Bota

Ambasadori i Rusisë në SHBA, Anatoly Antonov ka dalë së fundmi me një deklaratë që duhet të jetë serioze, nisur nga statusi zyrtar i tij.

Edhe ushtria amerikane pranon mundësinë e një konflikti bërthamor. Ndërkohë ata gabojnë duke menduar se një shkatërrim i tillë do të prekë vetëm Rusinë dhe Europën. Është jashtëzakonisht dritëshkurtër. Amerika nuk do të jetë në gjendje të fshihet pas oqeanit ndërkohë që shkatërrimi bërthamor do të prekë këdo

Nëntë të vdekur dhe 3000 të plagosur. Ky është bilanci i sulmit të organizuar të Mossad-it izraelit ndaj Hezbollahut në Liban. Sulmi u organizuar duke “minuar” pagers, pajisje të thejshta komunikimi të përdorura nga grupi militant islamik duke dëshmuar edhe njëherë aftësinë e shërbimeve izraelite për të vrarë në shkallë masive edhe jashtë territorit të vet.

NATO nuk do të bëhet palë në konfliktin ukrainas nëse shtetet e saj anëtare autorizojnë Kievin të godasë territorin rus me armë të prodhimit perëndimor, thotë Sekretari i Përgjithshëm i NATO-s, Jens Stoltenberg, në një intervistë për Foreign Policy.

“Nuk është e saktë ajo që thotë presidenti Putin për përfshirjen tonë në konflikt”, pohoi Stoltenberg.

Ai shtoi gjithashtu se NATO nuk e konsideron Iranin dhe Korenë e Veriut palë në konflikt mbi ndihmën e supozuar ushtarake për Moskën.

Thierry Breton, Komisioneri i Tregut të Brendshëm, i ngarkuar edhe me çështjet e teknologjisë dhe mbrojtjen, njoftoi krejt papritur dorëheqjen nga detyra.

Përgjatë pesë viteve të fundit, Breton ka qenë Komisioner në kolegjin e Presidentes Ursula von der Leyen dhe kohët e fundit u riemërua si Komisioner nga presidenti i Francës, Emmanuel Macron.

Kancelari gjerman Olaf Scholz ka përjashtuar mundësinë që Gjermania të furnizojë me armë rreze të gjatë Ukrainën për t’i përdorur ato për goditje në territorin rus. Ai e ka përsëritur qëndrimin e vet në një takim në Prenzlau duke afirmuar se:

Nuk do të furnizojmë me këto armë sepse unë e quaj një problem. Edhe nëse vende të tjera e bëjnë këtë

Irani lëshoi sot në orbitë një satelit të ri kërkimor. Lajmin e bëri publik televizioni shtetëror.

"Sateliti kërkimor Chamran-1 u lëshua me sukses dhe u hodh në orbitë nga transportuesi Ghaem-100", u tha në njoftim.

Rusia e ka përjashtuar përdorimin e armëve bërthamore në përgjigje të sulmeve të armikut, por shefi i i Këshillit të Sigurimit rus, Dmitry Medvedev, thotë se edhe durimit mund t’i vijë fundi.

Duke e cilësuar nisjen e një konflikti bërthamor "një vendim me pasoja të pakthyeshme", Medvedev thotë se për këtë arsye, Rusia nuk ka marrë asnjë vendim deri tani.

Presidenti Putin i dërgoi një paralajmërim të qartë Perëndimit lidhur me përdorimin e raketave me rreze të gjatë veprimi. Përdorimi i këtyre të fundit nga Ukraina, e cila nuk e ka një teknologji të tillë ushtarake, do të konsiderohet nga Rusia si "pjesëmarrje e drejtpërdrejtë" e vendeve të NATO-s në luftën në Ukrainë.

Dy ditë pasi Prokuroria Speciale e Kosovës ka ngritur aktakuzë për 45 persona të përfshirë në sulmin e Banjskës më 24 shtator 2023, në Veri janë shfaqur banera dhe pamflete që bëjnë thirrje për dhunë dhe provokime. Mediat në Kosovës shkruajnë se policia ka nisur hetimet, ndërkohë që nga Beogradi, kryeministri Milosh Vuçeviç ka deklaruar se Serbia do të marrë masa për paqen dhe sigurinë e serbëve në Kosovë.

Vendimi i Berlinit për të rikthyer kontrollin kufitar u pa si një lëvizje e kancelarit Olaf Scholz për të minimizuar terrenin e fituar nga e djathta ekstreme në prag të zgjedhjeve të reja. Megjithatë rikthimi i kontrolleve në kushtet kur lëvizja zyrarisht është pa viza, përbën një problem. Kryeministri grek, Mitsotakis, ka dërguar me këtë rast një mesazh për palën gjermane, përmes të cilit ka vënë në dukje gabimin që përfaqëson një akt i tillë.