Bota

Grilinët morën Romën. Kryeqyteti italian do të ketë një kryetare bashkie femër, Virginia Raggi, avokate 37 vjeçare. Por lëvizja “5 yjet” mori edhe zemrën e Piemontit, Torinon, duke vënë me shpatulla për muri kryeministrin Matteo Renzi, i konsideruar si ndër të paktët që ka ditur t’i japë një përgjigje krizës që preku Europën. Këto ishin zgjedhje lokale të cilat Matteo Renzi po refuzon t’i lexojë politikisht. “I humbëm zgjedhjet në periferi jo sepse njerëzit u shprehën mbi sistemin me dy dhoma apo atë zgjedhor.

Deklaratat e Donald Trump pas ngjarjes në Orlando nuk janë përtypur lehtë nga republikanët të cilët janë të ndarë sa i përket të nominuarit të tyre për garën presidenciale të muajit nëntor. Koha kalon dhe po bëhet shumë e vështirë që dikush të gjejë një propozim të kthjellët, apo një qëndrim të përgjegjshëm, brenda kufijvë të normale nga Trump. Nëse dikush mendonte se kjo ishte çështje taktike, qëndrimi me ngjarjen e Orlandos e ka hequr atë. Edhe kreu i partisë, Paul Ryan, kryetar i Kongresit, ka lënë të hapur mundësinë e një kundërvënieje të brendshme ndaj Trump.

Panairi i librit, i parashikuar për t’u mbajtur në Graçanicë të Kosovës nga 15 qershori deri më 1 korrik, është anulluar. Shkak është bërë ndalimi nga autoritetet kosovare i librave shkollorë në gjuhën serbe. “Edhe pse ndalesa e Ministrisë së Kulturës të Kosovës zyrtarisht vlen vetëm për tekstet shkollore në gjuhën serbe, në Kosovë, sipas mediave serbe, nuk mund të hyjnë as librat që nuk janë tekste shkollore.

Presidenti francez Francois Hollande ka marrë një përgjigje të papritur nga një pjesëtar i forcave të policisë gjatë ceremonisë së zhvilluar në nder të dy policëve, Jean Baptiste Salvaing dhe Jessica Schneider, të vrarë të hënën nga një terrorist. Polici ka refuzuar t’i japë dorën Hollande, që ka vazhduar më tej, por kryeministri Manuel Valls, i vënë përpara të njëjtës situatë ka reaguar ndryshe. Ai ka nisur të flasë me policin, por nuk dihet se çfarë. I intervistuar nga TF1, polici ka thënë se ka shumë probleme në polici, se ka vetëm 3 automjete për 40 forca.

70 vjet pas përfundimit të Luftës së Dytë Botërore, një Gjykatë në Gjermani  vendosi një dënim me 5 vjet burg për në 94-vjeçarin Raincholnt Chaningk,  ish-roje në kampin famëkeq të Auschwitz. Ai  u gjet fajtor për "bashkëpunimin" në vdekjen e 170 000 hebrejve.

Bashkimi Evropian shtyu zyrtarisht për një vit sanksionet e miratuara kundër Moskës pas aneksimit të Krimesë në vitin 2014. Sanksionet  ndalojnë kryesisht nvestimet dhe importet e produkteve të gadishullit në Europë.

Vendimi që pritej për të shtyrë sanksionet deri më 23 qershor 2017 u mor gjatë Këshillit të BE-së, ku ishin të pranishëm përfaqësues të Shteteve Anëtare."Këto masa do të zbatohen për qytetarët dhe kompanitë e vendosura në territorin e Krimesë dhe Sevastopolit”-deklaroi një prej anëtarëve të Këshillit.

Kryeministri grek, Aleksis Tsipras ka prezantuar një plan ambicioz për ristartimin e ekonomisë vendase, pas shtatë vjetër recesion. Prezantimi u bë të enjten në mbrëmje, pak orë pasi kreditorët kishin miratuar disbursimin e një pjese të këstit të kredisë për Greqinë.
Me këtë rast, Tsipras deklaroi se këto ditë po mbyllet cikli më i vështirë i programit të shpëtimit dhe se vendi po hyn në fazën e zhvillimit ekonomik.

Anglia është shokuar nga ngjarja e kësaj të enjte. Deputetja e Partisë Laburiste, Jo Cox, ndërroi jetë  pasi u qëllua të enjten me armë zjarri, dhe u godit me thikë nga një person në qytetin në Lidsit. Dëshmitarët në vendngjarje thanë se deputetja 41-vjeçare u qëllua 2 herë herë në trup dhe një herë në kokë, e ndërsa ishte e plagosur në tokë, agresori e goditi me shkelma dheme thikë.

Kampioni paraolimpik Oskar Pistorius u detyrua të demostrojë para Gjykatës në Pretoria se ishte i aftë të ecte pa protezat e këmbëce, ashtu siç bëri natën e vrasjes së ish-të dashurës së tij, Riva Stenkab në shkurt të vitit 2013. Avokatët e tij dhe vetë atleti afrikanoverior pretendon se qëlloi me armë pasi mendoi se në shtëpinë e tij kishin hyrë grabitës. Me kërkesë të babait të vajzës në shtyp janë publikuar edhe foto të pak minutave pas vrasjes.