Bota

Përballja me Big Tech kërkon bashkimin e fuqive. Aktivistë që mbrojnë të drejtat e konsumatorit e kanë kuptuar këtë dhe shohin aksionin kolektiv si zgjidhje. Një direktivë e re e BE-së që do t'u japë konsumatorëve të drejtën për të ngritur padi kolektive në rastet e dëmtimit masiv, mund të çojë shumë shpejt në aksione më të mëdha të klasës panevropiane. Ndërkohë, paditë kundër Apple dhe TikTok kanë nisur.

Para se t’i kalojë miliarde euro nga fondi i rimëkëmbjes, Bashkimi Europian i kërkon Hungarisë të reformojë ligjet e prokurimit publik. Me frikën e abuzimeve me tenderat, BE kërkon ndryshime direkte në ligjet e prokurimit publik të Hungarisë, sipas një dokumenti që Komisioni ka publikuar më 26 janarit, në të cilin specifikohen ligjet që duhen rishikuar nga qeveria e kryeministrit Viktor Orban. Komisioni Evropian është mandatuar të menaxhojë skemën 750 miliardë euro dhe u ka kërkuar disa shteteve të B-së të rishikojnë propozimet e tyre për mënyrën sesi do të përdoren fondet.

 Donald Trump nuk ka lënë vetëm një SHBA të ndryshme nga ajo që gjeti, por edhe një botë të ndryshme. Manifestimi i drejtpërdrejtë i këtij ndryshimi është edhe roli i SHBA në botë, edhe në ato rajone ku më parë dukej se ajo ishte fuqia diktuese.

Afrika e Jugut pezulloi përdorimin e vaksinës së AstraZeneca-së pasi të dhënat treguan se ajo jepte mbrojtje minimale kundër infeksionit të shkaktuar nga varianti i koronavirusit që u zbulua pak javë më parë në vend.

Pas testeve të kryera nga universiteti i Witsatersrand-it, të cilat sollën rezultate zhgënjyese, ministro o shëndetësisë tha se qeveria mbetet në pritje të fjalës së shkencëtarëve.

Lideri iranian, Ayatollah Ali Khamenei ka dekalruar se Irani nuk do të përmbushë asnjë detyrim që rrjedh nga marrëveshja bërthamore e vitit 2015 nëse SHBA nuk heqin të gjitha sanksionet.

Është Irani që ka përmbushur të gjitha detyrimet e veta që rrjedhin nga marrëveshja bërthamore e vitit 2015 dhe jo SHBA, as edhe tre shtetet europiane. Nëse duan që Irani t’i rikthet angazhimeve të veta, SHBA duhet të heqë së pari të gjitha sanksionet

Ish-shefi i Shtabit të Ushtrisë Jugosllave, Momcilo Perisic është dënuar me tre vjet burg me akuzën e spiunazhit. Mediat në Serbi njoftojnë se Perisic akuzohet se ka kaluar informacione sekret shërbime amerikane.

Krahas Perisic janë dënuar edhe dy bashkëpunëtorë të tij, Miodrag Sekulic dhe Valdan Vlajkovic.

Për herë të parë në historinë e Kishës Katolike, një grua caktohet në një detyrë të rëndësishme.

Papa ka caktuar si nënsekretare e Sinodit të Ipeshkvijve francezen Nathalie Becquart. Ajo do të ketë të ketë të drejte vote në këtë trupë vendimmarrëse, e cili këshillon Papën dhe diskuton disa nga çështjet më të diskutueshme në Kishën Katolike Romake. Zonja Becquart ka punuar me sinodin si konsulente që nga viti 2019.

Pas shtëpive publike në Angli, radha për dëmshpërblim u takon pabeve në Irlandë. Gjykata e Lartë e këtij vendi ka vendosur që pabeve që janë mbajtur të mbyllura për 326 ditë për shkak të pandemisë duhet t’u paguhen miliona euro dëm, duke vendosur sektorin e sigurimeve para një fakti detyrues.

Mario Draghi siguroi mbështetjen e dy partive kryesore të Italisë, për të formuar qeverinë e re dhe për të nxjerrë vendin nga kriza. Kjo erdhi pasi Lëvizja 5 Yjet dhe Lega e Matteo Salvinit, përkatësisht populistët e majtë dhe të djathtë, lanë mënjanë mëritë dhe i dhanë mbështetje atij që mund të bëhet kryeministri i ri italian.  

“Ne jemi gati. Jemi forca politike kryesore në vend, pra një forcë që duhet të qeverisë”, tha Salvini pas një takimi me Draghin.

Microsoft do t’u ndalojë donacionet ligjvënësve republikanë, të cilët refuzuan të certifikojnë fitoren e zgjedhjeve të Joe Biden. Gjiganti i teknologjisë do t’i kanalizojë këto fonde në drejtim të "promovimit të demokracisë".

Në këtë mënyrë, Microsoft ngrin të gjitha kontributet politike si dhe ato për organizatat e lidhura me republikanët që kanë pretenduar për manipulimin e votës, të paktën deri në 2022.