takimi

Pas sulmeve të Parisit, Europa ndodhet në udhëkryqin e vendimmarrjes për reagimin që duhet të ndjekë dhe strategjitë që duhet të adoptojë. Ndërkohë që Franca është angazhuar në një fushatë ushtarake, në Bashkimin Europian, ka mbërritur një propozim që mund të vlejë për harmonizimin e përpjekjeve kundër terrorizmit dhe në rritjen e sigurisë. Komisioneri për Migrimin, Çështjet e Brendshme dhe Qytetarinë, Dimitris Avramopoulos, ka propozuar në takimin e ministrave të Brendshëm të BE-së në Bruksel, krijimin e një shërbimi sekret europian.

Koalicioni është shumë i qëndrueshëm dhe opsioni i zgjedhjeve të parakohshme është një fantazi e medias. Kështu janë shprehur pas takimit të sotshëm, kryeministri Edi Rama dhe aleati i tij, Ilir Meta. Ky i fundit madje ka përjashtuar edhe ndryshimet e mëtejshme në qeveri. “Sa i përket takimit të sotëm, ne çdo të premte mbledhim njësinë e koordinimit të koalicionit. Sot ishte në fokus progres-raporti. Është progres-raporti më i mirë për Shqipërinë, që e vendos Shqipërinë në një nivel të vlerësueshëm lart edhe në raport me vendet që tani janë në periudhë negociatash.

Projekti më i madh rus i silurëve me kokë bërthamore, deri dje i fshehtë, është bërë publik nga dy televizione ruse.  Dokumenti që duhet të ishte sekret u filmua nga kamerat  që ndiqnin takimin mes Presidentit rus, Vladimir Putin dhe gjeneraleve të ushtrisë ruse në Soçi. Publikimi i rastësishëm i dokumenteve u konfirmua edhe nga Kremlini. 

Prezantimi i të ashtuquajturit “Sistemi Oqeanik Shumefunksional, Status-6” tregonte disa skicime të armëve nënujore bërthamore. Siluri me një rreze prej 10 mijë kilometrash mund të veprojë në 1000 metra thellësi.

Është ndoshta ambasadori më aktiv, kur mesa duket ka konstatuar se në Shqipëri të hapet çdo derë, mjafton të jesh i huaj dhe aq më tepër kur vjen nga një vend si Gjermania. Është fjala për ambasadorin gjerman Hoffman që po “jep mend” për çdo sfidë që ka qeveria që nga hapja e dosjeve deri tek ulja e kredive të këqija bankare.

Bujar Nishani, president i Republikës ka zhvilluar sot një takim, “të gjerë dhe konsultues” me përfaqësues të pronarëve. Të cilët siç njoftohet në faqen zyrtare të Presidencës, përfaqësojnë shoqata që shtrihen “nga Konispoli në Shkodër”. Takimi është iniciuar nga presidenti, i cili kujdeset kështu – ndonëse jo me dekorata kësaj radhe – për pronarët që kërkojnë pronën. Por çfarë thuhet në njoftim?

Ambasadori amerikan Donald Lu ka zhvilluar sot një takim me ish-kryeministrin Sali Berisha në zyrën e këtij të fundit. Siç njoftohet temë e bisedës ka qenë reforma në drejtësi, për të cilën palët po përpqien që të realizohet me konsensus. “Reforma në Drejtësi është jetike për vendin dhe duhet të bazohet tek transparenca “,- ka thënë gjatë takimit Berisha, duke përcjellë kështu rezervat e opozitës.

“Problem janë mostakime dhe jo takimet”. Kështu është shprehur pas takimit me Shpëtim Idrizin, kreu i Lëvizjes Socialiste për Integrim, Ilir Meta. Një mesazh i qartë për kryeministrin Edi Rama, me të cilin Meta ka kohë që nuk ka marrëdhënie të qeta. Një ditë më parë, Idrizi ka paralajmëruar zgjedhje të parakohshme, sikurse do theksuar se para marrëveshjes së prillit 2013, Meta u përpoq për krijimin e një poli me PDIU-në.

Edi Rama është takuar me homologun e tij grek, Aleksis Cipras në Nju Jork në kuadër të axhendave të shkurtra dhe të ngjeshura që kryejnë kryetarët e qeverive në kuadër të samitit vjetor të asamblesë së përgjithshme të OKB-së. Cipras pritej të vizitonte Tiranën, çka u anullua për shkak të zgjedhjeve të parakohshme në Greqi. Mediat greke kanë zbardhur bisedën. Sipas “To vima” kryeministri i Greqisë ka theksuar rëndësinë e zgjidhjes së çështjeve ende të pazgjidhura mes Shqipërisë dhe Greqisë mbi bazën e të drejtës ndërkombëtare dhe në frymën e respektit të ndërsjelltë.

Takimi i ardhshëm midis presidentit të Rusisë Vladimir Putin dhe homologu të tij amerikan Barak Obama pritet të jetë një pikë kthese në rivendosjen e ndryshimeve normale, të qëllimshme mes dy vendeve. Presidenti rus Vladimir Putin dhe udhëheqësi i SHBA Barack Obama do të mbajnë një takim në 28 shtator në Asamblenë së Përgjithshme të OKB-së në Nju Jork. Ky do të jetë takimi i shtatë midis Putin dhe Obamës në gjashtë vitet e fundit dhe i pari që mbahet në SHBA.