Arkiv-Lajme të përditësuara

Një video po shokon rrjetet sociale në vend që nga dita e publikimit për herë të parë nga një faqe në facebook Sarandaweb. Në video shfaqet një mësues që rreth barbarisht një nxënës. Ngjarja mësohet se ka ndodhur në një shkolle 9-vjeçare në Sarandë, pikërisht në shkollën “9 Tetori” dhe akti makabër i mësuesit është filmuar nga një prej nxënësve të pranishëm. Video e cila po qarkullon në rrjetet sociale akoma nuk ka sjellë ndonjë reagim zyrtar nga autoritetet policore të qytetit jugor, ndërkohë që nuk dihet nëse prindërit e nxënësit në fjalë kanë ngritur denoncim ndaj mësuesit të dhunshëm.

Refuzimi i statusit ishte një lajm shumë i keq për Shqiptarët, populli më europian-dashës në Europë. Kështu është shprehur kreu i Partisë Demokratike, Lulzim Basha në një reagim pas vendimit të BE për ta shtyrë për në qershor dhënien e statusit kandidat për Shqipërinë. Në një deklaratë për mediat Basha akuzoi qeverinë Rama-Meta si përgjegjëse të drejtpërdrejtë të këtij vendimi, pasi sipas tij me shkeljet e shumta ligjore në kaq pak kohë në pushtet dhe me arbitraritetin e saj bëri skeptikë fuqitë e mëdha europiane ndaj Shqipërisë.

Kompania shtetërore Albpetrol, e cila është e mbytur në borxhe dhe nuk paguan dot punonjësit e saj, ka gjetur mundësinë që vetëm vitin e fundit, 2012- 2013, të sponsorizojë tre herë televizionin Klan me shuma që arrijnë në 250 milionë lekë të vjetra.

Sponsorizimi është dhënë për gjoja disa aktivitete kulturore të televizionit, që rezultojnë sipas disa kërkimeve të gazetës Tema, të parealizuara.

Shqipëria nuk mundi të marrë statusin në mbledhjen e sotme të Këshillit të Ministrave të Jashtëm të Bashkimit Europian.

Siç edhe mund të pritej, 5 shtete të BE, Gjermania, Franca, Britania, Holanda dhe Danimarka propozuan qershorin e 2014-ës. Në këto momente ministrat janë duke riformuluar vendimin zyrtar, por mësohet se nuk do ketë kushte shtesë.Për të mësuar më shumë, “Top-Channel” realizoi një lidhje direkte me korrespondenten tonë në Bruksel, Arta Tozajn.

Një ditë pas mbledhjes, në të cilën u rrëzua kërkesa e ministrit të Drejtësisë për emërimin e magjistratëve të rinj, Këshilli i Lartë i Drejtësisë reagon duke akuzuar maxhorancën për përpjekje për nënshtrimin e institucionit.

KLD shprehet me anë të një deklarate se maxhoranca e përfaqësuar nga ministri Naço, ka përdorur terma poshtërues.

Konfirmohet zyrtarisht që gazsjellësi i famshëm TAP do të kalojë nëpërmjet tokës shqiptare. Marrëveshja përfundimtare për kalimin e gazit në Europë nga gazsjellësi Trans Adriatik Pipeline, TAP, është firmosur në Baku të Azerbajxhanit, ku ka qenë I pranishëm edhe kryeministri shqiptar Edi Rama. Presidenti i Azerbajxhanit, Ilham Aliev deklaroi gjatë ceremonisë se ky projekt do të ndryshojë hartën e energjisë në rajonin tonë dhe do të ndihmojë zhvillimin historik të vendit tonë.

Nis mbledhja e Këshillit të Ministrave të BE, ku në rend të ditës është edhe diskutimi i statusit të Shqipërisë si vend kandidat për anëtar. Mbledhja parashikohet të zgjasë deri në mbrëmje dhe më pas do të ketë një konferencë për shtyp për vendimit e marra.

Ndërsa ishte deklaruar se Hollanda do të votonte kundër, sot ministri i jashtëm holandez Frans Timermans, la të hapur mundësinë se mund të ndryshojë qëndrim sa i përket dhënies së statusit për Shqipërinë.

Prokuroria ka nisur hetimet për zhdukjen e portofolit të deputetit Sokol Olldashi në aksidentin fatal të 20 nëntorit.

Olldashi humbi jetën në këtë aksident të rëndë, ndërkohë që portofoli i tij mungonte mes provave të fiksuara në vendin e ngjarjes.

Prokuroria dyshon se mos portofoli është vjedhur.

Olldashi mbushte sot 41 vjeç.

Në rrjetet sociale, ka urime dhe sërish ngushëllime për humbjen ne tij.

Ministrat e kabinetit Rama nisin procesin e lënies së mandateve. Shtatë prej tyre tyre, përkatesisht katër ministra të Partisë Socialiste dhe tre të Lëvizjes Socialiste për Integrim kanë depozituar pranë Kuvendit kërkesën për lënien vullnetare të mandatit të deputetit.

BAKU- Ministri i Jashtem, Ditmir Bushati njofton takimin me William Hague ne Baku, ne kuader te firmosjes se marreveshjes per gazjellesin TAP.

“Ne Baku me William Hague per firmosjen e investimit te SD 2, i cili garanton furnizimin me gaz te TANAP dhe TAP!”- shkruan Bushati ne profilin e tij ne Twitter.