e vet për aktin e presidentit Biden, që sipas palës turke:

ka shkaktuar një plagë në marrëdhëniet mes të dyja vendeve që është e vështirë të riparohet

Media arabe po njoftojnë se SHBA do të shpallë së shpejti Libanin një shtet të paralizuar dhe të dështuar. Lajmi jepet fillimisht nga kanali televiziv saudit, Al Hadath, që citon burime diplomatike.

Administrata Biden do të negociojë me një qeveri të formuar nga libanezët e cila nuk përfshin Hezbollahun

citon media në fjalë burimet e veta.

Sulmet misterioze ndaj diplomatëve amerikanë në Kubë(sindroma e Havanës), duket se po përsëriten dhe kësaj radhe mes trupave ushtarake të stacionuara në Siri. Politico raporton se SHBA po heton për sinjalizime shqetësuese nga radhët e ushtarëve amerikanë në Siri që kanë raportuar simptoma të ngjashme me gripin, shoqëruar me dëmtime të paqarta nervore.

Rusia dhe Kina kanë vendosur të bashkëpunojnë për ndërtimin e një stacioni kërkimor në Hënë. Njoftimin e ka dhënë agjencia ruse e hapësirës, Roscosmos, që përcjell me këtë rast edhe deklaratën e përbashkët me Administratën Kombëtare Kineze të Hapësirës.

Presidenti i Republikës Ilir Meta ka deklaruar ndër të tjera sot në një intervistë për syri.net se:

Vetëm disa ditë qëndrimi në Maltë u kanë mjaftuar atyre që njihen si investitorë të mëdhenj për të përfituar pasaportë të BE-së. Një investigimi mbi skemën e “pasaportave të arta” që jep Malta për qytetarët e huaj ka zbuluar se shumë prej tyre kanë marrë me qira rezidenca bosh, për të plotësuar një prej kritereve të shtetësisë.

Malta dhe Qipro janë dy vendet që kanë ofruar prej kohësh pasaporta europiane përmes skemës së “pasaportave të arta”, një praktikë kjo e kritikuar shpesh nga BE-ja.

Eurostat ka raportuar së fundmi edhe destinacionin kryesor të mbetjeve të gjeneruara në BE. Turqia është vendi ku mbetjet urbane të BE-së eksportohen më së shumti me 13.7 milionë tonë në vit, një shifër 3 herë më e lartë sesa në vitin 2004.

Destinacioni i dytë është India me 2.9 milionë tonë mbetje, pë të vazhduar me Mbretërinë e Bashkuar dhe Zvicrën me 1.6 milionë tonë, Norvegjinë 1.5 milionë tonë, Indonezia dhe Pakistani me nga 1.4 milionë tonë.