bota

Disa ditë pas një incidenti në stacionin bërthamor në Natanz, që e cilësoi fillimisht sulm terrorist, Irani ka një emër për autorin. Sipas medieve iraniane, i dyshuari është 43-vjeçari Reza Karimi, i lindur në Kashan, një qytet në Iran. Televizioni shtetëror publikoi një foto të Karimit, për të cilin tha se ka njoftuar Interpolin, pasi është larguar nga vendi pas sabotimit të punës në centralin bërthamor.

CIA nuk ka pasur në shënjestër vetëm Fidel Kastron, por edhe të vëllain, Raul. Në vitin 1960, Raul Kastro është bërë udhëheqësi i parë i revolucionit kuban, për të cilin CIA hartoi një plan eliminimi. Kundrejt 10 000 dollarëve u pajtua një pilot, i cili do ta merrte vëllain e Fidelit nga Praga në Havana, rrugë gjatë të cilës do të ndodhte një "aksident". Plani që nuk arriti kurrë të finalizohej zbulohet nga dokumentet e deklasifikuara, të botuara së fundmi nga Arkivi i Sigurisë Kombëtare në Uashington.

Në Danimarkë, 37 persona po kërkojnë dëmshpërblim për efektet e padëshirueshme që ata thonë se pësuan pasi u vaksinuan. Shumica e rasteve kanë të bëjnë me vaksinën e AstraZeneca, të cilën vendi vendosi të mos e përdorë më që nga 14 prilli.

Shoqata Daneze e Kompensimit të Pacientëve konfirmoi se janë 29 personat që kanë aplikuar për kompensim për efektet anësore, që sipas tyre, u ka shkaktuar vaksina suedeze-britanike. Tetë persona të tjerë aplikuan për kompensim në lidhje me vaksinën Pfizer.

Ndërsa pjesa më e madhe e vendeve europiane ndryshuan strategjinë e vaksinimit me AstraZeneca pas disa rasteve të mpikjes së gjakut, Danimarka pritet të marrë një masë më të ashpër. Sipas burimeve të cituara nga mediat daneze, Danimarka do të pezullojë përgjithmonë përdorimin e vaksinës AstraZeneca dhe do të pezullojë “Johnson & Johnson” deri në një njoftim të dytë.

Certifikatat dixhitale, të cilat do bëhen funksionale në BE nga fillimi i verës, do të lëshohen për të gjitha vaksinat kundër Covid 19 dhe me to do të pajisen edhe qytetarët e vendeve jashtë BE-së.

Komisioneri Evropian për Drejtësinë, z. Didier Reynders, tha para Komitetit të Lirive dhe Drejtësisë në Parlamentin Evropian, se qëllimi kryesor i certifikatave dixhitale është lehtësimi i lëvizjes së lirë në BE.

Rritja e shpenzimeve për eksplorimin e hapësirës do t’i japë mundësi Rusisë të çojë tre misione në Hënë. Presidenti i Akademisë së Shkencave të Rusisë, Alexander Sergeyev, tha se qeveria ka vendosur që të shpenzojë 15 miliardë rubla (195 milionë dollarë) në vit për programin federal të hapësirës.

Misionet që synojnë Hënën janë emërtuar Luna-25 këtë vit, Luna-26 në 2024 dhe Luna-27 në 2025.

Hëna është bërë objektivi i garës së re të fuqive të mëdha botërore. E para është ajo e vitit 1966-1976.

E kanë pagëzuar “paradoksi kilian”. Vendi në Amerikën e Jugut habiti botën për shpejtësinë e fushatës së vaksinimit masiv kundër koronavirusit: 4.6 milionë njerëz nga 18 milionë banorë që ka Kili kanë bërë dy doza të vaksinës, 7.2 milion kanë bërë vetëm njërën. Vetëm Izraeli, Emiratet e Bashkuara Arabe dhe Seychelles renditen para Kilit për fushatën e vaksinimit.

Gjoba që shteti kinez i vuri sipërmarrësit Jack Ma është reflektuar në favor të tij në bursë. Aksionet e kompanisë Alibaba në Hong-Kong u rritën menjëherë me 6 %, ndërkohë që në bursën amerikane rritja është 9%, më e madhja në pothuajse katër vjet.

Sipas Indeksit të Miliarderëve nga Bloomberg, vlera neto e Ma u rrit me 2.3 miliardë dollarë për të arritur 52.1 miliardë dollarë. Ai aktualisht është njeriu i 25-të më i pasur në bot, dhe i treti në listën e më të pasurve të Kinës.

Ukraina dhe Rusia janë shumë pranë një konflikti të armatosur. Më shumë sesa një konflikt modern, ai i ngjan një të tilli të shekullit XX. Ushtarë të lodhur e nervozë me pushkë në krah që skanojnë atë një njihet si toka e askujt.

Snajperët, me gjasë të trajnuar nga rusë, thonë se zyrtarët ukrainas po presin rastin për të urdhëruar hapje zjarri. Më shumë se 20 shokë të tyre janë pushkatuar tashmë gjatë këtij viti.

Rreth 900 metër në thellësi të detit, 10 milje nga brigjet e Los Angelesit gjenden fuçi të panumërta me mbetje toksike. Zbulimi është bërë nga David Valentine, një studiues i jetës ujore dhe profesor në Universitetin e Kalifornisë.

Fuçitë përmbajnë DDT, një përbërje kimke pa erë që fillimisht u zhvillua si një insekticid gjatë Luftës së Dytë Botërore. Në vitet ‘60, përbërja u zbulua se ishte shumë toksike për njerëzit dhe kafshët, ndërsa Agjencia e Mbrojtjes së Mjedisit e ka etiketuar tani si "kancerogjen i mundshëm njerëzor".