Berisha thotë se në Elbasan janë sjellë mbetje radioaktive. Shashkë apo e vërtetë?

Sikur të mos mjaftonte ajo që ndodhi me miratimin e ligjit për importin e mbetjeve, Sali Berisha, ish-kryeministër shkruan sot në komunikimin e tij në Facebook se në dy vitet e fundit në Elbasan janë sjellë mbetje radioaktve, ndërsa në Durrës mbetje toksike. E vërtetë apo thjesht një shashkë për të nxehur gjakrat? Kjo vështirë të merret vesh, por deklarime të tilla nuk janë shaka, ndaj për çdo rast ose Berisha duhet të mos merret seriozisht, ose diçka duhet të sqarojë qeveria. Për aq sa mund të besohet edhe kjo e fundit.