edi rama

Dekorimi(qoftë edhe në vitin 2014) i disa personave me statusin e veteranit, por që gjatë regjimit komunist, kanë mbajtur detyra të larta në aparatin represiv, sigurim dhe gjykata, e ka vënë qeverinë aktuale në një situatë të çuditshme. Disa media vunë në dukje se mes të dekoruarve ishte edhe hetuesi i At Zef Pllumit, që nga përfaqësues të komunitetit katolik mbahet si figurë e lartë dhe që krijon ndjeshmëri të caktuara. Kanë nisur madje thirrjet që Edi Rama ta tërheqë medaljen. Kjo ka pak rëndësi, pasi askush nuk është në gjendje të kuptojë seriozitetin e dikujt që shkruan ditirambe.

Në gjyqin e 9 të pandehurve për terrorizëm u artikuluan akuza të ashpra ndaj shtetit dhe Komunitetit Mysliman që sipas tyre po bashkëpunojnë për të përçarë muyslimanët.I pandehuri Fadil Myslimani deklaroi se Shqipëria nuk është e pavarur dhe se vetëm ISIS mund ta çlirojë Shqipërinë. “ I them piktorit që të mos ngatërrohet me ISIS sepse ju e vodhët popullin, ndërsa drejtuesit e ISIS nuk ia marrin paratë popullit”-mësohet të ketë deklaruar Myslimani në sallën e gjyqit.

Athina është veçantërisht e shqetësuar për kursin politik që po ndjek qeveria shqiptare në raport me çështjet që mbeten pezull mes dy vendeve. Gazeta Kathimerini shkruan se ajo që pengon arritjen e një marrëveshje për kufirin detar nuk janë detajet teknike por mungesa e vullnetit politik nga Tirana zyrtare.

Historiani Aurel Plasari parashikon se qeverisja aktuale do të jetë më pasoja për të ardhmen e vendit. Duke folur në emisionin “Debati” në Channel One ai është shprehur se Edi Rama po qeveris keq dhe kjo është arsyeja pse njerëzit duan të largohen.

Një herë në kaq kohë Dritëro Agolli nuk harron të japë intervista që nga Partia Socialiste shihen si të vërtetat e një plaku të moçëm që rri ende në shpellën nga ku merr frymëzim ideali i majtë. Edhe vërejtet që ai ka për qeverinë dhe kryetarin e partisë nuk mund të shihen veçse si kritika të shëndosha. Në një intervistë për gazetën "Panorama" duke komentuar aksionin e qeverisë në luftën kundër informalitetit, ai thotë se beson tek kryeministri Rama, por sipas tij kjo punë është marrë me "yrysh" të madh.

Partia Demokratike ka denoncuar sot tenderin e sterilizimit që sipas saj i jep 100 milionë euro një miku të kryeministrit Edi Rama. Deputetja Albana Vokshi, deklaroi se akti në fjalë vjen ndërkohë që sistemi shëndetësor shqiptar e ka sistemin në fjalë. “100 milionë euro për sterilizimin, ndërkohë që ky sistem ishte i ngritur nëçdo spital. Një investim prej 1.3 milionë euro i bërë nga qeveria e mëparshme, mjaft modern dhe efikas. Por Rama dhe Beqa, kanë tjetër prioritet. Nuk u intereson sterilizimi, por milionat.

Ish - zv.ministri i Mbrojtjes, Dritan Hila, shkruan sot në profilin e vet në Facebook për një akt “dhurimi” që ministrja e Turizmit, Eglantina Gjermeni, ka bërë për planin e rrgullimit të Bregdetit, siç e quan Hila. Hila thotë se akti në vetvete, në kushtet kur sipas tij, studio e paracaktuiar “Atelier4”, me pronar Alban Eftimiu, vetëm për vitin 2015 ka marrë nga shteti shqiptar projekte me vlerë 8 milionë dollarë, mban era korrupsion. “Ministrja Eglantina Gjermeni ka firmosur qe planin per rregullimin e bregdetit te Shqiperise se Jugut, e ben nje studio qe quhet "Atelier 4".

Kryeministri ka sqaruar se çfarë ka parasysh me propozimin për rikthimin e shpifjes dhe fyerjes si vepër penale që dënohet me burg. Në një postim në profilin e tij në rrjetin social Facebook, Rama shkruan se shpifja do të jetë vepër penale për politikanët që paguhen me taksat e popullit dhe jo për gazetarët.
"Asnje lidhje me shtypin kriminalizimi i shpifjes! Jo, shpifja duhet te jete veper penale per çdo politikan qe paguhet me taksat e popullit!”- shkruan Rama.

Mësuam se i pari i vendit ka kërkuar dënimin me burg të shpifësve dhe ofenduesve të ofiqarëve të lartë shtetërorë. Argumenti është ky; “pështjellimi që denoncime të tilla shpifëse shkaktojnë në opinionin shoqëror është i tillë që cënon maksimalisht dhe mbi të gjitha ndjenjën e sigurisë dhe të besimit që shteti nëpërmjet përfaqësuesve të tij më të lartë shtetërorë përçon dhe ka për detyrë të përçojë te qytetarët”.

Në një prononcim për mediat nga Vlora deputeti Koço Kokëdhima ka komentuar dorëheqjen e Nasip Naços dhe përfshirjen ne qeveri të Ylli Manjanit, kritik patetik i Edi Ramës, duke u kthyer kështu përgjigje edhe analistëve që e panë ndryshimin në qeveri si poshtërim të Edi Ramës nga Ilir Meta.
Kokëdhima tha se “Aspak Edi Rama nuk është poshtëruar nga Ilir Meta me zëvendësimin e Naços nga Manjani, por të dy janë të ndërgjegjshëm dhe të përgjegjshëm për qeverisjen politike. Dorëheqjet janë normale në politikë”-deklaroi depueteti socialist i Vlorës