politike

Presidenti serb, Aleksandar Vuçiç, thotë se ka një linçim të serbëve në rajon vetëm sepse ata duan të jenë të tillë në vendin të cilit i përkasin.

Gjatë një bisede në Pink TV, Vuçiç komentoi deklaratën e kryeministrit të Kosovës, Albin Kurti, i cili pak ditë më parë u shpreh se “përfaqësuesit e Listës Serbe do të vuajnë dhe do ta paguajnë gabimin që kanë bërë”, duke iu referuar situatës së krijuar së fundmi në komunat në veri të Kosovës.

Vuçiç tha se Kurti nuk do të mund ta thoshte kurrë diçka të tillë pa mbështetje “carta bianca”.

Takimi i djeshëm në Bruksel mes presidentit serb dhe kryeministrit të Kosovës përfundoi pa rezultat. Kryeministri Albin Kurti tha se propozimet e Serbisë janë bërë qasja e vetë BE-së, ndërsa shtoi se ka refuzuar asociacionin e pretenduar nga pala serbe.

Ngurrimit të Francës për të mbështetur zgjerimit e BE-së mesa duket i ka ardhur fundi. Presidenti Emanuel Macron ka qenë skeptik që në mandatin e tij të parë në lidhje me pranimin e vendeve të Ballkanit Perëndimor në BE dhe ishte i pari që hodhi idenë e një “paradhome” të Unionit. Por kjo qasje ka ndryshuar gradualisht muajt e fundit.

Ky ndryshim është përcjellë përmes ministres franceze për Europën.

Gjashtë vjet pasi la Spanjën, Carles Puigdemont po përpiqet të marrë rolin e kingmakerit në politikën spanjolle. Lideri separatist e kushtëzon mbështetjen e Pedro Sanchez-it, i cili po përpiqet të mbajë drejtimin e qeverisë spanjolle, me amnistinë e të gjithë atyre që u përfshinë në referendumin e pavarësisë së Katalonjës në 2017.

Kryeministri Rama ka riformatuar kabinetin qeveritar. Rama bëri të ditur emrat e shtatë ministrave të rinj gjatë mbledhjes së Asamblesë së PS-së, duke surprizuar shumë prej atyre që dëgjuan emrin e vet. Rama ka shkarkuar 6 ministra dhe ka krijuar një ministri të re për bashkëpunimin e pushtetit qendror me atë vendor.

Kryeministri Rama lau duart me të gjitha skandalet e korrupsionit që kanë përfshirë qeverinë muajt e fundit, duke u shprehur që nuk mban përgjegjësi për ata që ua merr mendjen pushteti. Në mbledhjen e Asamblesë së Partisë Socialiste, Rama tha se partia nuk do t’i mbrojë ata që “hanë pas shpine”.  

Lulzim Basha mblodhi sot Kuvendin Kombëtar të fraksionit që drejton. Takimi i mbajtur në stadiumin « Asllan Rusi » shënoi sipas Bashës nisjen e ndërtimit të Partisë Demokratike moderne.

« Nisim sot të ndërtojmë Partinë Demokratike moderne, partinë e qytetarëve dhe anëtarëve dhe jo partinë e kryetarit. Sepse kryetarët ikin e vijnë, por demokratët dhe Partia Demokratike do të jetë aty për të luftuar vetëm për të mirën e Shqipërisë dhe shqiptarëve! », shkroi Basha.

Ministri i Jashtëm austriak, Alexander Schallenberg, thotë se BE-së i duhet një qasje e re për zgjerimin. Në një intervistë për Politico.eu, ai thotë se se ka një nevojë gjeopolitike për zgjerimin e BE-së në Ballkanin Perëndimor, Ukrainë dhe Moldavi.

Pas shkëputjes nga BE-ja, në Britani hidhet ideja për t’u shkëputur edhe nga Gjykata Europiane për të Drejtat e Njeriut. Ministrja e Brendshme britanike, Suella Braverman, e përsëriti këtë ide, duke e cilësuar “të politizuar” gjykatën europiane.   

Deklarata që shënon rikthimin në debatin politik pas pushimeve verore, pason një periudhë të trazuar për Home Office, që lidhet pikërisht me qasjen ndaj azilkërkuesve.

Presidenti i Serbisë, Aleksandar Vuçiç, i shpjegon me një marrëdhënie miqësore takimet me ambasadorin rus, Alexander Botsan-Kharchenko. Në një konferencë për shtyp, Vuçiç hodhi poshtë akuzat se takimet shërbejnë për t’i raportuar diplomatit rus.