Alternative

Bajexhid Hosain është vetëm 4 vjeç dhe që në pamje të parë kupton se nuk është një fëmijë normal. Historia e tij tragjike u ngjan filmave fantastiko-shkencorë. Ai vuan nga një sëmundje e rallë që e bën të duket si një 80 vjeçar. Fatkeqësisht për sëmundjen e tij nuk ka asnjë terapi shëruese. Sipas mjekëve, Bajexhid nuk do të jetojë më shumë se 15 vite, për shkak të avancimit të sëmundjes së tij të quajtur Cutis Laxa. Nëna e tij është 18 vjec, ndërsa babai 22 vjeç me banim në një fshat në Bangladesh.

Stephen Hawking, teoricieni dhe filozofi i njohur shkruan për gazetën "Guardian" se njerëzimi duhet të rivlerësojë qëndrimin obsesiv ndaj parasë dhe pasurisë. Ai thotë se rezultati i referendumit në Britani u ndikua nga mënyra sesi njerëzit kategorizojnë të mirat materiale. Hawking parashikon se dalja e Britanisë nga Bashkimi Europian do të ketë pasoja negative për kërkimin shkencor dhe në veçanti në programet për nxënësit me probleme të invaliditetit.

Socotra është një ishull në oqeanin Indian, përballë Jemenit, pjesë e të cilit edhe është. Ishulli është thuajse unik për nga peizazhi; pemët e tij Adenium Socotranum,  nuk hasen kund dhe bashkë me disa shpendë, gjenden vetëm në këtë ishull. Në vitin 2010 në ishull u bë një zbulim arkeologjik, ndërkohë që nuk mungojnë teoritë që e lidhin ishullin me rrëfimet për Kopshtin e Edenit, apo me parajsën sumere, Dilmun. Në çdo rast nga fotot duket diçka e pazakontë, si një tablo e imagjinuar nga udhëtimet e magjishme të Sindbad Detarit, 

Full video of meteor-like event @BadAstronomer pic.twitter.com/q37UzRZKpa

— Matt Holt (@mholt6) 28 luglio 2016

Muzeu i shërbimit sekret amerikan, CIA, në selinë kryesore të saj, është i mbushur me relike të Luftës së Ftohtë, instrumente të domosdoshme në aktivitete spiuanzhi në kushtet e një bote të ndarë, por edhe me artefakte nga ngjarje të mëvonshme, siç është vrasja e Osama Bin Laden. Një koleksion disi kurioz, por  shumë konvencional në raport me imagjinatën e shfrenuar të filmave të Hollywood për CIA-n. 

Byroja Federale e Hetimit – FBI – “i ka vënë drynin” faqes së njohur dhe të shumëpërdorur në botë “KickassTorrents”, e konsideruar si faqja më e madhe për shpërndarëse materialesh. Ajo ishte nën administrim të 30 vjeçarit ukrainas, Artem Vaulin, një pirat kibernetik dhe renditej e 69 në internet me më shumë se 50 milionë vizitorë çdo muaj. Nga një përllogaritje e bërë studiot e muzikës dhe të filmave humbisnin nga kjo faqe, pra nga oferta fala ilegale e saj, më shumë se 1 miliardë dollarë.

Skelete të veshur me gurë të çmuar dhe ar, varrosur në katakombe kishash në Gjermani, Austri, Zvicër e Çeki. Studiuesi nga Los Angeles, Paul Koudounaris, ndoqi vendndodhjen dhe historinë e tyre dhe mësoi se bëhej fjalë për shenjtorë katolikë të adhuruar në shekujt 16-17 si mbrojtës lokalë të qyteteve ku jetuan. Më tej ata u harruan për të ofruar dëshmitë e një arti “makabër” njësoj si mumjet e faraonëve egjiptianë.

http://news.nationalgeographic.com/news/2013/12/pictures/131221-rare-end...

Halepi, qyteti i njohur sirian, po shndërrihet në një grumbull gërmadhas. Një shkatërrim i paimagjiueshëm dhe absurd. Artisti Khaled Akil, me origjinë nga ky qytet, ka sugjeruar sesi do të luhej Pokemon në rrugët e tij. Karakteret vijnë përshtat me personazhet njerëzorë.

http://www.khaledakil.com/blog/

Arkeologët britanikë kanë rënë në gjurmë të asaj që po e quajnë “botë e humbur”.  Bëhet fjalë për një ngulim 3000 vjet të vjetër të Epokës së Bronzit në një vend që quhet Ferma Must. Një ngulim ku janë gjetur punime qeramike, tesktili, metali që i përkisnin një vendbanimi prej 30 personash që jetonin në shtëpi druri. Nuk janë gjetur skelete njerëzish, por nga analizat e deritanishme është konkluduar për një nivel të lartë punimesh të veshjeve, qeramikës etj.. Vendbanimi, edhe për arsye se u shkatërrua nga zjarri, është quajtur si Pompei Brtianik.