Arkiv-Lajme të përditësuara

Lideri i SYRIZA, Aleksis Cipras, në tubimin qendror të partisë në sheshin Omonia ka sulmuar ashpër PASOK-un dhe Demokracinë e Re, të cilat sipas tij, u përpoqën të “mashtrojnë popullin grek, për të vjedhur votat me anë të frikës“. Cipras tha me optimizëm se «nga e hëna fillon një ndryshim i madh» dhe vuri në dukje se “edhe nëse ne jemi partia e parë me shumicën e votave, do të bashkëpunojmë, por jo në një qeveri proMemorandumit”. 

Nokia ka në plan të shkurtojë 10 mijë vende pune brenda vitit 2013 e po ashtu do të mbyllë disa fabrika prodhuese, për të kursyer 3 miliardë euro. Zyrtarët e kompanisë finlandeze konfirmuan lajmin nëpërmjet një komunikate për shtyp, në të cilën konfirmohet shitja e divizionit të celularëve luksozë 'Vertu', te kompania suedeze 'EQT Partners'. Sipas zyrtarëve, do të mbyllen fabrika në Finlandë, Gjermani në Kanada. Muajin e kaluar, kompania celulare u rrëzua nga froni i prodhuesit të parë të celularëve në botë nga 'Samsung', për herë të parë pas 14 vjetësh.

Aleanca kundër importit të plehërave ka dënuar shkeljen e afateve kushtetuese nga ana e Komisionit Qendror të Zgjedhjeve për zhvillimin e një referendumi kombëtar mbi importin e mbetjeve në vendin tonë. Në një protestë të zhvilluar përballë KQZ-së, aktivistët e kësaj aleance i bënë thirrje këtij institucioni që të mos bëhet pengesë e vullnetit popullor. Sipas Aleancës, më shumë se 90 ditë më parë, pranë Komisionit Qendror të Zgjedhjeve janë dorëzuar 62 mijë firma  qytetarësh, të cilët kërkojnë të mbahet referendum mbi këtë cështje.

Sipas të dhënave nga ELSTAT për tremujorin e parë të vitit 2012, papunësia në Greqi ka kapur shifrën 22.6%.

Kjo shifër ishte 20.7% në tremujorin e katërt të vitit të kaluar, dhe 15.9% në tremujorin e parë të vitit 2011. 

22.6% është norma më e lartë e papunësisë nga viti 1998. 

Sipas Autoritetit grek të Statistikave, gjatë tremujorit të parë të vitit 2012 numri i të punësuarve arriti në 3,837,950 dhe i të papunëve në 1,120,097. 

Punësimi ra me 2.4% gjatë tremujorit të mëparshëm dhe me 10.7% gjatë tremujorit të parë të vitit 2011. 

Fotot e një fetusi që nëna e tij u detyrua të abortonte kur ishte shtatë muajshe shtatzanë kanë tronditur mbarë Kinën. 

Feng Jiamei, nga krahina e Shaanxit, u detyrua t’i nënshtrohej procedurës së heqjes së fëmijës në tremujorin e fundit të shtatzanisë.

Një fëmijë shtatë muajsh mund të jetojë nëse i ofrohet ndihmë e specializuar mjekësore dhe sipas nënës, fëmija ishte i gjallë kur u krye aborti, por u la të vdiste.

Rritja ekonomike në vendet e Eurozonës vazhdon të jetë e dobët, ndërkohë që pasiguria për situatën financiare është mjaft e theksuar. 

Vlerësimi vjen nga Banka Qendrore Europiane në parashikimin mujor për situatën në vendet e Eurozonës. Kjo bankë parashikon gjithashtu se inflacioni do të qëndrojë mbi 2 përqind këtë vit përpara se të fillojë të shënojë rënie në vitin 2013. 

Ndërkohë, presidenti i Komisionit Europian, Hoze Manuel Barroso kërkoi para Parlamentit Europian që vendet anëtare të heqin dorë nga sovraniteti kombëtar në luftën kundër krizës ekonomike. 

"Anulimi i plotë i Memorandumit do të konsiderohet nga disa vende si një prishje e marrëdhënieve», tha presidenti francez, Francois Hollande, në intervistë për kanalin televiziv grek MEGA dhe shtoi se «në qoftë se grekët nuk mbajnë premtimet e tyre, ka shumë vende që do të preferojnë të nxjerrin Greqinë jashtë euros». 

Kostoja e huave për Spanjën është rritur në një tjetër rekord të epokës së euros, me huadhënësit që kërkojnë një normë më të lartë interesi. 

Të ardhurat nga bondet 10-vjeçare u rritën mbi 6 për qind mëngjesin e së enjtes, një nivel që shumë analistë e shohin si të paqëndrueshëm në planin afatgjatë. 

Rritja erdhi pasi agjencia e kreditimit “Moody’s” shkurtoi normat e interesit për Spanjën me një shkallë mbi nivelin “junk”, në prag të një ankandi për bondet italiane. 

Vendet në zhvillim duhet të përgatiten për kohë të vështira dhe një nivel rritjeje ekonomike më të ulët, paralajmëroi Banka Botërore në një raport të publikuar ditën e mërkurë. 

Në raport paralajmërohej për një “periudhë e gjatë paqëndrueshmërie në ekonominë botërore, ndërsa kriza e borxheve në Eurozonë do të përshkallëzohet e pritet të ketë rrjedhoja të thella në ekonomitë e vendeve në zhvillim”.

Versioni gjerman i "Financial Times", shkruan në një shkrim ekskluziv, se “BE ka qëllim të negociojë me Greqinë, mbi lehtësimin e programit të ashpër të masave”. Shkrimi i FT gjermane është titulluar "BE dëshiron të lirojë prangat e Athinës", me nëntitull "Evropa dëshiron të mbajë Greqinë në zonën e euros”. 

“Pavarësisht nga rezultati i zgjedhjeve të së dielës, çdo qeveri e re do të kërkojë negociata të reja”, kanë thënë për gazetën burime evropiane dhe "nëse dikush dëshiron të mbajë Greqinë në eurozonë, nuk do të jetë në gjendje t'i refuzojë ato".