Koço Kokëdhima u kthen përgjigje analistëve dhe sqaron pse Edi Rama nuk është poshtëruar nga Ilir Meta

Në një prononcim për mediat nga Vlora deputeti Koço Kokëdhima ka komentuar dorëheqjen e Nasip Naços dhe përfshirjen ne qeveri të Ylli Manjanit, kritik patetik i Edi Ramës, duke u kthyer kështu përgjigje edhe analistëve që e panë ndryshimin në qeveri si poshtërim të Edi Ramës nga Ilir Meta.
Kokëdhima tha se “Aspak Edi Rama nuk është poshtëruar nga Ilir Meta me zëvendësimin e Naços nga Manjani, por të dy janë të ndërgjegjshëm dhe të përgjegjshëm për qeverisjen politike. Dorëheqjet janë normale në politikë”-deklaroi depueteti socialist i Vlorës
“Nuk ka asnjë përçarje mes Edi Ramës dhe Ilir Metës përsa u përket ndryshimeve në qeveri. Ndryshimet në qeveri janë të natyrshme. Gjithmonë do të ketë ndryshime në çdo qeveri. Ndryshimet ndodhin në qeveri sikurse ndodhin në çdo drejtim të jetës”, është shprehur Kokëdhima.