be

Jetojmë në kohë ku mund të thuash çdo gjë dhe sërish të shënjestrohesh si lider i suksesshëm. Marie Le Pen dhe Franca e kulturës që duket se po i rend nga pas janë një shembull i rrallë në këtë drejtim. Prej kohësh liderja e Frontit Popullor predikon daljen nga BE-ja të Francës, që do të ishte në fakt fundi i unionit, daljen nga Euro dhe rishikim të marrëdhnëieve ndaj Rusisë. Por kur vjen puna për të vendosur një standard pranimi të përgjithshëm për të huajt, Le Pen nuk shkon dot përtej BE-së që e konsideron vetiu si kufirin final ku fillon “Tjetri” për Francën.

Brukseli nuk ka asnjë sugjerim konkret për qeverinë e re në Maqedoni. Eurokomisioneri Johannes Hahn gjatë vizitës së tij në këtë vend ka apeluar për bashkëpunim dhe ndjekje të rrugës euroatlantike në krijimin e qeverisë, krijimin e së cilës e synon Zoran Zaev I LSDM-së.

Ted Malloch, i përfolur si kandat për ambasador të SHBA-së në Bashkimin Europian, i ka dhënë një intervistë Skai Tv. Malloch jep disa konsiderata për politikën aktuale në Europë duke sugjeruar se Greqia duhet të lërë Eurozonën. Madje sipas tij, do të jetë vetë Greqia që në një vit, apo një vit e gjysmë do ta kërkojë një gjë të tillë. Dilema se çfarë ndodh me këtë vend nëse lë Euron për Malloch duhet parë nga një optikë më praktike: A mendohet se do të jetë më keq sesa tani?

Kancelarja gjermane Angela Merkel ka deklaruar se pas Samitit të Romës që mbahet muajin e ardhshëm mund të adoptohet një udhëzues i ri për atë që ajo e quajti “Europa e shpejtësive të ndryshme”. Në 60 vjetorin e Bashkimit Europian, liderët e 27 vendeve do të përpiqen të shpallin një dokument për periudhën post-Brexit, i cili duhet të rregullojë standardet e integrimit, aderimin në të njëjtën monedhë, duke lënë hapësirë për vendime të alternuara nga secili vend.

Ted Malok, profesori dhe shkrimtari që u përzgjodh nga presidenti amerikan Donald Trump për postin e ambasadorit të SHBA-ve në Bashkimin Europian parasheh një shpërbërje të Badhkimit Europian. Madje ai thotë se shkëputja e Britanisë ishte vetëm fillimi. 

Serenata e takimeve Rama – Vuçic pasohet nga limonada e lidhjeve të posaçme mes grekëve dhe serbëve që artikulohen nga internacionalisti Aleksis Tsipras. Kryeministri grek, i provuar si zhgënjimi më i madh i 25 viteve të fundit në Greqi me deformimin e rezultateve të referendumit të fundit në Greqi, ka qenë këto dy dtë në Beograd, ku është takuar me homolgun Aleksander Vuçiç.

Ballkani Perëndimor duhet të mbetet prioritet strategjik për Bashkimin Europian. Këtë parashtrim ka bërë në Parlamentin Europian, Komiteti për Çështjet me Jashtë që vlerëson se rajoni në fjalë parqet sfida të mëdha edhe të sigurisë. Marrëveshjet e papërfunduara, marrëdhëniet e brishta ndëretnike, kërcënimi nga radikalizmi islamik, ndikimi rus si dhe mungesa e lirisë së medias dhe dialogut politik, janë çështje të hapura në Ballkanin Perëndimor ku hyn edhe Shqipëria. Komiteti ka kërkuar që BE-ja të rrisë prezencën në këtë zonë, ku së fundmi po konsumohen disa shkëndija konflikti.

Ministri i jashtëm grek, Nikos Kotzias, ka deklaruar se Athina kërkon t’i zgjidhë gjithë problemet me Tiranën, mbi bazën e të drejtës ndërkombëtare. Ai gjithashtu ka shtuar se pala greke nuk me sheh të nevojshme vendosjen e vetos për hapjen e negociatave të anëtarësimit të Shqipërisë në BE, pasi sipas tij Shqipërisë i janë vënë kushte nga Brukseli.

Teksa situata në rajon duke jo pak e tensionuar për shkak të raporteve të ndezura Prishtinë-Beograd, kjo nuk e pengon Serbinë të avancojë drejt Bashkimit Evropian. Së fundmi Kroacia dhe Bullgaria kanë dhënë zyrtarisht "dritën jeshile" për të hapur kapitullin 26 në negociatat me Serbinë për anëtarësim në BE. B92 raporton se se grupi punues për zgjerim ka arritur më në fund pajtueshmërinë për hapjen e kapitullit 26 që ka të bëjë me arsimin dhe kulturën.

Ligjet antiterrorizëm që janë miratuar në dy vitet e fundit në 14 vende të Bashkimit Europian vijnë në shkelje të të drejtave të njeriut pasi ato diskriminojnë myslimanët dhe refugjatët. Të paktën këtë përfundim përcjell Amnesty International, në një raport që citohet nga agjencia “Reuters”. 

“Myslimanët dhe të huajt barazohen me terroristët”, citon “Reuters” një eksperte të AI, Julia Hall. Prirja po zë vend në disa vende të BE-së dhe ajo i mëshon stereotipeve negative bazuar mbi paragjykime dhe frikë joproporcionale.