irani

 Një ditë pasi kandidatja demokrate për president të SHBA, Hillary Clinton deklaroi në San Diego, se SHBA mund të çarmatosë Iranin me ndërhyrje ushtarake, ka ardhur një përgjigje nga Teherani zyrtar. Zv. shefi i ushtrisë iraniane, gjenerali Massoud Jazayeri deklaroi se “Irani është i përgatitur për një konfrontim të vendosur dhe të gjatë me çdo skenar amerikan”.

Gjenerali iranian Hosein Ashtari mësohet se u ka bëri thirrje autoriteteve shqiptare ditën e hënë, që të ekstradojnë muxhahedinen që ai pretendon se është arrestuar në Shqipëri. “Shqipëria nuk po tregon aspak bashkëpunim me Iranin dhe policinë e vendit tonë për muxhahedinen terroriste, që është përgjegjëse për sulmet me bombë në selinë e Partisë Republikane Islamiste në vitin 1981”, tha ai në një konferencë për mediat. “Ajo është në listën e njerëzve më të kërkuar të Iranit dhe është arrestuar në Shqipëri. Ne duam që ajo të ekstradohet”, tha ai.

Presidenti iranian, Hassan Rouhani, ka deklaruar se Teherani do të padisë Shtetet e Bashkuara të Amerikës në Gjykatën e Hagës për kthimin e disa aseteve të ngurtësuara nga SHBA që nga koha e Revolucionit Islamik. Duke folur para një turme njerëzish në qytetin Kerman, Rouhani, bëri të ditur se Irani nuk do të heqë dorë nga pasuria e tij, duke e cilësuar aktin e fundit të SHBA si grabitje në mes të ditës. Fjala është për një vendim të Gjykatës së Lartë amerikane, e cila vendosi që 2 miliardë dollarë, asete iraniane, t’i kalojnë familjeve të viktimave të bombardimeve të vitit 1983 në Bejrut.

Marrëdhëniet mes Iranit dhe Shteteve të Bashkuara të Amerikës janë riacaruar sërish duke hapur rrugën për incidente të rënda. Kështu, disa ditë pasi Teherani zyrtar bëri një demarsh pranë sekretarit të Përgjithshëm të OKB-së, Ban Ki Moon, të cilit i kërkonte që të ndërhynte për të ndalur sjelljen e SHBA-së në shkeljen e rregullave për imunitetin diplomatik dhe bllokimin e aseteve iraniane.  Neutraliteti, apo impotenca eMoon, ka çuar në sugjerimin e skenarëve të tjerë.

Siria vijon të mbetet një nga pikat kryesore të tensionit në botë, ku edhe mosmarrëveshja mes dy fuqive kryesore, SHBA-së dhe Rusisë është më serioze. Një ditë më parë, media iraniane “PressTv” raportonte se në konferencën për Sigurinë Ndërkombëtare, zhvilluar në Moskë, ministri iranian i Mbrojtjes, gjeneral Hossein Dehqan, deklaroi se politika me dy standarde që ndjek SHBA, rrezikon një luftë të re botërore. “Për ruajtjen e interesave të veta, Washingtoni po vë në punë standarde të dyfishta apo të shumëfishta për çështjet kryesore që janë burim i prishjes së stabilitetit dhe sigurisë.

Irani deklaron se ka krijuar kapacitetet shkencore dhe teknologjike për prodhimin e raketave ndërkontinentale. Kjo është bërë e ditur nga drejtori i Përgjithshëm për Çështjet Politike në Ministrinë e Jashtme, Hamid Baeidinejad në faqen online “Basirat” e afiluar me Trupat e Gardës Islamike Revolucionare. “Fuqia jonë shkencore na ka krijuar mundësi për të prodhuar deri edhe raketa ndërkontinentale”, ka deklaruar ai. Baeidinejad ka shtuar se doktrina ushtarake iraniane është me natyrë mbrojtëse dhe ka për qëllim neutralizimin e kërcënimeve që vijnë nga jashtë.  

Drejtori i CIA-s, John Brenan, vizitoi këtë të premte Sarajevën, në një vizitë të panjoftuar më parë dhe në rrugën e kthimit nga Arabia Saudite. Nuk ka shpjegime zyrtare për arsyet e vizitës, por agjencia serbe e lajmeve, “B92” ka marrë mendimin e një eksperti të terrorizimit, Dzevad Galijasevic, sipas të cilit dy janë arsyet e ardhjes së Brenan në vendin ballkanik: “Arabia Saudite i ka dhënë Brenan të dhëna sekrete që flasin për rritjen e aktivitetit shumë negativ të Turqisë në Bosnje-Hercegovinë, parë nga këndvështrimi i sigurisë.

Irani i ka ofruar presidentit sirian, Bashar al Assad dhe familjes së tij, azil, por ai është refuzuar. Lajmi bëhet i ditur nga ministri iranian për Inteligjencën, Mahmoud Alavi, gjatë një interviste për televizionin libanez “al-Mayadeen”. “Presidenti sirian u informua për ofertën nga gjenerali Qasem Soleimani, komandanti i Forcave Quds të Gardës Islamike Revolucionare, por Assad e refuzoi ofertën, duke deklaruar se familja e tij është si ajo e pjesës tjetër të sirianëve dhe se ata do të qëndrojnë në Damask”, tha Alavi.

Për të katërtën herë dhe të fundit mbërriti në Riad të Arabisë Saudite, presidenti amerikan Barak Obama. Vizita vjen në një klimë mosbesimi mes dy vendeve aleate për shkak të qasjes së Shteteve të Bashkuara ndaj Iranit. Ndryshe nga vizitat e tjera presidenti Obama nuk u prit në aeroport nga mbreti i Arabisë, Selman dhe për të parën herë televizioni kombëtar nuk transmetoi live mbërritjen e kreut të Shtëpisë së Bardhë në aeroportin e Riadit.

Në Siri tanimë po diskutohet Al Nusra si fronti kryesor i kundërshtimit të pushtetit të Bashar al Assad. Së fundmi, ka raportime zyrtare se fronti në fjalë po synon të bllokojë qytetin e Halepit dhe mandej të ndërpresë rrugën mes tij dhe Damaskut, duke kthyer në zonë lufte të gjithë veriun e Sirisë. Në përpjekje për ta ndalur këtë gjë, forcat e Assad, që parashikohet të jenë tri herë më të mëdha në numër sesa ato të Al Nusra dhe do të asistohen në terren nga trupa ruse, trupa të Gardës Revolucionare Iraniane dhe milicisë shiite të Hezbollahut, kanë nisur ofensivën më 12 prill.