be

Arritja e një marrëveshjeje mes Prishtinës dhe Beogradit hap për të dy vendet perspektivën e integrimit në BE. Ministri i Jashtëm gjerman, Heiko Maas, përcolli mesazhin e Berlinit zyrtar në vigjilje të Procesit të Berlinit.

Maas tha se Berlini mbështet pa kushte përpjekjet e përfaqësuesit të Lartë të BE-së, Josep Borrell, dhe të Dërguarit Special të BE për Dialog, Miroslav Lajcak, në arritjen e një marrëveshjeje.

FRONTEX, Agjencia e BE-së për kufirin dhe rojen bregdetare është një dështim i plotë. Gjykata Europiane e Audituesve ka konstatuar paafatësinë e kësaj njësie në përmbushjen edhe të detyrave që i janë caktuar pesë vjet më parë, teksa aktualisht asaj po i ngarkohen misione të reja si deportimi i imigrantëve. Gjykata ka çmuar se vendimi i KE-së në vitin 2016 për ta shndërruar FRONTEX në agjenci europiane për Kufirin dhe Rojen Bregdetare nuk është i përshtatshëm për të luftuar imigracionin e paligjshëm dhe krimin ndërkufitar. 

Disa vende të BE kanë vënë në funksion sistemin e kalimit dixhital për Covid-19 për udhëtime në të gjithë rajonin. Pritet që ky sistem të aplikohet gjerësisht pas datës 1 korrik.

Komisioni Evropian thotë se shtatë shtete anëtare - Bullgaria, Çekia, Danimarka, Gjermania, Greqia, Kroacia dhe Polonia - janë lidhur me sistemin qendror dhe kanë filluar lëshimin e certifikatave të para, raporton Euronews. Vende të tjera pritet t’u bashkohen.

Lideri i Legës në Itali po përpiqet të krijojë një forcë të re politike në PE. Forca e re do të bëjë bashkë grupin e tij Identitet dhe Demokraci (ID), grupin e Polonisë Ligj dhe Drejtësi (PiS) dhe politikanë konservatorë nga radhët e PPE-së si kryeministri hungarez, Viktor Orban.  

"Ka ardhur koha për të bashkuar më të mirët nga këto tre grupe dhe për luajtur një rol vendimtar në Parlamentin e BE," deklaroi Salvini të dielën në Cascais, Portugali, ku mori pjesë në një konferencë të grupit të tij të ID nën moton "Projekti për një Evropë tjetër”.

Zvicra braktis në mënyrë përfundimtare shtatë vite negociata me Bashkimin Evropian, që supozohej se do të modernizonin marrëdhëniet e tyre bilaterale. Zvicra dhe BE-ja kanë punuar për një Marrëveshje Kornizë Institucionale, e cila të kishte në fokus hyrjen e Zvicrës në tregun e përbashkët europian, një ekuilibër që Brukseli zakonisht e quan "fushë e barabartë". Negociatat nisën në 2014 dhe një draft i plotë u arrit në nëntor 2018, kohë kur Berna dhe Brukseli nisën fazën e dytë: atë të rishikimit për sqarime dhe amendime.

Partia Demokratike duket se ka marrë sot një goditje të re sa i përket pretendimeve të saj për manipulim masiv elektoral më 25 prill 2021. Gjatë një aktiviteti në Përmet, ambasadori i BE-së në Tiranë, Luigi Soreca ka deklaruar se zgjedhjet përmbushën standardet dhe se Shqipërisë tashme duhet t’i hapet drita jeshile për konferencën ndërqeveritare.

Liderët e Bashkimit Evropian takohen të martën (25 maj) për të diskutuar mbi hapat drejt strategjisë për një të ardhme me karbon të ulët. Samiti do ta vërë theksin te riorganizimi i ardhshëm i politikave të BE për ndryshimin e klimës.

Komisioni ekzekutiv i BE do të publikojë propozimet mbi politikat klimatike në korrik, duke përfshirë reformat në tregun e karbonit dhe standarde më të ashpra të dioksidit të karbonit për makinat. Për miratimin e tyre duhet unanimiteti i 27 vendeve anëtare.

Vendet e Bashkimit Evropian kanë rënë sot dakord për të lehtësuar kufizimet e udhëtimit për vizitorët që vijnë nga vende që nuk janë pjesë e Unionit. Lehtësimi do të hyjë në fuqi para nisjes së sezonit turistik veror, bën të ditur Reuters, që u referohet dy burimeve të ndryshme në BE.

Si vend anëtar i NATO-s, Turqia ka paraqitur një kërkesë për të marrë pjesë në projektin ushtarak të BE-së të udhëhequr nga holandezët, pavarësisht marrëdhënieve të tensionuara me Greqinë dhe Qipron. Ndërsa kërkesa turke po shqyrtohet, diplomatët e BE janë të ndarë për pjesëmarrjen e mundshme të Ankarasë.

Bashkimi Europian ka pranuar së fundmi se besimi ndaj tij dhe narrativës europiane në Ballkan ka rënë. Agjencia “Reuters” referon dokumente të brendshme të BE-së që janë qarkulluar në takimin e së martës të ministrave të Jashtëm të unionit, ku evidentohet zhgënjimi i prodhuar në Ballkan.

Ne duhet të njohim se pavarësisht angazhimit në integrimin europian, njerëzit në rajon për pëjetojnë një sens të zhgënjiit të thellë për procesin e zgjerimit. Një perceptim i vonesës nga BE për dërgesën e vaksinës kundër CoVid-19 ka ushqyer më tej një narrativë të zhgënjimit