pd

Prisni në radhë!

Postuar në 26 Qershor, 2019 13:48

Në 30 qershor nuk ka zgjedhje. Madje nuk ka zgjedhje me Edi Ramën kryeministër kurdoherë që të mbahen ato.

Në 30 qershor nuk ka zgjedhje të ligjshme. Këtë e thotë presidenti. Sipas tij Republika do rilindë nga Presidenca.

Një amerikan ka takuar Bashën. E ka bërë për një lek. E ka kërcënuar se po bëri dhunë do futet në listë të zezë apo të kuqe, varet nga ngjyra e lapsit që do jetë në sirtar.

Zgjedhjet nuk i luan as topi. Madje zgjedhjet e 30 qershorit tani nuk merret më vesh edhe se kush i vulos: KQZ-ja, PS-ja, BE-ja, OSBE-ja, apo SHBA-ja.

Sovrani nuk ka çfarë të thotë

Postuar në 07 Qershor, 2019 23:15

Kryeministri Rama ka nisur fushatën elektorale. Të paktën kështu njoftohet zyrtarisht. Njëherë në Lezhë, pastaj në Kurbin, një ditë tjetër në Cërrik, z. Rama shfaqet i rrethuar nga njerëz që mbajnë në duar flamuj të cilëve u shpjegon situatën dhe u premton ndryshimin. 

Është një teatër absurd ku luajnë dy palë të ngujuara në botët e tyre. Z. Rama ngjan si dikush që ka bindur veten se është në të drejtën e Zotit dhe njerëzisë që të vazhdojë detyrën dhe se nuk ka asgjë që e kërcënon mandatin e tij. Legjitimitetin e tij. 

Zgjedhjet nuk legjitimohen me letra dhe nga një njeri i vetëm

Postuar në 01 Qershor, 2019 10:35

Edi Rama u është drejtuar sot demokratëve me një letër publike në të cilën zhdërvjelltëson me sintaksën e vet të zakonshme lojën e zgjedhjeve të vitit 2017. Çështja është te legjitimiteti i procesit zgjedhor pa opozitën që përbën në fakt pikën kritike në situatën e tanishme politike në vend.

Ndër të tjera z. Rama shkruan: 

PD e padit për falsifikim, Gjonçaj mbron partine e Patozit

Postuar në 18 Maj, 2019 16:19

PD  paraqiti dokumenta që sipas saj provojnë se Bindja Demokratike e Aastrit Patozit është regjistruar në zgjedhje në kundërshtim me ligjin.  Sipas sekretarit për çështjet zgjedhore, Ivi Kaso kuvendi  ka lëshuar vërtetim fallco për deputetin Andi Përmeti, i cili nuk ka 6 muaj që ka marrë mandatin siç thuhet në shkresën e Kuvendit por 1 muaj.  

Edhe bojkot edhe fut komisionerët në zgjedhje

Postuar në 16 Maj, 2019 19:44

Përmes Sekretarit të Përgjithshëm Gazment Bardhi, PD bëri të ditur se ka dërguar në KQZ emrat e anëtarëve që i takojnë PD në Komisionet Zonale Zgjedhore.

Argumenti është ky:

Koha për ndryshim real, jo për të folur

Postuar në 16 Maj, 2019 02:46

Gjatë periudhës së fundit të qeverisjes së Fatos Nanos doli në skenë “problemi i partive të vogla”. Ky “problem” në fakt ishte krijuar nga vetë Fatos Nano, i cili ndonëse fitoi zgjedhjet në vitin 1997, për demagogji vendosi se duhet tq qeveriste me një koalicion. Kështu që koalicioni i së majtës shpejt u shndërrua në një lloj kënete poshtë së cilës gëlonte rivaliteti administrativ dhe elektoral, ku partitë e vogla fitonin terren apo projektonin fuqizimin e tyre përmes përfitimit të mundësive për punësim në administratë.

Hipokrizia e përgjithshme ndaj një dhune të rreme

Postuar në 11 Maj, 2019 21:58

 

Në vend se të diskutohet perspektiva e opozitës në këtë përballje ku është futur dhe me këtë rast e vendit mbarë, një pjesë e madhe e diskutimit medatik përqendrohet te aktet e dhunës që shoqërojnë protestën e saj.  Meraku i madh se po hidhen ca shishe molotov, se po nxihet me pak tym dera e kryeministrisë, apo se u dëgjuan ca kapsolla, vijnë si një vajtim fisnikësh dhe të përkorësh në një shoqëri që ditë përditë ka si lajm kryesor vrasjen, drogën, dhunën, akuzën, përbaltjen, vjedhjen, në televizor, jashtë tij, në kryeqytet dhe në periferi, në emigracion, në Europë e në botë.

PD-ja lan duart me një deklaratë për Tufën

Postuar në 30 Prill, 2019 12:22

Nëse do të kuptosh seriozitetin e një partie në një vend si Shqipëria, i ndarë në çdo gjë, shiko sjelljen e saj me historinë. Së fundmi në media është improvizuar një debat për sjelljen e drejtuesit të një institute kërkimor që paguhet me parët e buxhetit të shtetit: Agron Tufës i cili ka publikuar një listë me përfaqësues të Partisë Komuniste, apo pjesëtarë të forcave partizane që i etiketon si kriminelë. Zakoni i vjetër i Partisë Demokratike rikonfirmohet në këtë rast sërish, kur teksa ngre zërin dhe bërtet sa mundet se do bëjë dekomunistizimin, vazhdon e merret me goditjen e Luftës Nacio

Legjitimitet i pamundur

Postuar në 25 Prill, 2019 15:55

 

Opozita e drejtuar nga Lulëzim Basha ka ndërmend të bllokojë sot rrugët nacionale. Është një formë e mosbindjes civile që është paralajmëruar nga Partia Demokratike.

Është një akt i radhës, dramatik në përmbajtje, por që ka edhe komedinë e vet. Do flasin Basha, Monika Kryemadhi e të tjera, fytyra të njohura  të politikës dhe sistemit të korruptuar që sot duket se pranohet si komod vetëm nga një njeri: Edi Rama. Por zoti Rama është student ekselent i politikës autike të tipit: Shqipëria ka rilindur sepse ashtu e shoh unë. Puna juaj se nuk kuptoni gjë.

Kujt po i bllokon rrugët PD?

Postuar në 25 Prill, 2019 12:42

Këtë të enjte Partia Demokratike do bllokojë rrugët në shenjë proteste kundër qeverisë që e cilëson ilegjitime. Sipas asaj që kanë zbardhur gazetat, protestën kryesore, opozita pritet ta zhvillojë në në Milot, ku në krye të tubimit do të jenë, Lulzim Basha, Flamur Noka, Lorenc Luka, Bardh Spahia Izmira Ulqinaku, Romeo Gurakuqi, Xhemal Gjunkshi, Lindita Metaliaj dhe Andon Frrokaj.

Pages

Subscribe to RSS - pd