akuza

Thirrjes së Sali Berishës të së enjtes në Kuvend “Shqiptarë armatosuni!” i parapriu postimi në Facebook-un e tij një ditë më parë. Të mërkurën, pra, ai e nis kështu publikimin e tij: “Më tha një burrë nga katundet e Durrësit se i ka thënë një kushërira e tij...”.

Ish-drejtori i kompanisë CEZ – Albania, Josef Hajsek, është vënë nën akuzë nga Prokuroria e Tiranës, e cila ia kakomunikuar atë zyrtarisht. “Nga hetimet ka rezultuar se, çeku në bashkëpunim me administratorin e kompanisë “DIA”, Kastriot Ismailaj, kanë arritur t’i vjedhin buxhetit të shtetit 5 milionë dollarë. Nëpërmjet veprimeve fiktive dhe falsifikimit të dokumenteve te dy këta shtetas kanë plotësuar bilance sikur kompania “DIA” ka mbledhur borxhet, por realisht kjo gjë nuk ka ndodhur.  Ndërkohë më pas nga kompania CEZ është paguar përqindja që i takonte kompanisë “DIA”.

Gazeta “Sot” raporton në numrin e sotshëm për një pajisje të sofistikuar përgjimi që është në dispozicion të Ministrisë së Brendshme. Sipas kësaj gazete, e cila informon përmes burimeve jozyrtare, pajisja arrin të përgjojë edhe komunikimin sms, whatsapp dhe viber, çka e kthen Ministrinë e Drejtuar nga Sajmir Tahiri në një institucion me mundësi ndërhyrjeje në jetën e qytetarëve. Dhe në fakt sipas gazetës në fjalë ka përgjime qytetarësh nga kjo ministri, sigurisht me urdhër të titullarit të saj.

Ish-kryeministri i vendit, Sali Berisha, ka mbajtur sot në seancë plenare një fjalë me karakter ultimativ. Berisha ka folur për dezintegrim të parlamentit, zgjidhje përfundimtare. Duke qenë se prej disa ditësh apo flitet për lënie mandatesh etj., po e sjellim fjalën e plotë, ashtu siç Berisha e ka hedhur në profilin e vet në “Facebook”. Një fjalë që nuk përjashton konfrontimin, për të cilin Berisha flet që në hapje të fjalës:

Në dy deklarata të Partisë Demokratike u sulmua ashpër ish-ministri i Ekonomisë, Arben Ahmetaj. Kryetari i Partisë Demokratike në një deklaratë të shpërndarë për mediat shprehet se emërimin i Ahmetajt në Ministrinë e Financave është arsyeja që mazhoranca kërcënon me shkarkim Presidentin e Republikës. Basha e ka lidhur emërimin e Ahmetajt me konçesionin e TVSH-së duke përmendur si ndërlidhës të këtij emërimi vëllain e kryeministrit Olsi Rama.

Pas intervistës që biznesmeni Gazment Demi dha për “ResPublica” ka reaguar ish-kryeministri Sali Berisha. Përmes një postimi në profilin e vet në “Facebook” Berisha përsërit qëndrimin e tij, duke nënvizuar në fund se “Me kete rast dua ti them Edi Rames: Se pari, miqesia me Sali Berishen apo cilindo familjare te tij, e cilitdo qofte nuk eshte dhe nuk do jete kurre liçense per te vjedhur ti dhe anturazhi yt pasurite publike te ketij vendi.

Prej dy ditësh, Partia Demokratike, po deklaron se biznesmeni Gaz Demi, president i Klubit te Futbollit “Partizani”, qëndron pas disa projekteve të mëdha, duke aluduar se kjo kushtëzohet nga lidhjet e ngushta të tij me familjarë të kryeministrit. Z. Demi sqaron në këtë intervistë të shkurtër për ResPublica qëndrimin e tij për këto akuza.

ResPublica: Z. Demi, keni dy ditë që PD-ja dhe ish-kryeministri Berisha ju kanë nxjerrë në “lajme”...

Prej muajsh tashmë flitet për reformën në drejtësi, me përqendrimin te gjyqësori. Ambasadorët, kryeministri etj., janë hedhur në sulm ndaj korrupsionit në gjykata dhe sidomos ndaj korporatizmit në këtë pushtet, duke paralajmëruar shkundje të ekuilibrave. Eksertët e Partisë Socialiste kanë parashikuar ndryshime institucionale të mëdha, kryqëzim kompetencash dhe më e rëndësishmja, mandate 9 vjeçare apo edhe 12 vjeçare që në raport me legjislativin do të thotë “stabilitet” dhe kontroll për 3 mandate.

Dje u mor vesh se bileta e çmimit të urbanit në Tiranë shkon në 40 lekë të vjetra. Prej gati një jave kishte një debat publik, shoqëruar me kërcënime nga përfaqësues të linjave të transporti, që do të ndërprisnin aktivitetin, nëse nuk pranohej rritja e çmimit. Dhe Këshilli Bashkiak vendosi për “po”. Sot Partia Demokratike hedh dyshime se kjo lëvizje ishte e parashikuar dhe se ajo fsheh një akt korruptiv të kryetarit të Bashkisë, Erjon Veliaj.

Akuzat dhe kundërakuzat që dy partitë kryesore në vend i bëjnë njëra-tjetrës për përfshirje të elementëve me probleme me ligjin në politikë po shkon disi larg. Po vë seriozisht në diskutim mundësitë që sistemi të rigjenerohet me prezencën e tyre aty, ndërkohë që askush nuk besohet më se e ka seriozisht kauzën e dekriminalizimit. Ajo që ndodhi sot është ilustrimi më i mirë. Paradite Partia Demokratike akuzoi se kreu i degës së PS-së në Shkodër, Martin Cubi është një vrasës, i konstatuar i tillë në vitin 2009.