Alternative

Më 1 korrik të vitit 1916 nisi beteja e Sommes, që do të hynte në histori si një ndër më të përgjakshmet. Ajo zgjati 141 ditë dhe u zhvillua mes forcave aleate të Antantës dhe atyre gjermane. Beteja u zhvillua në veriun e Francës, në rrjedhën e sipërme të lumit Somme, që i dha edhe emrin. Vetëm në ditën e parë britanikët humbën  19 240 njerëz dhe mijëra të plagosur. Somme u bë simboli i llojit të luftës që u zhvillua në konfliktin e viteve 1914-1916. Stacionim i stërgjatur trupash, llogore, baltë dhe llucë, sëmundje, sulme dhe kundërsulme për sipërfaqe të vogla territoresh.

Një person nga Florida, Thomas S. Ross nga Florida pretendon se ka shpikur iPhone dhe ka hedhur në gjyq kompaninë “Apple” së cilës i kërkon 10 miliardë dollarë kompensim. Ross prtendon se ka tentuar të patentojë shpikjen e tij në vitin ’90 dhe mandej kompania e Steve Jobs e ka vjedhur projektin e tij. Më tej akoma, Ross, kërkon edhe 1.5 % të shitjeve globale të “Apple”.

Një burrë në Japoni zbuloi se më në fund ka gjetur lumturinë në fytyrën e një kukulle silikoni. Senji Nakajima, pretendon se ka një marrëdhënie të "përsosur" me kukullën "Saori", pavarësisht ai është i martuar me një grua me të cilën ka dy fëmijë. Senji, 61 vjeç, nga Nagano, jeton me kukullën në banesën e tij në Tokio. Fillimisht, Senji e përdoren kukullën vetëm për qëllime seksuale, duke fantazuar se ajo ishte e dashura e tij e parë. Megjithatë, siç thotë me kalimin e kohës Saori e kishte ndihmuar për të mbushur mbrëmjet e vetmuara.

Të gjithë kemi dëgjuar për Lizën në botën e çudirave. Titulli i librit të Leëis Carroll, aq i dashur për fëmijët dhe i realizuar edhe si film vizatimor.

Kjo u ka ndodhur turistëve britanikë në Greqi. Stërlina u zhvlerësua me 10% pas daljes së rezultateve të Brexit dhe pushuesve u është refuzuar konvertimi i monedhës meqenëse askush nuk e di më kursin.

30 vjet më parë, më 22 qershor 1986, do të zhvillohej një nga ndeshjet më të paharrueshme të futbollit: Argjentinë-Angli. Përballja mes dy vendeve që ishin në konflikte politike e ushtarake me njëri-tjetrin, u mbyll me rezultatin 2:1 në favor të argjentinasve që u ndihmuan nga “Dora e Zotit”, por edhe nga i pakonkurueshmi në historinë e këtij sporti, Diego Armando Maradona.

“Kabangu” janë një grup hiphop që zë fill që në vitet ‘80 në Nairobi. Dhe janë shumë popullorë online, në rrjetet sociale. Në fakt fotografitë që seviren janë krijime të fotografit dixhital Osborne Macharia dhe stilistit Kevin Abraham që janë kanë dalë të prodhojnë një grup virtual falë punës së tyre. Dhe po të shohësh, nuk është se nuk të bën përshtypje.

http://edition.cnn.com/2016/06/17/arts/hip-hop-grandpas-kenya/index.html...

Disa nudo, përzgjedhur nga "Russia Beyond the Headlines" paraqesin joshjen e piktorëve nga bukuria fizike e femrës ruse, që është po kaq e vlerësuar edhe sot.

Limani Lundrues është një vepër e artistit bullgaro-amerikan, Kristo, e cila është realizuar në liqenin Iseo afër Breshias në Itali. Ajo do të jetë e hapur nga 18 qershori deri më 3 korrik dhe siç shihet në foto u lejon njerëzve të ecin “mes përmes ujit”. Një pasarelë 5 km e realizuar me polietilene, mbuluar me neilon me ngjyrë të ndryshueshme dhe mbështetur mbi pontile të lundrueshëm. Për atë që kalon mbi të, me siguri që jep një ndjesi shumë të këndshme.

Fotot që paraqiten këtu janë realizuar vitin e kaluar nga Elton Gllava, fotograf me banim në Itali. Bulqiza, një vend i pasur, por i mbetur në kohë, me njerëz që për disa “përfaqëson një geto sociale”. Është një vend prej nga ku pak lajme pozitive dëgjohen. Autori ka dashur të evidentojë siç thotë vetë “arketipin” e mbetur në këtë rajon të Shqipërisë, duke e përcjellë dashamirësinë e vet edhe në fotografi, të cilat nuk e fshehin realitetin, por as nuk përpiqen te jenë aq reale sa ç'është Bulqiza e varfër në perceptimin tonë.