takimi

Kryeministri serb, Aleksandër Vuçiç, deklaron pas takimit me drejtuesen e BE-së për Politikën e Jashtme, Federica Mogherini, se është i gatshëm për çdo kompromis. Agjencia “B92”, raporton se takimi u mbajt me urgjencë në Davos të mërkurën dhe se aty Vuçiç është shprehur se ishte në favor “të paqes dhe stabilitetit me çdo çmim”, por se ai “nuk e pëlqen hipokrizinë”. Po kështu ai ka përcjellë besimin se me shqiptarët e Kosovës do të gjendet një zgjidhje paqësore dhe racionale duke shtuar se “ne kemi kontakte të veçanta me shqiptarët në Kosovë”.

Ambasada ruse njoftoi se ambasadori i saj në Tiranë, Aleksandër Karpushin mbajti të hënën një takim me zv/ministren e Zhvillimit Ekonomik, Turizmit, Tregtisë dhe Sipërmarrjes së Shqipërisë, dhe njëherazi Bashkëkryetaren e Komisionit Ndërqeveritar Rusi-Shqipëri për Tregtinë, Bashkëpunimin Ekonomik dhe Tekniko-Shkencor, Adela Karapici.

Presidenti i Republikës Bujar Nishani ka paralajmëruar gjatë një pritjeje me median se zgjedhjet e ardhshme parlamentare janë të ekspozuara ndaj penetrimit të strukturave kriminale.

Kryeministri i Shqipërisë ndodhet sot në një vizitë zyrtare në Gjermani ku është takuar me kancelaren gjermane Angela Merkel. Takimi i ka rëndësi pasi vlerësohet se parathotë atë vendim që do të merret në dhjetor në takimin e liderëve të Këshillit të Europsës. Më poshtë një pjesë nga konferenca për shtyp mes Ramës dhe Merkel:

Vizita në Gjermani shënoi turin e fundit të Barak Obamës si president i Shteteve të Bashkuara të Amerikës. Takimi me kancelaren Merkel kurorëzoi një bashkëpunim 8-vjeçar mes të dyve në raport me sfidat ndërkombëtare dhe me ikjen e Obamës hap një periudhë pasigurie mbi të ardhmen e marrëdhënieve gjermano-amerikane pas zgjedhjes së Donald Trump.

Një ditë pas zgjedhjes si President i Shteteve të Bashkuara të Amerikës, Donald Trump u prit në Shtëpinë e Bardhë nga presidenti në detyrë, Barack Obama.Të dy politikanët biseduan në Zyrën Ovale për më shumë se një orë, edhe pse takimi ishte planifikuar për dhjetë minuta, ndërsa "zonjat e para” patën diskutuan rezidencën presidenciale të Shtëpisë së Bardhë.

Sali Berisha njofton sot në profilin e vet në Facebook për një takim me ambasadorin e ri të Britanisë së Madhe në Shqipëri, Dankan Norman. Po të  ecim ca ditë më pas do të shohim po në profilin e Facebook një takim të Berishës me ambasadoren greke Sourani. Më tej do të gjejmë një takim me ambasadorë që ikin e përfundojnë mandatin, për të vijuar edhe me takimet me zyrtarë të tjerë organizatash ndërkombëtare.

Pse e takojnë Berishën këta diplomatë? Çfarë përfaqëson ai në sytë e tyre dhe në axehndën e detyrave që kanë sa kohë  në Shqipëri ka një kryetar të PD-së?

Kryeministri ka qenë në Shishtavec. Aty banorët i janë ankuar edhe për mediat!!! Dhe në bisedë e sipër kryeministri – për ata që nuk e dinë quhet Edi – e ka pyetur edhe për emrin e gazetarit. Edison Ypi ka dalë në “mbledhjen e frontit” dhe është gjykuar aty. Mundet të jetë një rastësi, mundet që banorëve të Shishtavecit u kanë mbaruar hallet dhe tani merren me reportazhe gazetash. Dhe i janë drejtuar priftit dhe hoxhës së Shqipërisë, kryeministrit, për pak drejtësi. Të vërë dorën në zemër.

Haxhi Dede Edmond Brahimaj, njohur edhe si Kryegjyshi i Kryegjyshatës Botërore të Bektashinjve, është pritur në një takim të posaçëm nga Patriarku i Patriarkanës Ekumenike të Stambollit, Bartolomeo i Parë.

“Patriarku Bartolomeo i Parë vlerësoi punën dhe rolin e komunitetit bektashian, si dhe të gjitha besimeve në Shqipëri që kanë mundur të krijojnë ura bashkëpunimi dhe miqësie të ndërsjelltë mes besimeve. Ndërsa Kryegjyshi botëror, Edmond Brahimaj uroi Patriarkun për 25 vjetorin e fronëzimit të tij, si dhe e ftoi për një vizitë në Shqipëri”, raporton Tv Klan.

Zyra e Shtypit e Presidencës njofton për një takim të zhvilluar sot mes kreut të shtetit, Bujar Nishani dhe një përfaqësie të shoqërisë civile që është angazhuar për anullimin e ligjit për importin e mbetjeve. Njoftimi përcjell shqetësimin e ngritur nga shoqëria civile, duke theksuar se ligji “ka një rëndësi dhe ndjeshmëri të veçantë”.

Presidenti ka siguruar se ndjeshmëria qytetare do të jetë faktor në shqyrtimin e ligjit, i cili ka shumë gjasa të mos dekretohet dhe të kthehet për rishqyrtim.