“Impulse të reja? Emrat nuk janë më të rëndësishëm”
Ilir Meta i ka dhënë një intervistë gazetës “Illyria” dhe radio “Kosova”. Me një lloj interesi paraqitet deklarata e Metës për marrëdhëniet brenda koalicionit dhe kërkesa e tij për ndryshime në qeveri. Meqenëse pazari i Bllokut ka ecur jo keq, Meta ka menduar të bëjë një lloj tërheqje. Thotë kreu i LSI-së: “Kjo është një marrëdhënie e vazhdueshme, e përditshme. E rëndësishme është që drejtimet kryesore strategjike janë të dakordësuara. Çdo debat i ditës nuk konteston dhe nuk vë në pikëpyetje këto raporte, nuk vë në pikëpyetje këtë koalicion. Shpeshherë shohim që deputetë, po themi të Partisë Socialiste, mund të kenë vërejtjet e tyre. Natyrisht që ka një dëshirë, që sa herë mund të ketë një qëndrim qoftë edhe paksa të ndryshëm të përfaqësuesve të LSI-së, menjëherë të ketë një interes të madh mediatik për ta paraqitur si një problem të madh të koalicionit. Kjo shpjegohet edhe me dëshirën e mediave për të prodhuar ndonjëherë lajme më sensacionale dhe për t’iu shmangur argumentit që jepet gjatë këtij debati”. Dhe për kërkesën për ndryshime në qeveri, kreu i LSI-së thotë: “Problemi këtu është se sapo thua impulse të reja, secili mendon që çdo impuls është një ministër i ri, që zëvendëson një tjetër e kështu me radhë. Për ne është i rëndësishëm rezultati i qeverisë. Emrat nuk janë më të rëndësishëm dhe ne padyshim që presim rezultate më të mira”.
Comments
Meta ndjehet edhe intelektual
Meta, sa here qe shpeton ngandonje suferine, dmth nga ndonje akuze per miliona te hequra menjane ashiqare,
nis e tall fjalet e tij, te cilat atij vete i tingellojne te bukura, te mencura, ironike, dmth intelektuale...!
Impulse thote ai, dhe shqiptaret e media e tyre ia marrin si minister i ri!
Ngaterrohen ata, apo qorrollepset edhe me tej Meta?
Shqiptaret e dine qe ministrat caktohen prej KryeMegaHajdutit, ndaj nuk kane merak per emrat e tyre: ata akuzojne juve, personalisht MeteMeta...
Mos kij iluzione: edhe ata ne diaspore e dine kete, mos u mundo t'i genjesh...
Add new comment