bota

Trashëgimtarët miliarderë të Samsung Group do të paguajnë një nga taksat më të mëdha në histori, rreth 11 miliardë dollarë, një shumë që do të shlyhet përgjatë disa viteve.

Aparteid dhe persekutim e cilëson organizata Human Right Watch mënyrën sesi IzraeIi po sillet me palestinezët. Raporti i publikuar sot konkludon se politika e qeverisë izraelite është "të ruajë dominimin e hebrenjve izraelitë mbi palestinezët" dhe "abuzimet serioze të kryera ndaj palestinezëve që jetojnë në territoret e pushtuara, përfshirë Jeruzalemin Lindor".

Parlamenti Evropian i ka hequr imunitetin deputetit të dënuar të Agimit të Artë, Ioannis Lagos.

Votimi u mbajt të të hënën, por rezultatet u bënë të ditura sot. 658 eurodeputetë votuan pro heqjes së imunitetit, 25 kundër dhe 10 abstenuan, raporton "Ekathimerini".

Vendimi i PE i hap rrugë arrestimit të tij nga autoritetet belge dhe ekstradimit në Greqi për të vuajtur dënimin.

Kryediplomati iranian, Mohammad Javad Zarif, është në një moment të sikletshëm pas publikimit të një bisede të tij me një gazetar, të cilit i thotë se Garda Revolucionare elite kishte më shumë ndikim në punët e jashtme dhe dosjen bërthamore të vendit sesa ai. Ky detaj nxjerr në pah natyrën e lidhjes që ka qeveria iraniane me Gardën Revolucionare.

Nëndetësja e zhdukur në Indonezi u gjet e ndarë në tre pjesë në fund të detit. Lajmin e konfirmuar zyrtarët e ushtrisë dhe marinës.

"Bazuar në prova, mund të thuhet se KRI Nanggala është fundosur dhe i gjithë ekuipazhi i saj kanë vdekur", citohet nga Reuters shefi ushtarak, marshalli Hadi Tjahjanto.

Ngrohja globale ka sjellë një pasojë që deri tani nuk dihej: zhvendosjen e boshtit përgjatë të cilit rrotullohet Toka. Studimet e kryera së fundmi tregojnë se ky proces ka nisur që nga vitet 1990 dhe është tregues i ndikimit të thellë që njerëzit kanë në planet.

Polet gjeografike të veriut dhe jugut të planetit janë pika ku boshti i tij i rrotullimit kryqëzon sipërfaqen, por ato nuk janë fikse. Ndryshimet në mënyrën e shpërndarjes së masës së Tokës rreth planetit bëjnë që boshti, dhe për këtë arsye edhe polet, të lëvizin.

Një kompani kanadeze do të çojë në arbitrazh shtetin turk për anulimin e një projekti, me argumentin se dëmton mjedisin. Alamos Gold është një kompani miliarda dollarëshe në Kanada, të cilës vitin e kaluar Turqia i anuloi lejen e një miniere në veriperëndim të vendit. Kompania tani kërkon 1 miliard dollarë dëmshpërblim.

Bisedimet mes Zvicrës dhe BE-së janë sërish në ngërç. Presidenti zviceran, Gay Parmelin, dhe presidentja e Komisionit Europian, Evropian Ursula von der Leyen, u ulën sot në tryezën e diskutimeve me shpresën e arritjes së një marrëveshjeje kornizë gjithëpërfshirëse midis Zvicrës dhe BE. Por takimi ka përfunduar pa rezultat.

Zvicra pretendon se ndihma shtetërore, rregullat e punës dhe të drejtat e qytetarëve cenohen nga një projekt-marrëveshje e hartuar në 2018. Por BE ngul këmbë për të kundërtën.

Pas zbritjes me sukses në Mars, Perserverance ka shënuar një tjetër arritje. Në bordin e roverit të NASA-s është prodhuar për herë të parë oksigjen, kjo falë instrumentit Moxie (Eksperimenti i Shfrytëzimit të Burimeve të Oksigjenit në Mars). Oksigjeni është prodhuar në atmosferën e planetit të kuq, e përbërë në masën 96% nga dioksid karboni.

Presidenti ukrainas, Volodymyr Zelenskyy, ka dekretuar një ligj të ri për shërbimin ushtarak, në një kohë kur vendi është prej javësh në prag të një konflikti me Rusinë fqinje. Ligji i ri parashikon që rezervistët të thirren në çdo kohë për shërbim ushtarak.

Ky ligj hyn në fuqi ndërkohë që forcat ruse janë shtuar në kufirin më Ukrainën dhe po ashtu edhe incidentet.