Arkiv-Lajme të përditësuara

“Shqipëria duhet të realizojë reforma cilësore. Dialogu pozitë-opozitë duhet të vijojë jo vetëm në tryezat ku flitet anglisht”. Këto ishin dy prej kërkesave kryesore të artikuluara nga Komisioneri i BE-s për Fqinjësinë dhe Negociatat e Zgjerimit Johannes Hahn, nga e pesta tryezë e dialogut të nivelit të Lartë Shqipëri-BE. 

Të 144 pasagjerët dhe 6 anëtarët e ekuipazhit në bordin e Airbusit A320 të rrëzuar në Alpet Franceze prezumohen të vdekur, e pohuar kjo nga vetë Presidenti Francois Hollande pas deklaratave të ngjashme nga zyrtarë të aviacionit francez dhe të policisë. 

“Rrethanat e aksidentit, qe ende nuk jane sqaruar plotesisht, na shtyjne te besojme se nuk ka asnje te mbijetuar. Rrezimi i avionit eshte nje tragjedi ne token tone, ndersa qasja ne zonen e aksidentit eshte teper e veshtire”, tha Hollande.

Trajneri i kombëtares shqiptare të futbollit, Gianni De Biasi, ka publikuar listën e lojtarëve të grumbulluar për ndeshjen ndaj Armenisë, që do të luhet të dielën në “Elbasan Arena”. 

Bie në sy përfshirja për herë të parë e Naser Alijit dhe rikthimi i Mehës, Sadikut, Gashit dhe Bashës.

Këshilli i Rregullores dhe i Mandateve pranoi kërkesën e deputetit Tom Doshi për shtyrjen e mbledhjes, ku ishte parashikuar të shqyrtohej kërkesa e Prokurorisë së Përgjithshme për autorizimin për arrestimin e Doshit dhe deputetit tjetër Mark Frroku.

Në përfundim të mbledhjes, deputeti i Partisë Demokratike, Eduard Halimi, vlerësoi se Këshilli i Rregullores po punon me dy standarde, ndërsa theksoi se seanca e planifikuar për të mërkurën do të zhvillohet në prani të medias.

Kryetari i Kuvendit, Ilir Meta u takua sot me Prokurorin e Përgjithshëm të Kroacisë, Dinko Cvitan, me të cilin bisedoi rreth reformave në fushën e drejtësisë dhe luftës ndaj korrupsionit e krimit të organizuar. 

Kryeparlamentar Meta theksoi se, reforma në fushën e drejtësisë është një prioritet për Shqipërinë, ndaj “vendi ynë mund të marrë eksperiencë nga Kroacia për reformimin e sistemit të drejtësisë”.

Pas një mbledhjeje të Grupit Parlamentar të Partisë Demokratike dhe të aleatëve të saj, kreu i opozitës, Lulzim Basha ka publikuar edhe vendimin e marrë, atë të paraqitjes së amendamenteve ligjore e kushtetuese për dekriminalizimin e Parlamentit dhe të administratës. 

Kryeministri Edi Rama deklaroi se mbajtja e Kosovës nën regjimin e vizave është një turp për vetë Europën.Në fjalën përshëndetëse në fillim të mbledhjes së dy qeverive, asaj të Kosovës dhe qeverisë se Shqipërisë, Kryeministri theksoi se mirëpret liberalizimin e vizave për shtetin më të ri europian. 

Dy ditë para mbledhjes së përbashkët mes Qeverisë shqiptare dhe asaj të Kosovës, bizneset e të dy vendeve kërkojnë prej tyre të lënë mënjanë simbolikën dhe të marrin masa konkrete për të lehtësuar ekonomitë. 

Në vend të luleve, këtë pranverë në luginën e Lumit Shkumbin kanë 'çelur' mbeturinat. Pamjet që ofrohen në zonë janë nga më të shëmtuarat sidomos në prag të hapjes së sezonit turistik. 

Prurjet e shumta te Lumit ne fillim te ketij viti nxorren ne pah, ne menyren me te shemtuar te mundshme, ate qe te gjithe e dine, ndotjen e tmerrshme qe ka mbuluar vendin tone. Ne te gjithe gjatesine e Shkumbinit te ofrohet pamja me mbeturina, e cila shtrihet disa metra anes tij. 

Komisioneri Evropian për Politikën e Fqinjësisë Evropiane dhe Negociatat e Zgjerimit Johannes Hahn do të vizitojë Tiranën më 23 dhe 24 mars 2015 për t’u takuar me autoritetet më të larta shqiptare dhe për të marrë pjesë në raundin e pestë të Dialogut të Nivelit të Lartë midis BE-së dhe Shqipërisë.