Arkiv-Lajme të përditësuara

Numri i njohjeve dhe meritat për njohje të caktuara, vazhdojnë të jenë shkak për përplasje mes Zëvendëskryeministrit Behgjet Pacollit dhe Ministrit të Jashtëm Enver Hoxhaj.

Në fakt, ky sherr kishte plasur në qeverinë e kaluar, kur Pacolli ishte në opozitë, atë kohë me Ministrin Skënder Hysenin dhe me të njëjtin intensitet vazhdon ende.

I fundit është Ministri Hoxhaj që ka mohuar njohjen nga Shteti i Malit.

Një i burgosur në burgun e Peqinit i dënuar me 10 vjet burg për vrasjen në rrethana të cilësuara të një oficeri policie ka thyer lejen dhe nuk është kthyer më në qeli në datën e caktuar nga autoritetet. 

Burime nga Drejtoria e Burgut të Peqinit bëjnë me dije se Romeo Rustemaj, nga Vlora kishte marrë leje më datë 7 maj ora 13:00 dhe duhej të kthehej të dielën në qelinë ku vuan dënimin, por ai ka thyer rregullat duke mos u kthyer.

Duke akuzuar kundërshtarët kryeministri Sali Berisha, i qëndroi idesë së referendumit për votimin e 3 ligjeve. Këtë, sipas Berishës do ta bëjnë shqiptarët  më 23 qershor, ditën e zgjedhjeve. Dy ditë më parë kreu i LSI-së Ilir Meta kërkoi kompromis për miratimin e 3 ligjeve të kërkuara nga Bashkimi Europian. BE-ja vazhdimit u ka dërguar mesazhe partive kryesore shqiptare, të gjejnë konsensus dhe të votojnë 3 ligjet në parlament.

Partia Socialiste, me rastin e Ditës ndërkombëtare të nënës, organizoi ditën e sotme një aktivitet në kryeqytet.

Në fjalën e tij me këtë rast, kreu i PS-së Edi Rama shprehu mirënjohjen dhe falënderimin për të gjitha nënat duke u ndalur edhe tek nëna e tij Anetën, për të cilën tha se gjithçka që ai është sot ia dedikon asaj.

Frika nga njerëzit që mund t’i afrohen Berishës, i cili nga kjo frikë nuk del kurrë nga shtëpia pa jelek antiplumb, i ka kushtuar rëndë një lypësi.

Dy ditë më parë, Berisha ka qenë në një klinikë dentare, raporton “Shqiptarja.com”, për të kuruar një dhëmballë.

Pas daljes së saj, Berishës është përpjekur t’i afrohet një lypës që njihet në Tiranë me emrin “Taku i Lemes”.

Por, kjo tentativë e tij ka qenë fatale, pasi pavarësisht se nuk ka bërë asgjë, badigardët e Berishës e kanë goditur dhe e kanë tërhequr zvarrë nëpër rrugë.

Partia Socialiste deklaroi sot se programi i saj ekonomik do të mbështesë sipërmarrjet, duke lehtësuar jo vetëm barrën fiskale, por duke e çliruar së pari biznesin nga presionet e qeverisë dhe gjobat diskriminuese dhe selektive. 

JANINE- Dy të moshuar grekë janë gjetur të vrarë në shtëpinë e tyre nnë prët e para të mëngjesit të sotëm.

Ngjarja e rëndë ka ndodhur në zonën e Pogonit në Janinë dhe autori i vrasjes, sipas policisë vendase, dyshohet se është një shqiptar. Dy të moshuarit ishin të moshës 73 dhe 72 vjeç, dhe besohet se vrasja e tyre ka pasur si motiv grabitjen.

Oficerët e policisë së Janinës thanë se autori është një shtetas shqiptar, dhe mund të ketë vrarë për grabitje, pasi pak orë para vrasjes një tjetër grabitje është shënuar në të njëjtën zonë.

Partia Demokratike do të hapë nesër zyrtarisht fushatën zgjedhore për zgjedhjet parlamentare të 23 qershorit. Edhe pse praktikisht, fushata ka shumë muaj që ka nisur, nesër kreu i PD-së Sali Berisha do ta çelë zyrtarisht atë. Për këtë qëllim, PD do të organizojë në orën 19:30 miting në sheshin “Nënë Tereza”.

Kreu i Lëvizjes Socialiste për Integrim, Ilir Meta ishte ditën sotme në Ersekë ku prezantoi kandidatin për deputet në rrethin e Kolonjës, Arben Malo.

Në fjalën e tij, kreu i LSI-së Ilir Meta theksoi se është koha që vendi të ketë një dinamikë të re zhvillimi dhe të marrë një drejtim të ri, pasi sipas tij është koha që vendi të ecë më shpejt drejt integrimit në Bashkimin Europian.