bota

Ankaraja nuk do ta njohë aneksimin e Krimesë. Gjatë një vizite që presidenti ukrainas pati në Turqi, Erdogan tha se vendi i tij është pro Platformës së Krimesë, një iniciativë e kësaj të fundit për të mbledhur mbështetje ndërkombëtare.

Rregullatori i ilaçeve i Bashkimit Evropian, EMA, do të vlerësojë vaksinën e prodhuar nga Johnson & Johnson's, pas konstatimit të katër rasteve të mpiksjes së gjakut, raporton DW. Vaksina anti-Covid “Jansen” në katër raste në SHBA dyshohet se është pasuar me një efekt të tillë.

Shtëpia e parë publike me kukulla seksi në Kinë është mbyllur nga policia. Policia në Shenzen i ka mbyllur dyert hotelit ku meshkujt paguanin 28 dollarë për një orë me një kukull seksi.

Lajmin e bën të ditur revista shtetërore “Sixth Tone”, e cila citon pronarin, Li Bo: “Nuk na dhanë shpjegim dhe nuk kishin dokument për mbylljen”.

Burri i Mbretëreshës Elizabeth II, Princi Philip, ka ndërruar jetë në moshën 99 vjeç. Lajmi u bë i ditur nga

Vendet më të pasura po dështuan në provën e solidaritetit global, në të cilën i vuri pandemia Covid-19. Ky është konkluzioni i Amnesty International në raportin e saj vjetor, në të cilin akuzon Kinën dhe vende të tjera se kanë shfrytëzuar pandeminë për të minuar të drejtat e njeriut.

Në krye të organizatës është rishtas francezja Agnès Callamard.

SHBA dhe Irani duket se janë pranë rikthimit në marrëveshjen bërthamore. Plani i Përbashkët Gjithëpërfshirës i Veprimit (JCPOA) është marrëveshja e nënshkruar mes palëve gjatë mandatit të presidentit Barack Obama, por SHBA u tërhoq prej saj pas ardhjes në krye të Shtëpisë së Bardhë të presidentit Donald Trump. Me ndërrimin e administratës amerikane, duket se një rikthim te marrëveshja mund të arrihet shumë shpejt. Konfirmimi i fundit vjen nga përfaqësuesi i përhershëm i Rusisë në oranizatat ndërkombëtare me bazë në Vjenë, Mikhail Ulyanov.

Franca ka hapur arkivat për gjenocidin e vitit 1994 në Ruandë. Autori kryesor i një raporti të porositur nga presidenti Emmanuel Macron në lidhje me të thotë se roli i Francës para dhe gjatë gjenocidit në Ruandë ishte një "dështim monumental" që vendi duhet të pranojë.

Organizata Botërore e Shëndetësisë (OBSH) refuzon përdorimin e pasaportave Covid. Në një konferencë për shtyp të martën, zëdhënësja e OBSH-së Margaret Harris, e motivoi këtë vendim me diskriminimin që sjell një hap i tillë dhe shtoi se nuk ka garanci që vaksina parandalon transmetimin e sëmundjes, raporton Reuters.

OBSH vlerëson se në këtë moment nuk e mbështesim pasaportën e vaksinës si kriter për hyrjen apo daljen nga një vend.

Moska dhe Uashingoni kanë rënë dakord të zgjasin marrëveshjen e bashkëpunimit në hapësirë, gjë që lejon kozmonautët rusë dhe astronautët amerikanë të eksplorojnë së bashku hapësirën.

Të shtunën, kryeministri rus Mikhail Mishustin miratoi propozimet, duke zgjatur marrëveshjen deri në fund të vitit 2030. Sipas një zyrtari, marrëveshja parashikon "kërkimin dhe përdorimin e hapësirës së jashtme për qëllime paqësore" për pjesën më të mirë të dekadës së ardhshme.

Zgjedhjet e së dielës në Bullgari çuan në Parlament tre parti të reja, kryesisht përfaqësuese të protestave anti-korrupsion të verës së kaluar. Kryeministri Boyko Borissov, konservatori qeverisës GERB, mbeti partia më e fortë e vetme, por me shanse të pakta për të formuar një qeveri dhe për të mbajtur pushtetin.