Bota

Ndezja e flakës olimpike për lojërat e radhës ka shënuar nisjen e spastrimit social në Paris. Lojërat Olimpike Paris 2024 nisin zyrtarisht më 26 korrik. Flaka olimpike u ndez më 16 prill në Greqi, kohë kur autoritetet franceze nisën dëbimin e qindra emigrantëve, të cilët të detyruar niseshin drejt pjesëve të tjera të Francës.

Presidenti rus, Vladimir Putin, bëri thirrje për rifillimin e prodhimit të raketave me rreze të mesme veprimi, i ndaluar me traktatin e nënshkruar dikur nga SHBA dhe ish-Bashkimi Sovjetik.

Traktati i Forcave Bërthamore me Rreze të Mesme, ose INF, i cili ndaloi raketat bërthamore dhe konvencionale me bazë tokësore me rreze veprimi prej 500-5500 kilometrash (310-3410 milje), u konsiderua si një pikë referimi për kontrollin e armëve kur lideri sovjetik, Mikhail Gorbachev, dhe presidenti i SHBA-së Ronald Reagan e nënshkruan atë në 1988.

Joe Biden duket se ka humbur pa hyrë në garë. Debati i tij me Donald Trump të enjten, konfirmoi atë që dihej: presidenti amerikan nuk është më në gjendje të ndalë furtunën republikane. E ca më keq: Trumpizmin.

Hungaria i ka kërkuar Ukrainës të njohë si “tradicionalisht hungareze” të gjitha vendbanimet në Zakarpattia. Kërkesa është vetëm një nga 10 të tilla drejtuar Kievit në lidhje me mbrojtjen e të drejtave të pakicave kombëtare. Zakarpattia Oblast ndodhet në pjesën perëndimore të Ukrainës dhe sipas regjistrimit të vitit 2001 dhe viteve të mëparshme, përqindja e hungarezëve atje ishte mbi 10%.

Policia serbe ka ndaluar sot zhvillimin e festivalit "Mirëdita – Dobar Dan" për arsye sigurie. Festivali është një aktivitet I përvitshëm që bën bashkë aktivistë dhe njerëz të kulturës nga Serbia dhe Kosova, me synim inaugurimin e një dialogu mes të dyja vendeve dhe kulturave.

87 anëtarë të SYRIZA-s, përfshirë deputetë kanë nisur një letër të përbashkët për kryetarin e partisë, Kasselakis, përmes së cilës bëjnë thirrje për një front të përbashkët të së majtës përballa Demokracisë së Re të Mitsotakis. Në letrën e tyre ata akuzojnë ndër të tjera, Kasselakis, për taktika përçarëse, refuzime, sulme ndaj anëtarëve të partisë për shprehjen e opinioneve. Ndër këto, ata kanë kritikuar edhe vendimin e Kasselakis për të mbyllur gazetën historike të partisë, “Avgi”.

Kryeministrja italiane, Giorgia Meloni, ashtu siç pritej, e kritikoi marrëveshjen e arritur dje për postet kryesore të BE-së, duke u shprehur se është "surreale" që opinionet e votuesve evropianë nuk u morën parasysh.

Bashkëthemeluesi i WikiLeaks, Julian Assange, është liruar nga burgu i sigurisë maksimale në Belmarsh në Mbretërinë e Bashkuar. Assange rifitoi lirinë si pjesë e një marrëveshjeje për pranimin e fajësisë me Departamentin e Drejtësisë të SHBA.

Ai ka kaluar pesë vjet i izoluar në Londër ndërsa kundërshtonte ekstradimin në SHBA, ku akuzohet për marrjen dhe zbulimin e paligjshëm të materialeve të sigurisë kombëtare që hedhin dritë mbi krimet e dyshuara të luftës amerikane.

Gjashtë liderët e BE-së që negociojnë postet kryesore të Bllokut kanë rënë dakord që Ursula von der Leyen e Gjermanisë, António Costa i Portugalisë dhe Kaja Kallas e Estonisë do të jenë tre emrat e zgjedhur. Ata do të marrin pozitat më të larta në Komisionin Evropian, Këshillin Evropian dhe shërbimin e politikës së jashtme, sipas pesë zyrtarëve të BE-së, të cilëve u referohet Politico.

Rusia ka nisur të artikulojë një strategji aktive të sigurisë euroaziatike, jashtë ndikimit perëndimor dhe amerikan. Duket se kjo ide e vjetër që në fakt buron nga pozicioni i dyfishtë gjeografik dhe gjeopolitik i Rusisë merr shtysa të reja nga gjendja e punëve në Ukrainë dhe nga fakti se kërkesa e vazhdueshme e Moskës për një rishikim të arkitekturës së sigurisë në Europë, apo së paku për një aplikim të parimit të pandashmërisë së sigurisë, nuk mund të ndiqet më.