Lajme

Në Moskë është hapur një ekspozitë me foto të marra gjatë Luftës së Vietnamit ku siç raporton agjencia shtetërore “Sputnik” disa foto shfaqen për herë të parë. Ekspozita drejtohet nga kreu i Organizatës së Veteranëve Rusë të Vietnamit, Nikolai Kolesnik, i cili ishte pjesë e grupit të parë të oficerëve sovjetikë që u dërguan në ndihmë të ushtrisë vietnameze. Fotot vijnë nga arkivat e oficerëve rusë dhe paraqesin ndër të tjera edhe pilotë amerikanë të kapur rob.

Qeveria hungareze e Viktor Orban po vepron me instrumente ligjore për të mbyllur Universitetin e Europës Qendrore(Central European University), i mirënjohur tashmë dhe i themeluar që nga viti 1990. Universiteti është themeluar nga miliarderi George Soros dhe ka aktualisht 14 000 studentë nga 117 vende të ndryshme. Drejtuesi i tij është Michael Ignatieff, një intelektual dhe studiues nga Kanadaja, i njohur edhe ky në plan ndërkombëtar. Sipas tij ligji që ka propozuar qeveria e Orban diskriminon posaçërisht universitetin për shkak të financimit të tij nga Soros.

Një tjetër aleat i PS-së, kreu i Partisë Demokracia Sociale, Paskal Milo, ka mbështetur pikëpamjen se zgjedhje pa opozitën nuk mund të ketë. Gjatë një emisioni televiziv, Milo dha katër pika për negociimin e krizës aktuale, pika të cilat janë në fakt sugjerime ektrainstitucionale siç ndodh rëndom në “krizat” shqiptare.  

1. Të emërohet si përfaqësues i opozitës një Sekretar Shteti në Ministrinë e Brendshme që do të ketë akses për survejimi dhe mbarëvajtjen e procesit zgjedhor në mënyrë që t’i japë opozitës siguri maksimale gjatë procesit të votimit.

Ministrja e Kulturës Mirela Kumbaro ka prezantuar dje në Përmet projektin për restaurimin e godinës ku u mbajt Kongresi i Përmetit më 24 maj 1944. Godina aktuale është e rrënuar dhe është lënë pas dore, ndërkohë që pas debatit për Kishën, ky është rasti I dytë që qeveria kthehet në këtë qytet me një projekt që lidhet me historinë.

Edi Rama mohoi që të ketë përplasje me LSI-në për Bashkinë e Kavajës, duke i quajtur me tepër çështje mediatike, sesa një çarje që preokupon vërtet dy partitë në pushtet. Në një intervistë për emisionin "Opinion" ai tha se procesi i përzgjedhjes së kandidaturave është ende në fazën e propozimeve dhe se vendimi për këtë çështje do të merret në ditët në vijim. 18 qershori sipas kryeministrit është një datë e panegociueshme dhe përë këtë arsye mazhoranca do të shfrytëzojë kohën e mbetur për të bërë ndryshimet e nevojshme në Kodin Zgjedhor.

"Gjithçka është në tryezë". Me këto fjalë e ka përshkruar  ambasadorja e Britanisë në Athinë, rithemelimin e një marrëdhënie të re mes Mbretërisë së Bashkuar dhe Bashkimit Europian. Ajo theksoi se qeveria britanike do të synojë të arrijë një marrëveshje të re me Bllokun për lëvizjen migrimin dhe tregëtinë e lirë. Sipas saj, prrioriteti kryesor është mbrojtja e qytetarëve britanikë dhe evropianë, pasi pothuajse 3 milion qytetarë evropianë jetojnë dhe punojnë në Britaninë e Madhe, ndërsa 1.5 milionë britanikë  jetojnë në shtetet anëtare të BE

Sipas Ish-Kryetarit të KQZ-së Çlirim Gjata nëse ka dakordësi politike zgjedhjet edhe mund të shtyhen, por sipas tij, atëherë do të shkonim me qeveri teknike. Në një intervistë në studion e lajmeve të "TemA Tv", Gjata tha se zgjedhjet mund të bëhen edhe pa opozitën, por sipas tij kjo do të krijonte ulje të kredibilitetit politik. Gjata ngre shqetësim edhe për zgjedhjen e presidentit, nëse shkelen afatet.

"TemaTV"

Drejtori i Instituti i Studimeve të Krimeve dhe Pasojave të Komunizmit, Agron Tufa i është drejtuar me një letër kuvendit, ku i kërkon të mbështesë nismën për filtrimin e filmave të kohës së komunzimit dhe vendosjes së një logoje shpjeguese për transmetimin e tyre, debat që ka ngjallur shumë reagime mes komunitetit të artistëve.

Letra:

I nderuar z. Kryetar, Të nderuar zotërinj deputetë të Kuvendit të Republikës së Shqipërisë,

Prej disa ditësh është vënë alarmi për ndotjen që buron nga depozitat e ujit të pijshëm të vendosura osë në bodrumet e pallateve ose në tarracat e ndërtesave shumëkatëshe. Kjo pas publikimit të një videoje nga një administrator pallatesh në zonën e Komunës së Parisit, ku gjatë pastrimit u gjetën deri edhe minj të ngordhur. Autoriteti Rajonal Shëndetësor pranoi per Tv Klan se situata është alarmante, pasi askush nuk furnizohet me ujë direkt nga rrjeti i ujësjellësit, çka do të shmangte ndotjen nga papastërtitë e depozitave.

Ish-drejtori i CEZ Josef Hajcek dhe vartësi i tij, Jan Ivan janë dërguar në gjyq nga Prokuroria e Tiranës për mashtrim me pasoja të rënda në çështjen ku është i përfshirë edhe Kastriot Ismailaj. Prokuroria thotë se dy shtetasit çekë, të cilëve iu është njoftuar akuza përmes letërporosisë  kanë përdorur të dhëna fiktive dhe kanë vjedhur nga CEZ shumën prej 649 milionë lekësh. Kjo vlerë i është paguar shoqërisë DIA, dega Shqipëri, për shërbime që nuk janë kryer.