bota

Zhvendosjen e trupave ruse në perëndim të Bjellorusisë, Shtetet e Bashkuara e shohin si një përgatitje për pushtimin e Ukrainës.

Zëvendësministri rus i Mbrojtjes, Alexander Fomin, tha se stërvitjet e përbashkëta me Bjellorusinë do të përfshijnë përgjigjen ndaj kërcënimeve të jashtme, por zyrtarët amerikanë e quajtën situatën "jashtëzakonisht të rrezikshme".

Parlamenti indonezian ka miratuar zhvendosjen e kryeqytetit administrativ nga Xhakarta, në një qytet të ri të ndërtuar nga e para në ishullin Borneo.

Kryeqyteti i ri do të quhet Nusantara, që ka kuptimin arkipelag, fjalë me të cilën indonezianët zakonisht i referohen të gjithë vendit.

Një sondë kineze u bë e para në histori që zbulon ujë në sipërfaqen e Hënës në kohë reale.

Sonda Chang'E-5, e cila u ul në Hënë më 1 dhjetor 2020, gjeti ujë në vendin e saj të uljes në pellgun e Oqeanit Verior Procellarum, sipas një studimi të publikuar së fundmi në “Science Advances”.

Landeri kinez studioi dhe solli në Tokë mostra nga rajoni "Mons Rümker", një kompleks vullkanik i paeksploruar më parë në Hënë.

Pothuajse 80 vjet pasi Ana Frank shkroi ditarin e saj të famshëm, një ekip studiuesish kanë krijuar një ide mbi njeriun që e “shiti” atë dhe familjen e saj te nazistët. Arnold van den Bergh, një noter i shquar hebre, dyshohet se është personi që ka zbuluar vendin ku fshihej familja Frank për t’i shpëtuar vrasjes në kampet naziste të përqendrimit.

"Tradhtia e Anne Frank – Hetimi i një rasti të vjetër" është libri i autores kanadeze, Rosemary Sullivan, ku del për herë të parë emri i Bergh si tradhtar.

Një krizë e aviacionit parashikohet në SHBA, pas vendosjes në funksion të shërbimit 5G. Shefat e kompanive ajrore tregtare paralajmëruan pasoja në fluturime të mërkurën, kur AT&T (T.N) dhe Verizon (VZ.N) do të vendosin shërbimin e ri 5G.

Ata thonë se shërbimi i ri C-Band 5G mund të bëjë të papërdorshëm një numër të konsiderueshëm avionësh të mëdhenj, "duke bllokuar potencialisht dhjetëra mijëra amerikanë jashtë shtetit" dhe duke shkaktuar kaos për fluturimet brenda vendit.

Deklarata e një ish-ministri britanik për ndalimin e teknologjisë 5G në vend flet shumë për ndikimin e SHBA-ve në vendime që lidhen direkt me gjeopolitikën. Në korrik të vitit 2020, qeveria britanike njoftoi ndalimin e produkteve Huawei në rrjetet 5G deri në fund të vitit 2027. Në atë kohë, qeveria e Boris Johnson e motivoi këtë vendim me shqetësimin se gjiganti kinez i teknologjisë mund të përbënte kërcënim për sigurinë kombëtare.

Ekuilibri i brishtë politik në Itali është lëkundur sërish. Data 24 janar shënon afatin e fundit kur Parlamenti duhet të votojë për presidentin e ri. Por klasa politike italiane nuk e ka ende një emër.

Zgjedhjet në Itali janë një proces i errët, që përfshin votime të fshehta që historikisht shpalosen përmes marrëveshjeve në prapaskenë mes ligjvënësve të lartë. Megjithatë, liderët politikë po luftojnë për t’i arritur këto marrëveshje dhe për t’i bindur anëtarët e partisë së tyre të bien dakord.

Kompania mëmë e Facebook, Meta, po përballet me një padi kolektive në Britaninë e Madhe, me dyshimin se ka abuzuar me pozicionin e saj dominues në treg për të shfrytëzuar të dhënat personale të përdoruesve britanikë. Padia është ngritur nga Liza Lovdahl Gormsen, studiuese në Institutin Britanik të së Drejtës Ndërkombëtare dhe Krahasuese dhe drejtoreshë e Forumit të Ligjit të Konkurrencës. Gorsmen përfaqëson 44 milionë përdorues.

Gjykata e Lartë e SHBA-së bllokoi urdhrin për vaksinimin e detyrueshëm, lëshuar nga presidenti Biden për bizneset e mëdha. Sipas rregullit të rrëzuar nga gjykata, bizneset me më shumë se 100 punonjës duhej të vaksinonin punëtorët ose të paraqisnin teste për Covid-19 çdo javë. Kjo do të përfshinte të paktën 80 milionë punonjës.  

Grumbullimi dhe ruajtja e të dhënave vijon të mbetet shkak për përplasje mes Europës dhe amerikaneve Big Tech. Rasti i fundit është ai i Austrisë, e cila e ka gjetur Google Analytics në shkelje të rregullores europiane GDPR.