Lajme

Bashkimi Europian ka njoftuar përmes diplomatit të vet kryesor, Josep Borrell, se Rusia ka përqendruar në kufi me Ukrainën dhe Krime, mbi 150 000 trupa ushtarake.

Janë më shumë se 150 000 trupa të mbledhur në kufijtë ukrainas dhe në Krime. Rreziku i përshkallëzimit të mëtejshëm është evident

ka thënë Borrell.

Ish-kryetari i Kontrollit të Lartë të Shtetit, Bujar Leskaj, aktualisht drejtues i listës së kandidatëve për deputetë të PD-së në qarkun Vlorë, thotë se dëmi ekonomik i qeverisë “Rama” në 8 vjet është 6.2 miliardë euro. Sipas Leskajt, ky dëm ka ardhur vetëm nga shpërdorimi i parasë publike përmes prokurimeve duke favorizuar njërën palë apo tjetrën dhe duke injoruar ofertat më të ulëta. Shifra është një vlerësim i Gjykatës së Audituesve që thotë se qeveria “Rama” gjeneron një dëm vjetor prej 250 milionë euro. Më poshtë prononcimi i z. Leskaj për MCN TV:

Zhvendosja e presidentit të republikës në Vlorë dhe deklaratat e tij të vazhdueshme për luftë të hapur ndaj tjetërsimit apo blerjes së votës nuk tremb socialistët për një mosnjohje të mundshme të rezultatit elektoral apo për mosdekretim të qeverisë së re, nëse socialistët do të jenë sërish maxhorancë pas 25 prillit. Nga krahu tjetër, i pari i listës së demokratëve për Vlorën, Bujar Leskaj, e sheh qëndrimin e Ilir Metës, atë të një Presidenti në mbrojtje të Kushtetutës.

Gjiknuri:

Dinastia Castro duket se ka dorëzuar pushtetin në Kubë. Raul Castro, lideri 89 vjeçar i Partisë Komuniste, ka njoftuar gjatë punimeve të një kongresi se do të japë dorëheqjen nga posti.

Pasuesi i tij do të votohet në fund të këtij kongresi, gjatë të cilit Castro ka deklaruar se do t’ia lërë vendin “një brezi të ri plot pasion dhe shpirt anti-imperialist”.

Një grup privat i sektorit dixhital ka paralajmëruar se do të paraqesë para një gjykate irlandeze akuzën ndaj Facebook për rrjedhje të të dhënave për 530 milionë përdorues. Drejtori i grupit “Të Drejtat Dixhitale Irlandë”, Antoin Ó Lachtnain, paralajmëroi të gjithë gjigandët e teknologjisë se ky aksion ligjor masiv mund të jetë fillimi i një efekti domino.

Ky do të jetë aksioni i parë kolektiv i llojit të vet, por ne jemi të sigurtë se nuk do të jetë i fundit

ka thënë ai.

Seritë e reja televizive të Zotit të Unazave prodhuar nga Amazon Studios do të kushtojnë 465 milionë dollarë. Dhe kaq vetëm për sezonin e parë. Hollywood Reporter raporton se kjo shifër shkon shumë përtej vlerave të deklarauar më parë që parashikonin diku te 500 milionë dollarë për disa sezone.

Ajo çfarë mund t’ju them është se Amazon do të shpenzojë 465 milionë dollarë për një sezon vetëm. Është fantastike…këto do të jenë seritë televizive më të mëdha të bëra ndonjëherë

Turqia është shndërruar në fuqinë kryesore detare në rajonin e Mesdheut Lindor. Në këtë përfundim del një studim i Qendrës për Kërkime Strategjike dhe Politikën Detare në universitetin e Haifas në Izrael, që vë në dukje implikimet e këtij zhvillimi. Sipas kësaj qendre rritja e kapaciteteve detare të Turqisë përbën rrezik për Izraelin të cilit i këshillohet të konsiderojë seriozisht këtë zhvillim.

Mediat serbe sjellin sot në vëmendje një shkrim të “Los Angeles Times” sipas të cilit ish-shefi i shërbimit sekret jugosllav, Jovica Satnisic në vitet 1992-1998, ka qenë rekrutuar nga shërbimi amerikan, CIA. Të njëjta media madje akuzojnë Stanisic se ka tradhëtuar ish-presidentin jugosllav, Sllobodan Milosevic, me të cilin ishte shumë i afërt.

Do ketë dhe një Edi Rama tjetër pas 25 prillit. Do të jetë Rama që do punojë për të bashkuar, për të bashkuar forcat, njerëzit, pas 25 prillit do të jetë një njeri për të bashkuar sa më shumë. Boll me përçarje

Kështu ka thënë kryeministri Edi Rama sot në një intervistë në MCN TV. Nga e gjithë logoreja e fjalëve që z. Rama lëshoi në intervistën në fjalë, të ngulet në mendje kjo fjali që artikulon nën poza dhe pretendime moralo-patriotike një arrogancë e cila buron nga një delir dhe vetëbesim se ai ka një mision në këtë vend.

Rusia ka hedhur poshtë akuzat që po i bëhen se me stërvitjet e tanishme ushtarake në kufi me Ukrainën po përgatitet për një sulm ushtarak ndaj kësaj të fundit. Përmes një deklarate për mediat, zëdhënësja e Ministrisë së Jashtme të Rusisë, Maria Zakharova, ka bërë thirrje që vende si Franca apo Gjermania të heqin dorë nga propaganda keqdashëse ndaj Rusisë.