bota

Ministri kroat i Ndërtimit, Darko Horvat, u arrestua sot pas një hetimi për korrupsion. Lajmin e dha vetë kryeministri Andrej Plenkoviç, i cili tha para gazetarëve se abuzimi ka të bëjë me subvencionet për bizneset në vitin 2018 dhe për këtë arsye, Horvat nuk do të jetë më pjesë e kabinetit.

Megjithatë, Plenkoviç kritikoi prokurorët për rrethanat e arrestimit të Horvat, duke thënë se momenti i arrestimit duket se fsheh edhe arsye politike.

Oqeanet mund të thithin dioksid karbon më shumë se pemët. Një studim i publikuar së fundmi e ka nxjerrë këtë konkluzion pasi mbajti nën vëzhgim tërheqjen e përhershme të karbonit nga guaskat e planktoneve në oqean pranë Zelandës së Re.

Këto guacka rezulton se kanë tërhequr afërsisht të njëjtën sasi karboni si emetimet rajonale të dioksidit të karbonit, dhe ky proces ka qenë më intensiv gjatë periudhave të hershme të ngrohjes klimatike.

E vetmja gjë konstante është vetë ndryshimi. Këtë pohim e kemi hasur të gjithë përgjatë mësimit të fizikës. Megjithatë, siç rezulton, studiuesit në Microsoft, së bashku me shkencëtarët në Universitetin Brown mendojnë se ligjet e fizikës mund të ndryshojnë ngadalë, çka e komplikon kërkimin tonë për të kuptuar kozmosin.

Në shtator 1993, presidenti rus, Boris Jelcin, i shkroi një letër të gjatë homologut amerikan, Bill Klinton. Letra që niste me "I dashur Bill", kërkonte "shkëmbim të sinqertë të mendimeve" të dy liderëve.

Nëse Uinston Çurçill do të kishte qenë dëshmitar i asaj që po ndodh sot në Ukrainë, ai ndoshta do ta kishte ndryshuar thënien e tij të famshme "Rusia është një enigmë e mbështjellë në një mister brenda një enigme". Rusia e Vladimir Putinit, në realitet, i ngjan më tepër lëvizjeve të një akrobati, me synimet finale sigurisht të fshehura, por strategjinë dhe mjetet për t’i kënaqur ato më shumë se të dukshme.

Presidenca e Republikës Turke ka nisur një fushatë në rrjetet sociale për të ndryshuar emrin me të cilin njihet ndërkombëtarisht Turqia (në anglisht 'Turkey') me termin në turqisht 'Türkiye'.

Gazeta Milliyet zbuloi fushatën '# SayTürkiye' e cila pason një nismë tjetër të quajtur '# HelloTürkiye' e nisur në dhjetor kur ky vendim u njoftua nga Presidenti Rexhep Tajip Erdogan.

Rregullatorët europianë po përpiqen t’i dalin përpara çdo të papriture që mund të sjellë Metaversi. Perspektiva e këtyre universeve virtuale që i premtojnë përdoruesit mundësinë për të luajtur, për të komunikuar, madje edhe për të punuar, është ende e largët dhe hipotetike. I dominuar nga gjigantët e teknologjisë si motorët e kërkimit, rrjetet sociale, softuerët e smartfonëve, ky sektor ka potencial ekonomik dhe, duke u nisur nga përvojat e mëparshme, e bën të domosdoshëm hartimin e një rregulloreje.   

16 shkurti ka qenë përgjatë ditëve të fundit në kryetitujt e mediave perëndimore, si dita e mundshme e pushtimit rus në Ukrainë. Artikuj dhe analiza pa fund të botuara që prej fundit të vitit të kaluar e kanë hedhur shpesh hipotezën se Putin po luante blofin, e megjithatë frika e një operacioni pushtues ka qenë e pranishme gjatë gjithë kohës. Por pasi nuk rezultoi një ditë sulmi, 16 shkurti u kthye në një ditë qesëndisjeje.   

Ekspertët në Moskë u vunë menjëherë në rresht për të nisur talljen me median perëndimore.

El Salvadori u bë vendi i parë në botë që miratoi Bitcoin si monedhë zyrtare, duke sfiduar me këtë vendim Fondin Monetar Ndërkombëtar. Vendi i Amerikës Qendrore nxori nga përdorimi monedhën e vet në 2001 dhe e zëvendësoi atë me dollarin amerikan. Por kalimi nga ky i fundit te kriptomonedha është bërë shqetësim për SHBA-të, të cilat e shohin si opsion që mund të lehtësojë pastrimin e parave.

Irani është pranë marrëveshjes me Perëndimin për programin bërthamor. Bisedimet në Vjenë pritet të finalizohen me firmosjen e marrëveshjes brenda pak ditësh.

"Nuk është çështje javësh, është çështje ditësh", i tha Senatit ministri i Jashtëm francez Jean-Yves Le Drian.

Në bisedimet e Vjenës, Irani ka përballë Britaninë, Kinën, Francën, Gjermaninë dhe Rusinë drejtpërdrejt, dhe Shtetet e Bashkuara në mënyrë indirekte. Bisedimet nisën në fund të nëntorit me synimin për të rivendosur marrëveshjen e vitit 2015.