bota

Karantina nuk ka pasur ndonjë efekt në uljen e numrit të vdekjeve nga Covid-19.

Një studim i kryer nga Universiteti Johns Hopkins arriti në përfundimin se karantina i ka reduktuar vdekjet me vetëm 2%.

Në këtë përfundim, studiuesit e John Hopkins arritën pasi shqyrtuan 24 studime të tjera.

Në vend që të parandalonte vdekjet, karantina pati ndërkohë një kosto të madhe ekonomike dhe sociale, kudo që ajo u imponua.

Presidenti francez Emmanuel Macron është optimist se mund të ulë tensionet Ukrainë-Rusi. Megjithatë, kjo nuk do të vijë pa kosto. Një ditë para vizitës së tij në Moskë, ku do të takohet me homologun Vladimir Putin, por la të kuptohet se vendet perëndimore mund të duhet të bëjnë lëshime ndaj Kremlinit.

Një video e shkurtër e prerë nga një fjalim i kryeministrit kanadez, Justin Trudeau, ka shkaktuar zhurmë në qarqet konspirative në fillim të shkurtit 2022.

Në video, Trudeau lavdërohet se mediat, veçanërisht ato të majta, e kanë kursyer:

“Kohët e fundit dëgjojmë për paragjykime progresive në media, se si e lënë qeverinë tonë të qetë, na kursejnë pa asnjë arsye. Sinqerisht, mendoj se është fyese. Është e qartë se na kursejnë për një arsye shumë të mirë, sepse ne i paguajmë 600 milionë dollarë”

Izraeli ka qenë lider në vaksinimin anti-Covid që në krye të herës. E megjithatë, vaksina nuk e ka parandaluar pikërisht atë për të cilën rekomandohet nga OBSH-ja: mbushjen e spitaleve. Sipas prof. Yaakov Jerris, drejtor i repartit të koronavirusit të Spitalit Ichilov, shumica e të shtruarve janë individë që janë vaksinuar.

Projekti i ri nuk po i shkon sipas planeve themeluesit të Facebook-ut. Aksionet e kompanisë Meta ranë me mbi 25% të enjten – duke i hequr plot 230 miliardë dollarë në vlerën e tregut në sezonin më të dobët tregtar në histori – pasi raporti tremujor i të ardhurave të kompanisë tregoi rënie të përdoruesve dhe rritje të shpenzimeve në lidhje me projektin metaverse.

Liderja franceze e ekstremit të djathtë, Marine Le Pen, ka marrë një hua prej 10.6 milionë eurosh nga një bankë hungareze për të financuar fushatën e saj zgjedhore presidenciale. Lajmin e bën të ditur radio RTL, të cilës i referohet Euractive. Le Pen duket se ia ka dalë ta gjejë në Hungari atë që nuk mundi ta gjente në vendin e vet, ku sipas një deklarate të bërë kohët e fundit, bankat franceze nuk ia kanë dhënë një mundësi të tillë.

NASA ka vendosur të tërhiqet nga Stacioni Ndërkombëtar Hapësinor (ISS). Ky i fundit do të jetë funksional deri në vitin 2030, për t’u zhytur më pas në një zonë të Oqeanit Paqësor, të njohur si Point Nemo.

Këtë “dalje në pension”, NASA po e shet si një "kalim i operacioneve te shërbimet tregtare", duke ritheksuar mbështetjen e përpjekjeve private-publike në orbitën e Tokës.

Një burrë kontestoi lutjen e Papa Françeskut në Vatikan sot, duke bërtitur: "Kjo nuk është Kisha e Zotit!", në anglisht. Një dëshmitar i tha agjencisë Reuters se burri u dëgjua teksa përmendte edhe fjalën "maskë", ndërsa mbante në dorë një të tillë mjekësore.

Një në pesë njerëz në Afrikë vuan nga kequshqyerja. 93 milionë njerëz në 36 vende janë pa ushqim në kuptimin e drejtpërdrejtë të shprehjes. Sipas një raporti të Oxfam, më të prekurit janë gratë dhe fëmijët.

Në rajonin sub-Saharian, një fëmijë vdes nga uria çdo 30 sekonda, ndërsa 2 në 5 gra (në moshë riprodhuese) vuajnë nga anemia për shkak të mungesës së ushqimit, shton Oxfam, e cila saktëson se çmimet e ushqimeve në të gjithë kontinentin kanë arritur shifra rekord.

Organi drejtues i Dhomës së Deputetëve Spanjollë (i ashtuquajturi 'Mesa del Congreso') ka pranuar kërkesën e tre palëve për të krijuar një komision hetimor për rastet e mundshme të abuzimit të fëmijëve të kryera brenda Kishës Katolike. Ky është hapi i parë drejt analizimit, diskutimit dhe votimit të kërkesës nga parlamentarët.

Kërkesa u bë nga Podemos, një nga dy anëtarët e koalicionit qeverisës të qendrës së majtë, dhe nga dy parti të Katalonjës dhe Vendeve Baske (Esquerra Republicana dhe Eh Bildu).