akuza

Që hashashi një ditë mund të bëhet edhe simbol i buqetës së të sapomartuarve këtë tanimë e dinë të gjithë. Por është një gjë se ekziston një e vërtetë informale dhe krejt tjetër kur ajo artikulohet si shqetësim publik. Shqipëria, kjo republikë droge dhe krimi, ka në krye një ministër të Brendshëm, i cili formalisht ka epror një kryeministër, të cilët sa herë vjen puna te droga mohojnë përmasën e realitetit të saj.

Kur shkruajnë apo filmojnë gazetarët ka heshtje, ose thjesht izolim. Kur akuzon PD-ja këtu kemi të bëjmë me makinerinë e baltës apo me kundërtezën e Lazaratit.

Matteo Renzi, kryeministër i Italisë, ndodhet në një pikë vendimtare të karrierës së tij. Në tetor mbahet referendumi për reformën kushtetuese në Itali, e cila do të përcaktojë nëse qeveria e Renzit do të rrijë apo jo. Renzi, i cili është nën akuza të gjithanshme, po reziston duke u shfaqur i sigurtë dhe optimist. Mirëpo goditjen më të madhe Renzi e mori nga lëvizja e Grilos, e cila sot drejton edhe bashkinë e Romës. Dhe për të kundërshtuar peshën e lëvizjes “Pesë yjet”, Renzi ka gjetur një akuzë që ngjan kaq shumë me këto që ndodhin në Shqipëri.

Kreu i Komsionit Parlamentar të Sigurisë, Spartak Braho, ka dhënë sot një intervistë në “Gazeta Shqiptare” ku sqaron pozicionin e tij për akuzat që i bëhen se ka vizituar në burg Dritan Dajtin. Braho as nuk përton fare të flasë hapur, me gjuhë shantazhi si dhe të pranojë se ka një çantë të zezë në të cilën ka 6 ndarje.

Faqja “lapsi.al” raporton sot se Klement Balili është parë dje në hotelin “Santa Quaranta” ku zhvillohej një dasëm. Policia sipas kësaj faqeje nuk ka ndërhyrë për të arrestuar personin që është shpallur në kërkim, i cili madje ka qenë në tavolinë me kreun e PS-së së Tepelenës, Dino Selimi. Këto të dhëna referon “lapsi.al”.

Sekretari për Aksionin Qytetar në Partinë Demokratike, Ervin Salianji, ka deklaruar sot nisjen e atij që e quajti aksion për ligjin dhe drejtësin. Nisma lidhet me ngjarjen e landfillit të Sharrës, ku humbi jetën Ardit Gjoklaj, e në të cilën PD-ja kërkon përgjegjësinë e kryetarit të Bashkisë së Tiranës, Erjon Veliaj. Salianji ka zbuluar se Veliaj ka edhe përgjegjësi formale juridike, përpos se politike.

Sot kryeministri Edi Rama me anë të një statusi në Facebook, mori në mborjtje punën e Erjon Veliajt në Tiranë. “Tirana po rilind çdo ditë, nën lidershipin shembullor të kryebashkiakut të ri dhe falë edhe programit kombëtar të Rilindjes Urbane, kryeqyteti është kthyer në kantierin e ambicies për Shqipërinë e Gjeneratës Tjetër”, shkruante Edi Rama sot.

Partia Demokratike ka denoncuar sot prezencën në Sarandë të Klement Balilit, ish-drejtor porti në Sarandë, i kërkuar për trafik ndërkombëtar droge. Sipas PD-së, Balili ka qenë në një resort ku ndodhet zv.drejtori i Policisë, Rebani Jaupaj. 

Video e publikuar nga ish=kryeministri Sali Berisha:

Një akuzë publike ndaj ish-shefit të ShIK-ut, Fatos Klosi. Jo akuzë politike, por konkrete, bazuar mbi njohuritë operative që Izet Haxhia,mish-truproja e Sali Berishës pretendon se ka për Klosin. Të përfshirë në një debat mbi të shkuarën, Klosi dhe Haxhia kanë hapur disa letra, që janë interes pubik. Cilidoqoftë statusi i Haxhisë në këtë rast, akuzat e tij ngrenë dyshime mbi disa momente të karrierës së Klosit, që nuk mungon sa herë të shfaqet si ekspert i shërbimeve inteligjente etj.. Statusi në Facebook i Haxhiajt është në fakt një marrje në pyetje:

Dje kryeministri i vendit Edi Rama publikoi një postim në profilin e tij në Facebook ku merrte në mbrojtje Fatmir Xhafë nga ato që ai i quante sulme për shkak të angazhimitbtë tij për reformën në drejtësi. Sulmet dhe akuzat kanë ardhur nga PD-ja për vëllanë e Xhafës, i kërkuar në Venezuelë për trafik droge, e të cilin Edi Rama e quante një njeri të ndershëm që shikon punën e tij.

Disa media kanë publikuar sot një raport, i ashtuquajtur sekret, i hartuar nga Kontrolli i Lartë i Shtetit, sipas të cilit në Bankën e Shqipërisë, janë vjedhur në fakt 21 milionë euro nga 713 milionë lekë që u deklaruan. Sipas këtij raporti, me burim nga “shqiptarja.com” e Carlo Bollinos, në skemën vjedhjes janë përfshirë banka të nivelit të dytë, punonjës të thesarit, çka e bën përgjegjësinë e ish-Guvernatorit automaitike. Vjedhja është realizuar përmes deklarimit të rremë të parave që nxirren nga qarkullim dhe rimbursimit të bankave të nivelit të dytë në këmbim të “asgjësimit” fiktiv.