miratimi

Britania e Madhe është bërë vendi i parë në botë që miraton një pilulë antivirale kundër CoVid-19.  Pilula është zhvilluar nga Merck dhe Ridgeback Biotherapeutics dhe ajo tregtohet nën emrin molnupiravir për përdorim te njerëzit me sëmundje me simptoma të moderurara apo të lehta si dhe tek ata që konsiderohen se kanë një faktor të shtuar risku për rëndimin e gjendjes si obezët, diabetikët e moshës së madhe dhe ata me sëmundje kardiovaskulare.

Organizata Botërore e Shëndetit (OBSH) ka pezulluar procesin e miratimit për vaksinën ruse Sputnik V, deri në përfundim të një inspektimi të ri në të paktën një prej fabrikave ku prodhohet.

Në një konferencë shtypi të Organizatës Pan Amerikane të Shëndetit, një degë rajonale e OBSH-së, nëndrejtori Jarbas Barbosa tha se oferta e Rusisë për autorizimin e urgjencës ishte pezulluar pasi janë zbuluar disa shkelje në prodhimin e vaksinës. Kjo është evidentuar gjatë një inspektimi të OBSH-së në Rusi në maj.

Parlamenti italian ka miratuar së fundmi ligjin për delimitimin e zonave detare me Greqinë. Ligji mori 273 vota dhe asnjë kundër. Kështu ai i hap rrugë zbatimit të marrëveshjes së nënshkruar me Greqinë më 9 qershor 2020 që rishikon një marrëveshje të vitit 1977 duke përfshirë edhe metodën e WBS 84 – sistemi botëror gjeodezik.

Sot kryeministri i Shqipërisë Edi Rama ka bërë të ditur se Shqipëria është në negociata për vaksinat e zhvilluara nga Pfizer, AstraZeneca dhe Moderna. Sigurisht problemi është tek afatet sepse një ditë vaksina do të vijë edhe në Shqipëri. Aktualisht në BE po përdoret vaksina e Pfizer e cila pretendohet se ka efikasitet gati 100%, por kërkon ruajtjë në temperature -70 gradë Celcius.

Kompania franceze, Carmat SA, ka marrë miratimin për zemrën e parë artificiale.

Sipas agjencisë Bloomberg, projekti nisi në vitin 1993 dhe kërkimi dhe zhvillimi është kryer nga kompania e raketave Matra, e cila më pas u bë pjesë e kompanisë së prodhimit të aeroplanëve Airbus, aktualisht aksioneri më i madh i Carmat. Carmat ka aplikuar për marrjen e markës CE, ekuivalente e Bashkimit Europian me miratimin që jep FDA-ja amerikane, dhjetë vjet më parë, dhe marka u dha këtë javë.

Enti rregullator europian për Shëndetësinë ka rekomanduar sot aprovimin e vaksinës anti-CoVid-19 të zhvilluar nga BioNTech/Pfizer duke hapur rrugën për nisjen e vaksinimit më 27 dhjetor. Vaksina do të përdoret në moshat mbi 16 vjeç dhe sipas Agjencisë në fjalë, Komisioni Europian mund të ofrojë një autorizim të kushtëzuar marketing, që i hap dritën jeshile vendeve anëtare të BE-së për të nisur administrimin e vaksinës. Kreu i Agjencisë, Emer Cooke, e cilësoi momentin si një “arritje shkencore historike” ndonëse ka shtuar nuk është një pikë kthese për pandeminë.

Nuk janë vetëm shqiptarët që e respektojnë “shtetrrethimin” e pandemisë. Edhe europianët duket se mbështesin kufizimet e vendosura pavarësisht se ato konsistojnë në heqje dorë nga disa liri. Sondazhe të ndryshme të kryera në disa vende tregojnë se qytetarët janë mirëkuptues për masat, madje mirëpresin edhe masa më shtrënguese.

Parlamenti Evropian votoi pro heqjes së vizave për kosovarët. Raportuesja për Kosovën në Parlamentin Evropian, Tanja Fajon tha se ky nuk është hapi i fundit për vizat. 420 deputetë kanë votuar për liberalizimin e vizave ndërsa 186 ishin kundër dhe 20 kanë abstenuar.

Pas këtij votimi, do të konfirmohet mandati për fillimin e bisedimeve me vendet anëtare të BE-së, në mënyrë që Kosovës përfundimisht t’i liberalizohen vizat. Po ashtu është e domosdoshme që heqjen e vizave të Kosovës ta miratojë edhe Këshilli i Ministrave të brendshëm të vendeve anëtare.

69 deputetë të parlamentit të Maqedonisë votuan pro ligjit  për përdorimin e gjuhëve, i cili i jep gjuhës shqipe një shtrirje të gjerë edhe në institucionet e larta shtetërore ku nuk përdorej deri më tani. Shumica e nevojshme u arrit nga mbështetja e  deputetëve të partive shqiptare jashta koalicionit qeveritar, ndërsa opozita maqedonase e drejtuar nga VMRO-DPMNE nuk mori pjesë në seancë.

Raportimi i mëposhtëm është nga Top-Channel, bazuar mbi punimet e Komisionit Parlamentar me Jashtë: