banka e shqiperise

Depozitat shënuan rritjen më të ulët historike në gjithë ekonominë e tranzicionit që pas vitit 1992, kur raportohen të dhënat nga Banka e Shqipërisë. Monitor raporton se sipas statistikave, stoku i depozitave në fund të dhjetorit arriti në 987.3 miliardë lekë, me një rritje me bazë vjetore prej vetëm 1%. Efektin kryesor në këtë ecuri negative e ka dhënë rënia e ndjeshme e kursimeve me afat në lekë të individëve në banka, që u tkurrën me rreth 30 miliardë lekë (217milionë euro), apo me 8.6%. Që prej shtatorit të vitit 2013 këto depozita po shënojnë vetëm trend rënës.

Situata ekonomike është e rënduar dhe ajo që e lehtëson situatën është investimi apo edhe konsumi. Penegesë në këtë drejtim është mungesae kreditimit si pasojë klimës jo të mirë në treg, por edhe mosbesimit të ardhur si pasojë e trasformimit të kredive në kredi të këqija si pasojë mospagimit të kësteve nga biznesi. Në këtë kuadër Banka e Shqipërisë ka marrë një rol bashkë me qevernë, për të zgjidhur ngërçin që po mban pezull situatën.

Guvernatori i Bankës së Shqipërisë, Gent Sejko, ka dhënë sot një intervistë për Top-Channel ku ka folur për rolin e bankës në këtë situatë të vështirë. Sejko ka theksuar se pritmëritë për vitin 2016 janë të larta, si në rritjen ekonomike, ashtu edhe në ruajtjen e nivelit të investimeve. Po kështu, Guvernatori ka sqaruar disi edhe planin e Bankës së Shqipërisë për ndërhyrjen në treg me anë të mekanizmit të lehtësimit sasior. “Lehtësimi sasior për herë të parë është aplikuar nga Banka Qendrore Amerikane.

Në 2016-ën, Banka e Shqipërisë do të injektojë në treg para si formë për të financuar sipërmarrjet private dhe për të ulur interesat e larta të kredive në euro. Ky model u zbatua një vit më parë nga Banka Qendrore Europiane, e cila dha 1.1 trilionë euro.

Sipas Vizion Plus akoma nuk është vendosur se sa para do të hidhen në treg për t’i blerë bonot e bankave, megjithatë të njëjtat burime thonë se përveç këtij mekanizmi do të shihen dhe mënyra të tjera se si bizneset do të jenë të interesuara të marrin paratë.

Bonot e thesarit arritën në nivelin më të ulët të interesit të të gjitha kohërave. 2.5% për afatin një vjeçar, e cila vjen në përputhje me normën vjetore të inflacionit, raporton “Top-Channel”. Rënia në këtë drejtim e fut edhe huamarrjen e brendshme të qeverisë në një situatë të ndërlikuar, pasi ajo minimizon interesin e qytetarëve për të blerë bono thesari. “Interesi prej 2.54 për qind, që një indvid merr duke blerë një bono thesari njëvjeçare, është gati i barabartë me normën e inflacionit vjetor.

Shqipëria është shndërruar vitin e fundit në një nga ekonomitë me ecurinë më të dobët të kredisë në rajon. Konkluzioni del nga një raporti i posçaëm i Bankës së Shqipërisë, i cili analizon me hollësi tendencat e kreditimit në vendet e Europës qëndrore dhe asaj juglindore.

Sipas raportit, thuajse i gjithë rajoni po përballet me rritje anemike të kredisë. Por disa vende, në të cilat përfshihet edhe Shqipëria janë duke përjetuar rënie të këtij treguesi. Situata e Shqipërisë rezulton problematike veçanërisht tek kredia e biznesit.

125 miliardë lekë ose 1 miliardë dollarë është  totali i kredive me probleme që nuk jane kthyer ne banka si  nga indiviëet ashtu edhe bizneset.  Sipas të dhënave të Bankës së Shqiperise, nga  125 miliardë që ishte  totali  i kredive me probleme  në muajin qershor , 70 miliardë lekë  është kredi e pakthyer  nga  35 korporata të medha në vend, ndërsa pjesa tjetër prej  55 milardë është kredi e pakthyer nga  biznese të tjera  dhe individë.

Banka e Shqipërisë ka vendour që të ndryshojë liçencën e Alpha Bank që operon në Shqipëri, duke i njohur kësaj të fundit të drejtën për të vepruar edhe në tregun e sigurimeve. “Me propozim të Departamentit të Mbikëqyrjes, Këshilli Mbikëqyrës i Bankës së Shqipërisë vendosi të japë miratimin paraprak për kryerjen nga Banka Alpha Albania sh.a. të veprimtarisë financiare shtesë të ndërmjetësimit në sigurime, duke vepruar si broker në sigurime.

Prokuroria e Tiranës ka përfunduar hetimin dhe ka dërguar për gjykim kërkesën ndaj shtetasit Ardian Fullani, ish-guvernator i Bankës së Shqipërisë, i akuzuar për veprën penale të “Shpërdorimit të detyrës”.

“Monitor” shkruan se qershori ka pasur treguesit më të përkeqësuar monetarë që nga fillimi i këtij viti. Sipas statistikave të Bankës së Shqipërisë, paraja gjithsej në qarkullim (masa monetare) shënoi një rënie prej 942 milionë lekësh, duke shënuar të tretën herë me tkurrje brenda 6 muajve të parë të këtij viti. Duke iu referuar ekspertëve “Monitor” shkruan se kjo rënie është shqetësuese, pasi tregon për një ngadalësim të aktivitetit ekonomik në vend. “Masa monetare në përgjithësi reflekton ose nivelin e çmimeve, ose sasinë fizike të mallrave të prodhuara.