bota

Pas dy shekujsh rritjeje të paprecedentë, popullsia njerëzore do të fillojë të tkurret pas vitit 2064. Përfundimi del nga një studim i kryer nga një ekip i madh studiuesish në Institutin për Metrikën dhe Vlerësimin e Shëndetit (IHME) në Shkollën e Mjekësisë të Universitetit të Uashingtonit. Gjetjet e studimit u botuan së fundmi në revistën shkencore “The Lancet”.

Barbados, ish-koloni britanike, do të këpusë javën e ardhshme edhe lidhjen e fundit me Britaninë për herë të parë pas 400 vitesh nga dita kur anija e parë angleze mbërriti në ishullin e Karaibeve. Në vend, festimet kanë nisur. Dita e fundit e nëntorit shënon largimin e mbretëreshës Elizabetë nga detyra e kreut të shtetit dhe emërimin e presidentes Sandra Mason.

Kufizimet në karrierë po përdoren si formë për të nxitur vaksinimin në radhët e ushtrisë amerikane. Ata që refuzojnë vaksinën nuk do të mund të përfitojnë përtej gradës që kanë.

Në një memo që mban firmën e sekretares së Ushtrisë, Christine Wormuth, ushtarët në detyrë aktive, rezervistët dhe gardistët që refuzojnë vaksinën nuk do të kenë mundësi të riregjistrohen, të promovohen dhe shkollohen.

Presidenti amerikan, Joe Biden, synon një mandat tjetër pas përfundimit të të parit. Pikëpyetjeve të ngritura shpesh lidhur me një mandat të dytë, duke u nisur kryesisht nga mosha e presidentit, u ka dhënë përgjigje sekretarja e shtypit e Shtëpisë së Bardhë, Jen Psaki.

"Ky është qëllimi i tij", u tha Psaki gazetarëve, duke konfirmuar raportimet sipas të cilave Biden u ka thënë këshilltarëve dhe stafit se planifikon të kandidojë përsëri në 2024.

Për herë të parë, NASA do të lëshojë në hapësirë një mision që ka për qëllim parandalimin e një katastrofe të mundshme për planetin. Plani në thelb është i njëjtë me skenarin e filmit “Armageddon”. Anija kozmike që lëshohet në hapësirë të mërkurën do të përplaset qëllimisht me një asteroid, në përpjekje për t’i ndryshuar orbitën. Kjo është hera e parë që njerëzimi bën një përpjekje të ndërhyjë në kinetikën gravitacionale të sistemit diellor. Qëllimi është testimi i një sistemi mbrojtës planetar që do të shmangte një fund të mundshëm të botës.

SHBA pranon se është mbrapa Rusisë dhe Kinës sa i takon kapacitetit të raketave hipersonike. Zv.shefi i forcave hapësinore, Gjeneral David Thompson, tha të shtunën se SHBA nuk ka ecur me të njëjtin hap në këtë drejtim. "Ne nuk jemi aq të avancuar sa kinezët apo rusët për sa i përket programeve hipersonike", tha ai në Forumin Ndërkombëtar të Sigurisë Halifax në Kanada.

Futja në fjalorin e frëngjishtes e përemrit asnjanës “iel” ka sjellë kritika nga liderët politikë në vend. Përpjekja për të zgjeruar leksikun me fjalë që reflektojnë një shoqëri më gjithëpërfshirëse hapi një debat të ri në Francë.

“Le Robert” është një libër, të cilit i referohen pothuajse të gjithë kur është fjala për gjuhën frënge. Studiuesit e vendosën futjen e tij në fjalor pasi vunë re "një përdorim në rritje" të përemrit të vetës së tretë në "një grup të madh tekstesh të nxjerra nga burime të ndryshme".

Përshkallëzimi i situatës në kufirin Rusi-Ukrainë mund të finalizohet me nisjen e një lufte. Një parashikim të tillë e bën shefi i inteligjencës ukrainase, gjeneral brigade Kyrylo Budanov, në një intervistë për Military Times.

Rusia ka vendosur në kufi me Urainën 92 mijë trupa dhe sipas Budanov planet janë për një sulm që mund të nisë në fund të janarit apo në fillim të shkurtit.

Themeluesi i Forumit Ekonomik Botëror, Klaus Schwab, njoftoi një iniciativë të re globaliste të quajtur Narrativa e Madhe, gjatë një samiti në Dubai javën e kaluar.

"Ne jemi këtu për të zhvilluar Narrativën e Madhe, një histori për të ardhmen. Në dy ditët e ardhshme, do të shikojmë se si imagjinojmë, si projektojmë, si e ekzekutojmë narrativën e madhe, si e përcaktojmë historinë e botës sonë për të ardhmen”, shtoi ai.

Transparencë për vaksinat, por duhet pritur gjatë. Kërkesës së një grupi shkencëtarësh, drejtuar qeverisë federale për të bërë publike të dhënat mbi të cilat u mbështet në licencimin e vaksinës COVID-19 të Pfizer, FDA i është përgjigjur duke vendosur një afat që shkon përtej çdo zvarritjeje burokratike. Administrata e Ushqimit dhe Barnave (FDA) kërkon plot 55 vjet për të bërë publik informacionin mbi të cilin u bazua për t’i dhënë licencën e vaksinës gjigantit amerikan të farmaceutikës.