Alternative

Kun Khmer është një luftim tradicional kamboxhian që shihet si një rrugëdalje për t’i ikur edhe varfërisë. Fëmijë të moshës 6-12 vjeç marrin 7 ose 10 dollarë për çdo fitore dhe nëse ecin mirë mundet që një palestër t’i financojë. Fotografitë janë realizuar nga Hannah Reyes Morales që ka qëndruar dy vjet në Kamboxhia, në një mjedis ku hasen fëmijë që ndajnë fëmijërinë me boksin. 

http://www.theatlantic.com/photo/2016/08/Cambodias-Child-Boxers/495083/

Shumëkush ka dëgjuar për dorëshkrimin Voynich, zbuluar nga tregëtari i librave Wilfrid Voynich. Dorëshkrimi paraqet figura, vizatime botanike shoqëruar me një shkrim, grafemat e të cilit nuk identifikohen. Dorëshkrimi është i vlefshëm online dhe kopja fizike e tij ndodhet në universitetin e Yale.

Këto kartolina paraqesin Stambollin në vitin 1890. Realizuar me teknikën fotokromatike ato i afrohen shumë realitetit duke përftuar edhe një mundësi ilustrimi për historinë e qytetit, qendër e Perandorisë Osmane. Përtej përmasave, shohim në Stamboll atë model që gjejmë te qyteti shqiptar i kohës. 

Karriera e shumë prej aktoreve të njohura të Hollywood të viteve ’40 zë fill në Broadëay me Florenz Ziegfeld. Ai e nisi aktivitetin me pjesë teatrale në vitin 1907 dhe vazhdoi deri në vitin 1931. Alfred Cheney Johnston ka realizuar disa foto të aktoreve apo modeleve që morën pjesë asokohe dhe aty na paraqitet modeli i kohës, modeli i femrës sexy, krejt ndryshe nga shpërthimi banal i sotshëm. 

Edhe për bashkëshorten e Joseph Goebels, ministri nazist i Propagandës dhe një fanatik i regjimit, lindin dyshimet se ishte me origjinë hebreje. Magda Goebels, e cila e ndoqi të shoqin në vetëvrasje bashkë me të 6 fëmijët, mendohet se është e bija e Richard Friedlander, një biznesmen hebre, që deklaronte se Magda ishte e bija e tij. Zbulimin e ka bërë historiani Oliver Hilmes që mes arkivave gjeti një regjistër popullise ku përfshihej kjo deklaratë e Friedlander.

Pjesëmarrja e femrës në luftë shënon një moment kulmor me Luftën e Dytë Botërore, kur të gjitha fuqitë kryesore mobilizuan burime të mëdha njerëzore për frontinl, por edhe prapavijën. Bashkimi Sovjetik përdori elementin njerëzor femër në front direkt, duke inkuadruar 2000 femra në detyrën e snajperistit. Kjo kategori hyn te heronjtë e vërtetë të një lufte që nuk kaperceu konvencionet luftërave të deriatëhershme. Lufta në Lindje ishte asgjësuese, ajo nuk mund të njihte armëpushimin dhe kompromisin, ndaj edhe aktet e konsumuara në të, nga të dy anët e frontit janë unike.

Grupi legjendar i muzikës "havy metal" Metallica kthehet pas 8 vitesh me një album të ri. 80 minuta muzikë në albumin me titull "Hardwired", i cili do të dalë në shitje në muajin Nëntor. Kënga e parë "Self-Destruct" ka dalë në qarkullim dhe kritikët flasin për një punë të shkëlqyer në gjurmët e Death Magnetic të vitit 2008.

Ndryshimi është i dukshëm me lojërat e sotme. Lojërat në fjalë u zhvilluan në Athinë të Greqisë.

Usain Bolt fitoi medaljen e parë të artë në Olimpiadën e Rios dhe të tretën radhazi në Lojrat Olimpike. Në finalen e garës së 100 metrave për meshkuj xhamajkani vendosi kohën 9 sekonda e 81 të qintat. Kampioni i botës në fuqi e nisi jo mirë garën, por fitoi epërsi në metrat e fundit, duke prerë i pari finishin.

Pas tij në podium u ngjitën amerikani Xhastin Gatlin dhe kanadezi Andre De Grase. Pas garës Usain Bolt deklaroi se këto janë lojërat e fundit olimpike për të, por më parë duhet të marrë pjesë në garën e 200 metrave dhe stafetën 4x100 metra.