be

Talebanët duket se e kanë fituar betejën e legjitimimit ndërkombëtar. "Financial Times" raporton se Bashkimi Europian do të hapë në muajin nëntor një mision të vetin përfaqësimi në Kabul. Misioni nuk do të konsistojë në një ambasadë pasi BE nuk e njeh qeverinë e talebanëve.

Vendimi vjen pasi Perëndimi duket se ka humbur kontaktin me terrenin në një vend që pasi dëboi forcat e NATO-s dhe ato amerikane, ka marrëdhënie në nivel të lartë diplomatic me vende të tjera rivale si Kina, Turqia dhe Rusia.

Bashkimi Europian do t’i akordojë Afganistanit dhe vendeve fqinje 1.16 miliardë dollarë ndihmë për të shmangur "katastrofën".

"Ne duhet të bëjmë gjithçka që mundemi për të shmangur një kolaps të madh humanitar dhe socio -ekonomik në Afganistan," tha Ursula von der Leyen, presidentja e Komisionit Evropian, në një deklaratë.

Gjykata Kushtetuese në Poloni i cilëson në kundërshtim me Kushtetutën e vendit disa ligje të Bashkimit Evropian. Vendimi i shpallur dje shkaktoi zemërim në Bruksel dhe ka gjasa të dëmtojë më tej marrëdhëniet me BE-në. Gjykata u kërkoi institucioneve të BE-së të mos "veprojnë përtej fushëveprimit të kompetencave të tyre" duke ndërhyrë në gjyqësorin e Polonisë.

Asgjë e re sa i përket integrimit nuk pritet në samitin e Sllovenisë. E mërkura do të mbledhë bashkë në Brdo të Sllovenisë, liderët e Bashkimit Europian dhe ata të vendeve të Ballkanit Perëndimor.

Sipas Jutarnji list, e cila i referohet draftit të konkluzioneve që priten në samit "nuk ka një datë për zgjerimin e Bashkimit Evropian".

Propozimi për një karikues universal ka sjellë përplasjen e radhës mes BE dhe Apple. Unioni argumenton se një kabllo standarde për të gjitha pajisjet do të zvogëlojë mbeturinat elektronike, por Apple kundërshton duke thënë se një karikues i vetëm do të ngadalësojë inovacionin dhe do të krijojë më shumë ndotje.

Vendimi për unifikimin e kësaj pajisjeje do të ndikonte ne tregun global të smarfonëve, duke pasur parasysh se vetë vendet e Bllokut kanë në total një popullsi prej 450 milionë banorësh.

Kancelarja gjermane Angela Merkel ka përmbyllur një viztë në Tiranë ku është takuar me përfaqësues të Shqipërisë dhe Maqedonisë së Veriut, pasi kaloi një ditë në Beograd. Siç dihet zonja Merkel përfaqëson një histori suksesi personal, një mentalitet qeverisjeje dhe menaxhimi të hapave të sigurt dhe një konsistencë gati ideologjike te liberalizimi dhe bindja për të drejtat e njeriut. Vizita patjetër që është shumë e rëndësishme, pavarësisht se Merkel mbyll karrierën, edhe pse ajo lë një trashëgimi që prek rajonin tonë siç është Procesi i Berlinit.

Bashkimi Europian do të asistojë Afganistanin me një ndihmë ekonomike në masën 100 milionë euro. Paketa mbështetëse u bë e ditur sot gjatë fjalimit të presidentes së Komisionit Europian, Ursula von der Leyen.

Shuma i shtohet paketës humanitare prej 200 milionë eurosh të shpallur tashmë. BE-ja ngriu fondet e saj prej 1 miliardë eurosh për ndihmë zhvillimi për Afganistanin, pasi kontrollin e vendit e morën talebanët.

Komisioneri europian për Zgjerimin, Oliver Várhelyi ka bërë thirrje për një partneritet të ri mes Bashkimit Europian dhe Turqisë në dritën e zhvillimeve të reja në Afganistan. Në një intervistë për hungarezen “MagyarNemzet”, Várhelyi ka vënë në dukje se Afganistani paraqet një krizë potenciale migratore, e cila mund të parandalohet.

Kriza e tanishme na ka dëshmuar se nuk ka rrugë tjetër pos bashkëpunimit me Ankaranë

Suedia nuk është dakord me propozimin e ministrave të mbrojtjes të BE-së për ngritjen e një force evropiane të reagimit të shpejtë për t'iu përgjigjur shpejt krizave në Afganistan. Ministri suedez i Mbrojtjes, Peter Hultqvist, i tha radios kombëtare se bashkëpunimi me SHBA mbetet shtylla kurrizore e sigurisë evropiane.

"Nuk e shoh një forcë europiane si linjën kryesore për zgjidhjen e këtyre problemeve," tha Hultqvist.

Shtetet e Bashkuara u larguan nga Afganistani të martën kokulur dhe me vetëm një pjesë të objektivave të arritura, pas 20 vitesh luftë. Për aleatët evropianë të Amerikës, poshtërimi mund të jetë thjesht në fillimet e tij.

E lidhur me Afganistanin në rrugë tokësore, ndryshe nga SHBA-të, për Evropën kthimi i talebanëve paraqet kërcënime më konkrete. Ato përfshijnë jo vetëm terrorizmin, por edhe migrimin masiv dhe tregtinë e heroinës. Pa pasur prani në terren, qeveritë evropiane tani do të kenë një numër të kufizuar mjetesh me të cilat të ndikojnë te grupi militant.