Bota

Vrasja e liderit të Hezbollahut, Hassan Nasrallah, në sulmet ajrore në një periferi të Bejrutit të premten ka vënë në qendër të vëmendjes njeriun që konsiderohet si trashëgimtari i tij, Hashem Safieddine.

Grupi terrorist i mbështetur nga Irani konfirmoi se Nasrallah, i cili e udhëhoqi atë për 32 vjet, mbeti i vrarë në sulmin e së premtes. Kjo është goditja më e rëndë për grupin në historinë e tij 42-vjeçare.

Beniamin Netanyahu e ka bërë të qartë tashmë para të gjithë botës se lufta e tij në Gaza dhe në Liban do të synojë si qëllim final rrëzimin e regjimit iranian të ajatollahëve. Ai ka paraqitur dy harta para përfaqësuesve të shteteve anëtare të OKB-së: njëra që lidh Mesdheun me Oqeanin Indian përmes hekurudhave dhe fibrave optike, si pjesë e aleancave të Izraelit me vendet arabe, tjetra një kryeurë iraniane e tensioneve dhe e fragmentarizimit territorial. Netanyahu ka deklaruar se projekti i parë lidh dhe zhvillon 2 miliarsë njerëz. I dyti sjell mjerim dhe shkatërrim.

Lëviza Shiite Hezbollah ka konfirmuar vrasjen e liderit të vet, Hassan Nasrallah dhe të disa komandantëve të tjerë si pasojë e një sulmi izraelit. Lidhur me këtë ngjarje, pala libaneze ka bërë të qartë se do të vazhdojë politikën e qëndresës. Mediat në Izrael sjellin në vëmendje një mesazh ngushëllimi të Sleiman Frangieh, lideri i partisë kristiane libaneze, "Marada", që është edhe kandidati i Hezbollahut për President të vendit.

Simboli iku, legjenda lindi, rezistenca vazhdon

citohet të jetë shprehur Frangieh.

Ushtria izraelite njofton se lideri i Hezbollahut, Hassan Nasrallah u vra në sulmin ajror të djeshëm në Bejrut.

Në një deklaratë, IDF thotë se krahas Nasrallahut, u vra edhe komandanti i Frontit Jugor të Hezbollahut, Ali Karaki, së bashku me komandantët e tjerë.

Nasrallah u shënjestrua ndërsa ishte në selinë kryesore të Hezbollahut në periferitë jugore të Bejrutit, një bastion i Hezbollahut i njohur si Dahiyeh.

Shtabi është nën tokë, nën ndërtesat e banimit në Dahiyeh, thotë IDF.

Mediat raportojnë se vendet perëndimore janë duke u përgatitur për evakuimin e shtetasve të tyre nga Libani. Qiprua dhe Turqia parashikohen të jenë vendi pritës për dhjetëra mijëra njerëz, nisur nga përvoja e të dy vendeve me situata të tilla.

Ndihmësi i presidenti rus, Nikollai Patrushev, ka paralajmëruar Perëndimin se do të ketë pasoja nëse do të vijojnë përpjekjet për të ndryshuar statusin e detit Balltik.

Pasi Finlanda dhe Suedia iu bashkuan NATO-s, ka aspirata të qarta për të ndryshuar statusin e detit Balltik, për të rishikuar regimin legal të hapësirës detare aty dhe të ngushticave të përdorura për lundrim ndërkombëtar. Ka plane për të ndaluar lëvizjen e flotës ruse në detin Balltik

Opozita serbe ka krijuar një situatë debati në Parlament nën pretendimin se Aleksander Vulin, zv.kryeministër i Serbisë, ndalohet të hyjë në SHBA. Rreth këtij pretendimi, vetë Vulin ka deklaruar se ka siguri të plota se ai nuk është as agjent i Kremlinit dhe as kriminel.

Nëndetësja më e re bërthamore e Kinës është mbytur ende pa u lëshuar në det. Lajmin e bëjnë të ditur mediat amerikane, të cilat u referohen burimeve të tyre. Ngjarja raportohet të ketë ndodhur që në maj, por qeveria kineze është kujdesur që incidenti të mbetet sekret.

Uashingtoni nuk e përjashton mundësinë që Ukraina të lëshojë territore në këmbim të një marrëveshjeje paqeje me Rusinë, tha të enjten zëdhënësi i Këshillit të Sigurisë Kombëtare të SHBA-së, John Kirby.

Pas një takimi në Shtëpinë e Bardhë midis Presidentit të SHBA Joe Biden dhe udhëheqësit ukrainas Vladimir Zelensky, Kirby u pyet nëse ai ka ndonjë mënyrë për t'i dhënë fund konfliktit pa lëshuar territore Ukraina ndaj Rusisë.

Pas propozimit për zhvendosjen e eshtrave të Titos nga kompleksi memorial në Beograd, kryebashkiaku Aleksandar Sapiç ka dalë me një tjetër lëvizje. Ai ndërmarrë nismën për ngritjen në kryeqytetin ser btë një monumenti të gjeneralit serb Dragoljub Draza Mihaloviç. I mirënjohur edhe në historiografinë shqiptare, Drazha Mihajlloviç cilësohet si emblema e nacional-shovinizmit serb, nën emrin e Çetnikut.