Lajme

Një ekip prej 20 kërkuesish mendohet se kanë zbuluar portin e vjetër prej nga ku flota e koalicionit helen u përgatit për betejën e famshme të Salaminës. Mbetjet janë gjetur në gjiun Ampelakia në ishullin e Salaminës dhe ato dëshmojnë aktivitetin tregtër dhe ushtarak të kohës kur u zhvillua beteja, që është viti 480 p.e.s. Sipas Ministrisë greke të Kulturës, kërkimi u bë edhe nga ajri për të dokumentuar të gjitha strukturat e dukshme dhe mandej u krijua edhe një hartë nënujore e portit që do të lehtësojë kërkimet që do të vijojnë në vitin 2018.

Pa ndonjë fushatë të parapërgatitur siç ndodhi në rastin me Turqinë, qeveria lajmëroi firmosjen në Paris të partneritetit strategjik mes Shqipërisë e Francës në në fushën e mbrojtjes dhe sigurisë. Njoftimi zyrtar nuk jep më shumë detaje për këtë vizitë, por nga leximi i deklaratës që ka përcjellë zyra për shtyp e kryeministrit shqiptar, theksi është tek bashkëpunimi në luftën kundër ekstremizmit.

Ratifikimi i traktatit për pranimin e Malit të Zi në aleancë tejkaloi një pengesë procedurale të hënën në senatin amerikan, i cili do të mblidhet për një votim përfundimtar më vonë gjatë kësaj jave. Miratimi i traktatit kërkon dy të tretat e votave në senat dhe pas kësaj presidenti mund të ratifikojë atë.

Organizata Botërore e Ushqimit, FAO, vlerëson se kequshqyerja e fëmijëve në Shqipëri është problem.

Prej dy ditësh socialistët janë përfshirë në një minidebat me LSI-në për hyrjen ose jo në zgjedhje pa PD-në dhe partitë e opozitës. Por sot, Balkanweb citon burime nga LSI-ja sipas të cilave kjo parti ka dorëzuar tashmë kërkesën për t’u regjistruar në KQZ për pjesëmarrje në zgjedhje. Agjencia në fjalë publikon edhe dokumentin zyrtar të kërkesës që shqyrtohet dhe pritet të miratohet nesër.  Dokumenti I jep fund hamendësimeve duke lënë vetëm opozitën e djathtë me një deklaratë politike për mospjesëmarrje në zgjedhje.

Vetëm gjatë vitit 2016 u shtuan 330 milionë euro borxh tatimor të kompanive, bizneseve apo individëve ndaj shtetit, që përbëjnë rreth 31% të stokut total. Vërehet qartësisht se borxhi tatimor është rritur me shpejtësi vitet e fundit, si pasojë e kushteve të vështira në të cilat ka kaluar ekonomia. 

Nigel Farage, pomovuesi dhe predikusesi i Brexit, ka gjetur punë sërish në fushën e tij të suksesshme. CalExit  quhet lëvizja për shkëputjen e Kalifornisë nga SHBA dhe ndarje në dy shtete: bregu që do të dominohet nga liberalët dhe hinterland, që mendohet të jetë më konservativ. CalExit mori 3 milionë vota në zgjedhjet e fundit dhe Farage, një profesionist I retorikës seçesioniste, është punësuar nga republikanët Scott Baugh dhe Gerry Gunster me synim mbledhjen e parave për fushatën dhe firmave për legjitimimin e propozimit në zgjedhjet e vitit 2018.

Kemi ardhur në një pikë ku qeveria kërkon të flitet për të edhe në marrëdhëniet me Zotin. Kryeministri i dha dje trajta satire dorëzimit një leje legalizimi për Kishën e Shën Athanasit në Selenicë. Një humor i pa vend që u ngjan batutave të ish-Kinostudios për të cilat sot ka një debat tejet të rëndësishëm. Kryeministri ndoshta i pëlqen të duket si një prej atyre personazheve duke kënaqur egon e spektatorëve që votojnë edhe për arsye që lidhen me "vlerat" kulturore dhe kombëtare të ish-Kinostudios.

Pakistani bëhet vendi i radhës që deklaron se do të ndërtojë mure në kufi. Muri do të ndërtohet në zona me kërcënim të lartë, në kufi me Afganistanin dhe synon të frenojë penetrimin e terroristëve. Por Afganistani nuk e njeh kufirin me Pakistanin, ndonëse ai njihet ndërkombëtarisht. Për këtë arsye muri i ideuar nga Karaçi zyrtar mund të kthehet në një çështje diplomatike mes të dhyja vendeve. AFP citon zëdhënësin e Ministrisë së Brendshme Afgane, Najib Danish të ketë deklaruar se muri vetëm sa do të ndajë edhe më shumë njerëzit dhe ne nuk do ta lejojmë atë.

Irani është i gatshëm të hapë bazat e veta për Rusinë në kuadër të luftës në Siri. Kjo është bërë e ditur nga ministri i Jashtëm Iranian,  Mohammad Javad Zarif, sipas të cilit kjo do të shihet rast pas rasti.

“Rusia nuk ka baza ushtarake në Iran, ne kemi bashkëpunim të mirë dhe duke parë sipas rasteve, kur të jetë e nevojshme për rusët në luftën kundër terrorizmit që të përdorin objektet iraniane, ne do të marrim një vendim”, tha ai.