Arkiv-Lajme të përditësuara

Ekonomia amerikane është kthyer tek rritja pas krizës më të keqe ekonomike që nga koha e Depresionit të Madh, por nuk po rritet mjaftueshëm. 

Kështu ka deklaruar presidenti amerikan Barack Obama në fjalimin e përjavshëm, ku ka vënë në dukje edhe ngadalësinë e krijimit të vendeve të punës. 

Obama ka nënvizuar se ekonomia amerikane po ecën në drejtim të kundërt të erës, duke iu referuar përballjes me rritjen e çmimit të karburanteve dhe krizën ekonomike në Evropë. 

Nicola Sarkozy pritet te thirret në gjyq lidhur me një sërë akuzash pasi imuniteti i tij presidencial skadon sot në mesnatë, pas humbjes ndaj Fransua Hollande muajin e kaluar. 

Gjykatësi Jean-Michel Gentil beson se Lilianë Bettencourt, trashëgimtarja e gjigandit të kozmetikes L'Oreal dhe gruaja më e pasur e Frances ka kontribuar në mënyre ilegale me dy pagesa prej 400 mijë euro secila në fushatën presidenciale të Sarkozi në vitin 2007. 

Zgjedhjet e nesërme cilësohen si zgjedhjet më dramatike të dekadave të tëra në Greqi. 

Sondazhet e fshehura në ditët e fundit regjistrojnë një situatë “thriller” në elektorat, ku dallimet mes DRe dhe SYRIZA janë në kufijtë e gabimit statistikor, ndërkohë që vërehet një përqindje e madhe e njerëzve të të pavendosur. Sipas disa kompanive, të pavendosurit janë mbi 15%. 

Londra duket të ketë marrë pjesën e luanit në biznesin e ri të koleksioneve të artit nga super të pasurit, dhe ky lulëzim vazhdon ndërsa shtëpia e ankandeve Kristi ka nxjerrë në shitje punime impresioniste dhe moderne që pritet të kapin vlerën e 220 milionë dollarëve.

Pak para zgjedhjeve në Greqi, media ndërkombëtare shkruan se kriza ekonomike, emigracioni, jostabiliteti politik dhe pasiguria do të ndikojnë në vendimin që elektorati do të marrë nesër në kutitë e votimit. 

Egjiptianët do t’u drejtohen kutive të votimit të shtunën dhe të dielën për të zgjedhur presidentin e parë nga vota e tyre e lirë. 

Në garë janë dy kandidatë, Mohamed Mursi nga koalicioni Liri dhe Drejtësi, i udhëhequr nga Vëllazëria Muslimane dhe Ahmed Shafiq, kryeministri i fundit i regjimit të ish-presidentit Hosni Mubarak.

Autoritetet e ekonomive kryesore botërore po përgatiten për një rënie të mundshme, nëse në zgjedhjet e fundjavës në Greqi fitojnë të majtët radikalë që kanë vënë në dyshim të ardhmen e vendit ne eurozonë. 

Zyrtarët nga G20 thanë se bankat qendrore janë të gatshme që të ndërmarrin hapa për të stabilizuar tregjet financiare, nëse do të jetë e nevojshme, duke ofruar likuiditete dhe duke penguar ndonjë shtrëngim kredish pas zgjedhjeve të së dielës.

Biznesi reagon për taksën që Kosova i ka vënë çimentos nga Shqipëria. Reagimi vjen pasi kompanitë që e importojnë nga vendi ynë këtë mall, duhet të paguajnë një tarifë prej 35 % të vlerës së importuar, me qëllim mbrojtjen e prodhimit kosovar.
Kreu i Dhomës së Tregtisë dhe Industrisë, Nikolin Jaka, ka kërkuar nga ministrja e Tregtisë së Kosovës, Mimoza Kusari-Lila të veprojë pozitivisht për heqjen e kësaj tarife për çimenton.

Përgatituni sepse vapa e tmerrshme po vjen. Sic njofton parashikimi i motit në BalkanWeb në vendin tonë pritet që duke nisur nga fundjava, temperaturat pritet të rriten nga 5 deri me 7 gradë krahasuar me ditën e sotme. 
Në zonat bregdetare temperaturat në fundjavë do të shënojnë mbi 30 gradë Celsius për të vijuar me 34 e 36 gradë Celsius nga nisja e javës së re. 
Kurse në zonat malore e juglindore, temperaturat do të jenë në kufijtë maksimalë 26 e deri 30 gradë Celsius. 

Parlamenti Europian ngriu bisedimet me qeveritë e vendeve anëtare të Bashkimit Europian mbi pesë projektligje, si shenjë proteste ndaj reduktimit të kompetencave të PE-së në lidhje me kontrollohet kufitare dhe detaje të tjera të marrëveshjes Schengen. 

Këshilli Europian, i cili përfshin 27 vende anëtare, i hoqi të drejtën Parlamentit që të vendosë për aplikimin apo jo të lëvizjes së lirë brenda Schengen.